sri subramanya stotras / Subrahmanya Pancharatnam
ṣaḍānanaṁ candanalēpitāṅgaṁ mahōrasaṁ divyamayūravāhanam |
rudrasyasūnuṁ suralōkanāthaṁ brahmaṇyadēvaṁ śaraṇaṁ prapadyē || 1 ||
jājvalyamānaṁ suravr̥ndavandyaṁ kumāra dhārātaṭa mandirastham |
kandarparūpaṁ kamanīyagātraṁ brahmaṇyadēvaṁ śaraṇaṁ prapadyē || 2 ||
dviṣaḍbhujaṁ dvādaśadivyanētraṁ trayītanuṁ śūlamasī dadhānam |
śēṣāvatāraṁ kamanīyarūpaṁ brahmaṇyadēvaṁ śaraṇaṁ prapadyē || 3 ||
surārighōrāhavaśōbhamānaṁ surōttamaṁ śaktidharaṁ kumāram |
sudhāra śaktyāyudha śōbhihastaṁ brahmaṇyadēvaṁ śaraṇaṁ prapadyē || 4 ||
iṣṭārthasiddhipradamīśaputraṁ iṣṭānnadaṁ bhūsurakāmadhēnum |
gaṅgōdbhavaṁ sarvajanānukūlaṁ brahmaṇyadēvaṁ śaraṇaṁ prapadyē || 5 ||
yaḥ ślōkapañcamidaṁ paṭhatīha bhaktyā
brahmaṇyadēva vinivēśita mānasaḥ san |
prāpnōti bhōgamakhilaṁ bhuvi yadyadiṣṭam
antē sa gacchati mudā guhasāmyamēva || 6 ||
