Sri Rahu Stotram

0
393
Sri Rahu Stotram

navagraha stotras

ōṁ asya śrī rāhustōtramahāmantrasya vāmadēva r̥ṣiḥ | anuṣṭupcchandaḥ | rāhurdēvatā | śrī rāhu graha prasādasiddhyarthē japē viniyōgaḥ |

kāśyapa uvāca |
śr̥ṇvantu munayaḥ sarvē rāhuprītikaraṁ stavam |
sarvarōgapraśamanaṁ viṣabhītiharaṁ param || 1 ||

sarvasampatkaraṁ caiva guhyaṁ stōtramanuttamam |
ādarēṇa pravakṣyāmi sāvadhānāśca śr̥ṇvata || 2 ||

rāhuḥ sūryaripuścaiva viṣajvālādhr̥tānanaḥ |
sudhāṁśuvairiḥ śyāmātmā viṣṇucakrāhitō balī || 3 ||

bhujagēśastīkṣṇadamṣṭraḥ krūrakarmā grahādhipaḥ |
dvādaśaitāni nāmāni nityaṁ yō niyataḥ paṭhēt || 4 ||

japtvā tu pratimāṁ caiva sīsajāṁ māṣasusthitām |
nīla gandhākṣataiḥ puṣpairbhaktyā sampūjya yatnataḥ || 5 ||

vahnimaṇḍalamānīya dūrvānnājyāhutīḥ kramāt |
tanmantrēṇaiva juhuyādyāvadaṣṭōttaraṁ śatam || 6 ||

hutvaivaṁ bhaktimān rāhuṁ prārthayēdgrahanāyakam |
sarvāpadvinivr̥tyarthaṁ prāñjaliḥ praṇatō naraḥ || 7 ||

rāhō karālavadana ravicandrabhayaṅkara |
tamōrūpa namastubhyaṁ prasādaṁ kuru sarvadā || 8 ||

siṁhikāsuta sūryārē siddhagandharvapūjita |
siṁhavāha namastubhyaṁ sarvānrōgānnivāraya || 9 ||

kr̥pāṇaphalakāhasta triśūlin varadāyaka |
garalātigarālāsya gadānmē nāśayākhilān || 10 ||

svarbhānō sarpavadana sudhākaravimardana |
surāsuravarastutya sarvadā tvaṁ prasīda mē || 11 ||

iti samprārthitō rāhuḥ duṣṭasthānagatō:’pi vā |
suprītō jāyatē tasya sarvān rōgān vināśayēt || 12 ||

viṣānna jāyatē bhītiḥ mahārōgasya kā kathā |
sarvān kāmānavāpnōti naṣṭaṁ rājyamavāpnuyāt || 13 ||

ēvaṁ paṭhēdanudinaṁ stavarājamētaṁ
martyaḥ prasanna hr̥dayō vijitēndriyō yaḥ |
ārōgyamāyuratulaṁ labhatē suputrān-
sarvē grahā viṣamagāḥ suratiprasannāḥ || 14 ||

Download PDF here Sri Rahu Stotram

LEAVE A REPLY

Please enter your comment!
Please enter your name here