Sree Durga ashtottara satanama stotram

0
206

īśvara uvāca –
śatanāma pravakṣyāmi śṛṇuṣva kamalānane |
yasya prasādamātreṇa durgā prītā bhavet satī || 1 ||

satī sādhvī bhavaprītā bhavānī bhavamocanī |
āryā durgā jayā cā:’dyā trinetrā śūladhāriṇī || 2 ||

pinākadhāriṇī citrā caṃdraghaṃṭā mahātapāḥ |
mano buddhirahaṃkārā cittarūpā citā citiḥ || 3 ||

sarvamaṃtramayī sattā satyānaṃdasvarūpiṇī |
anaṃtā bhāvinī bhāvyā bhavyā:’bhavyā sadāgatiḥ || 4 ||

śāṃbhavī devamātā ca ciṃtā ratnapriyā sadā |
sarvavidyā dakṣakanyā dakṣayajñavināśinī || 5 ||

aparṇā:’nekavarṇā ca pāṭalā pāṭalāvatī |
paṭṭāṃbaraparīdhānā kalamaṃjīraraṃjinī || 6 ||

ameyavikramā krūrā suṃdarī surasuṃdarī |
vanadurgā ca mātaṃgī mataṃgamunipūjitā || 7 ||

brāhmī māheśvarī caiṃdrī kaumārī vaiṣṇavī tathā |
cāmuṃḍā caiva vārāhī lakṣmīśca puruṣākṛtiḥ || 8 ||

vimalotkarṣiṇī jñānā kriyā nityā ca buddhidā |
bahuḷā bahuḷapremā sarvavāhanavāhanā || 9 ||

niśuṃbhaśuṃbhahananī mahiṣāsuramardinī |
madhukaiṭabhahaṃtrī ca caṃḍamuṃḍavināśinī || 10 ||

sarvāsuravināśā ca sarvadānavaghātinī |
sarvaśāstramayī satyā sarvāstradhāriṇī tathā || 11 ||

anekaśastrahastā ca anekāstrasya dhāriṇī |
kumārī caikakanyā ca kaiśorī yuvatī yatiḥ || 12 ||

aprauḍhā caiva prauḍhā ca vṛddhamātā balapradā |
mahodarī muktakeśī ghorarūpā mahābalā || 13 ||

agnijvālā raudramukhī kālarātristapasvinī |
nārāyaṇī bhadrakāḷī viṣṇumāyā jalodarī || 14 ||

śivadūtī karālī ca anaṃtā parameśvarī |
kātyāyanī ca sāvitrī pratyakṣā brahmavādinī || 15 ||

ya idaṃ prapaṭhennityaṃ durgānāmaśatāṣṭakam |
nāsādhyaṃ vidyate devi triṣu lokeṣu pārvati || 16 ||

dhanaṃ dhānyaṃ sutaṃ jāyāṃ hayaṃ hastinameva ca |
caturvargaṃ tathā cāṃte labhenmuktiṃ ca śāśvatīm || 17 ||

kumārīḥ pūjayitvā tu dhyātvā devīṃ sureśvarīm |
pūjayetparayā bhaktyā paṭhennāmaśatāṣṭakam || 18 ||

tasya siddhirbhaveddevi sarvaissuravarairapi |
rājāno dāsatāṃ yāṃti rājyaśriyamavāpnuyāt || 19 ||

gorocanālaktakakuṃkumena siṃdhūrakarpūramadhutrayeṇa |
vilikhya yaṃtraṃ vidhinā vidhijño bhavetsadā dhārayate purāriḥ || 20 ||

bhaumāvāsyāniśāmagre caṃdre śatabhiṣāṃ gate |
vilikhya prapaṭhet stotraṃ sa bhavet saṃpadāṃ padam || 21 ||

Download PDF here Sree Durga ashtottara satanama stotram

 

LEAVE A REPLY

Please enter your comment!
Please enter your name here