Sri Shashti Devi Stotram

0
296
Sri Shashti Devi Stotram

Sri Shashti Devi Stotram | sri devi stotras

dhyānam |
śrīmanmātaramambikāṁ vidhimanōjātāṁ sadābhīṣṭadāṁ
skandēṣṭāṁ ca jagatprasūṁ vijayadāṁ satputra saubhāgyadāṁ |
sadratnābharaṇānvitāṁ sakaruṇāṁ śubhrāṁ śubhāṁ suprabhāṁ
ṣaṣṭāmśāṁ prakr̥tēḥ paraṁ bhagavatīṁ śrī dēvasēnāṁ bhajē ||

ṣaṣṭāmśāṁ prakr̥tēḥ śuddhāṁ supratiṣṭāṁ ca suvratāṁ
suputradāṁ ca śubhadāṁ dayārūpāṁ jagatprasūṁ |
śvētacampakavarṇābhāṁ raktabhūṣaṇabhūṣitāṁ
pavitrarūpāṁ paramaṁ dēvasēnā parāṁ bhajē ||

stōtraṁ |

namō dēvyai mahādēvyai siddhyai śāntyai namō namaḥ |
śubhāyai dēvasēnāyai ṣaṣṭī dēvyai namō namaḥ || 1 ||

varadāyai putradāyai dhanadāyai namō namaḥ |
sukhadāyai mōkṣadāyai ṣaṣṭī dēvyai namō namaḥ || 2 ||

sr̥ṣṭyai ṣaṣṭāmśarūpāyai siddhāyai ca namō namaḥ |
māyāyai siddhayōginyai ṣaṣṭī dēvyai namō namaḥ || 3 ||

sārāyai śāradāyai ca parādēvyai namō namaḥ |
bālādiṣṭātr̥ dēvyai ca ṣaṣṭī dēvyai namō namaḥ || 4 ||

kalyāṇadāyai kalyāṇyai phaladāyai ca karmaṇāṁ |
pratyakṣāẏai sarvabhaktānāṁ ṣaṣṭī dēvyai namō namaḥ || 5 ||

pūjyāyai skandakāntāyai sarvēṣāṁ sarvakarmasu |
dēvarakṣaṇakāriṇyai ṣaṣṭī dēvyai namō namaḥ || 6 ||

śuddhasattvasvarūpāyai vanditāyai nr̥ṇāṁ sadā |
hiṁsākrōdhavarjitāyai ṣaṣṭī dēvyai namō namaḥ || 7 ||

dhanaṁ dēhi priyāṁ dēhi putraṁ dēhi surēśvari |
mānaṁ dēhi jayaṁ dēhi dviṣō jahi mahēśvari || 8 ||

dharmaṁ dēhi yaśō dēhi ṣaṣṭī dēvī namō namaḥ |
dēhi bhūmiṁ prajāṁ dēhi vidyāṁ dēhi supūjitē |
kalyāṇaṁ ca jayaṁ dēhi ṣaṣṭī dēvyai namō namaḥ || 9 ||

phalaśr̥ti |

iti dēvīṁ ca saṁstutya labhētputraṁ priyavrataṁ |
yaśaśvinaṁ ca rājēndraṁ ṣaṣṭī dēvi prasādata ||

ṣaṣṭī stōtramidaṁ brahmān yaḥ śr̥ṇōti tu vatsaraṁ |
aputrō labhatē putraṁ varaṁ sucira jīvanam ||

varṣamēkaṁ ca yā bhaktyā saṁstutyēdaṁ śr̥ṇōti ca |
sarvapāpātvinirmuktā mahāvandhyā prasūyatē ||

vīraṁ putraṁ ca guṇinaṁ vidyāvantaṁ yaśasvinaṁ |
sucirāyuṣyavantaṁ ca sūtē dēvi prasādataḥ ||

kāka vandhyā ca yā nārī mr̥tapatyā ca yā bhavēt |
varṣaṁ śr̥tvā labhētputraṁ ṣaṣṭī dēvī prasādataḥ ||

rōga yuktē ca bālē ca pitāmātā śr̥ṇōti cēt |
māsēna mucyatē rōgān ṣaṣṭī dēvī prasādataḥ ||

jaya dēvi jaganmātaḥ jagadānandakāriṇi |
prasīda mama kalyāṇi namastē ṣaṣṭī dēvatē ||

śrī ṣaṣṭī dēvi stōtraṁ sampūrṇam ||

Download PDF here Sri Shashti Devi Stotram

LEAVE A REPLY

Please enter your comment!
Please enter your name here