Bhramaramba ashtakam

0
372
Bhramaramba ashtakam
Sri Devi stotras

sri devi stotras / Bhramaramba ashtakam

cāñcalyāruṇalōcanāñcitakr̥pācandrārkacūḍāmaṇiṁ
cārusmēramukhāṁ carācarajagatsaṁrakṣaṇīṁ tatpadām
cañcaccampakanāsikāgravilasanmuktāmaṇīrañjitāṁ
śrīśailasthalavāsinīṁ bhagavatīṁ śrīmātaraṁ bhāvayē || 1 ||

kastūrītilakāñcitēnduvilasatprōdbhāsiphālasthalīṁ
karpūradravamiśracūrṇakhadirāmōdōllasadvīṭikām
lōlāpāṅgataraṅgitairadhikr̥pāsārairnatānandinīṁ
śrīśailasthalavāsinīṁ bhagavatīṁ śrīmātaraṁ bhāvayē || 2 ||

rājanmattamarālamandagamanāṁ rājīvapatrēkṣaṇāṁ
rājīvaprabhavādidēvamakuṭaiḥ rājatpadāmbhōruhām
rājīvāyatamandamaṇḍitakucāṁ rājādhirājēśvarīṁ
śrīśailasthalavāsinīṁ bhagavatīṁ śrīmātaraṁ bhāvayē || 3 ||

ṣaṭtārāṁ gaṇadīpikāṁ śivasatīṁ ṣaḍvairivargāpahāṁ
ṣaṭcakrāntarasaṁsthitāṁ varasudhāṁ ṣaḍyōginīvēṣṭitām
ṣaṭcakrāñcitapādukāñcitapadāṁ ṣaḍbhāvagāṁ ṣōḍaśīṁ
śrīśailasthalavāsinīṁ bhagavatīṁ śrīmātaraṁ bhāvayē || 4 ||

śrīnāthādr̥tapālitatribhuvanāṁ śrīcakrasañcāriṇīṁ
jñānāsaktamanōjayauvanalasadgandharvakanyādr̥tām
dīnānāmātivēlabhāgyajananīṁ divyāmbarālaṅkr̥tāṁ
śrīśailasthalavāsinīṁ bhagavatīṁ śrīmātaraṁ bhāvayē || 5 ||

lāvaṇyādhikabhūṣitāṅgalatikāṁ lākṣālasadrāgiṇīṁ
sēvāyātasamastadēvavanitāṁ sīmantabhūṣānvitām
bhāvōllāsavaśīkr̥tapriyatamāṁ bhaṇḍāsuracchēdinīṁ
śrīśailasthalavāsinīṁ bhagavatīṁ śrīmātaraṁ bhāvayē || 6 ||

dhanyāṁ sōmavibhāvanīya caritāṁ dhārādharaśyāmalāṁ
munyārādhanamēdinīṁ sumavatāṁ muktipradānavratām
kanyāpūjanasuprasannahr̥dayāṁ kāñcīlasanmadhyamāṁ
śrīśailasthalavāsinīṁ bhagavatīṁ śrīmātaraṁ bhāvayē || 7 ||

karpūrāgarukuṅkumāṅkitakucāṁ karpūravarṇasthitāṁ
kr̥ṣṭōtkr̥ṣṭasukr̥ṣṭakarmadahanāṁ kāmēśvarīṁ kāminīm
kāmākṣīṁ karuṇārasārdrahr̥dayāṁ kalpāntarasthāyinīṁ
śrīśailasthalavāsinīṁ bhagavatīṁ śrīmātaraṁ bhāvayē || 8 ||

gāyatrīṁ garuḍadhvajāṁ gaganagāṁ gāndharvagānapriyāṁ
gambhīrāṁ gajagāminīṁ girisutāṁ gandhākṣatālaṅkr̥tām
gaṅgāgautamagargasannutapadāṁ gāṁ gautamīṁ gōmatīṁ
śrīśailasthalavāsinīṁ bhagavatīṁ śrīmātaraṁ bhāvayē || 9 ||

Download PDF here Bhramaramba ashtakam

 

LEAVE A REPLY

Please enter your comment!
Please enter your name here