Sri Vishnu Sahasranama Stotram Telugu Lyrics
6Additional Concluding Shlokas
ఓం ఆపదామపహర్తారం దాతారం సర్వసమ్పదామ్ ।
లోకాభిరామం శ్రీరామం భూయో భూయో నమామ్యహమ్ ॥
ఆర్తానామార్తిహన్తారం భీతానాం భీతినాశనమ్ ।
ద్విషతాం కాలదణ్డం తం రామచన్ద్రం నమామ్యహమ్ ॥
నమః కోదణ్డహస్తాయ సన్ధీకృతశరాయ చ ।
ఖణ్డితాఖిలదైత్యాయ రామాయఽఽపన్నివారిణే ॥
రామాయ రామభద్రాయ రామచన్ద్రాయ వేధసే ।
రఘునాథాయ నాథాయ సీతాయాః పతయే నమః ॥
అగ్రతః పృష్ఠతశ్చైవ పార్శ్వతశ్చ మహాబలౌ ।
ఆకర్ణపూర్ణధన్వానౌ రక్షేతాం రామలక్ష్మణౌ ॥
సన్నద్ధః కవచీ ఖడ్గీ చాపబాణధరో యువా ।
గచ్ఛన్ మమాగ్రతో నిత్యం రామః పాతు సలక్ష్మణః ॥
అచ్యుతానన్తగోవిన్ద నామోచ్చారణభేషజాత్ ।
నశ్యన్తి సకలా రోగాస్సత్యం సత్యం వదామ్యహమ్ ॥
సత్యం సత్యం పునస్సత్యముద్ధృత్య భుజముచ్యతే ।
వేదాచ్ఛాస్త్రం పరం నాస్తి న దేవం కేశవాత్పరమ్ ॥
శరీరే జర్ఝరీభూతే వ్యాధిగ్రస్తే కళేవరే ।
ఔషధం జాహ్నవీతోయం వైద్యో నారాయణో హరిః ॥
ఆలోడ్య సర్వశాస్త్రాణి విచార్య చ పునః పునః ।
ఇదమేకం సునిష్పన్నం ధ్యేయో నారాయణో హరిః ॥
యదక్షరపదభ్రష్టం మాత్రాహీనం తు యద్భవేత్ ।
తత్సర్వం క్షమ్యతాం దేవ నారాయణ నమోఽస్తు తే ॥
విసర్గబిన్దుమాత్రాణి పదపాదాక్షరాణి చ ।
న్యూనాని చాతిరిక్తాని క్షమస్వ పురుషోత్తమ ॥
Alternate Concluding Shlokas
నమః కమలనాభాయ నమస్తే జలశాయినే ।
నమస్తే కేశవానన్త వాసుదేవ నమోఽస్తుతే ॥
నమో బ్రహ్మణ్యదేవాయ గోబ్రాహ్మణహితాయ చ ।
జగద్ధితాయ కృష్ణాయ గోవిన్దాయ నమో నమః ॥
ఆకాశాత్పతితం తోయం యథా గచ్ఛతి సాగరమ్ ।
సర్వదేవనమస్కారః కేశవం ప్రతి గచ్ఛతి ॥
ఏష నిష్కణ్టకః పన్థా యత్ర సమ్పూజ్యతే హరిః ।
కుపథం తం విజానీయాద్ గోవిన్దరహితాగమమ్ ॥
సర్వవేదేషు యత్పుణ్యం సర్వతీర్థేషు యత్ఫలమ్ ।
తత్ఫలం సమవాప్నోతి స్తుత్వా దేవం జనార్దనమ్ ॥
యో నరః పఠతే నిత్యం త్రికాలం కేశవాలయే ।
ద్వికాలమేకకాలం వా క్రూరం సర్వం వ్యపోహతి ॥
దహ్యన్తే రిపవస్తస్య సౌమ్యాః సర్వే సదా గ్రహాః ।
విలీయన్తే చ పాపాని స్తవే హ్యస్మిన్ ప్రకీర్తితే ॥
యేనే ధ్యాతః శ్రుతో యేన యేనాయం పఠ్యతే స్తవః ।
దత్తాని సర్వదానాని సురాః సర్వే సమర్చితాః ॥
ఇహ లోకే పరే వాపి న భయం విద్యతే క్వచిత్ ।
నామ్నాం సహస్రం యోఽధీతే ద్వాదశ్యాం మమ సన్నిధౌ ॥
శనైర్దహన్తి పాపాని కల్పకోటీశతాని చ ।
అశ్వత్థసన్నిధౌ పార్థ ధ్యాత్వా మనసి కేశవమ్ ॥
పఠేన్నామసహస్రం తు గవాం కోటిఫలం లభేత్ ।
శివాలయే పఠేనిత్యం తులసీవనసంస్థితః ॥
నరో ముక్తిమవాప్నోతి చక్రపాణేర్వచో యథా ।
బ్రహ్మహత్యాదికం ఘోరం సర్వపాపం వినశ్యతి ॥
విలయం యాన్తి పాపాని చాన్యపాపస్య కా కథా ।
సర్వపాపవినిర్ముక్తో విష్ణులోకం స గచ్ఛతి ॥
॥ హరిః ఓం తత్సత్ ॥
Lord Sri Maha Vishnu Related Pages
Vaikunta Ekadasi 2025 Telugu | వైకుంఠ ఏకాదశి తేదీ, పూజా విధానం & ఉపవాస నియమాలు
Vaikunta Ekadasi Significance | వైకుంఠ ఏకాదశి ప్రాముఖ్యత & పాటించవలసిన ముఖ్య నియమములు ఏమిటి?
శ్రీ వేంకటేశ సహస్రనామ స్తోత్రం – Sri Venkateshwara Sahasranama Stotram
శ్రీ విష్ణు అష్టోత్తర శతనామావళిః – Sri Vishnu Ashtottara Satanamavali in Telugu
విష్ణు భుజంగ ప్రయాత స్తోత్రం – Vishnu Bhujanga Prayata Stotram in Telugu
Sri Vishnu Ashtottara Shatanamavali in English | Sri Vishnu Stotra
శ్రీ విష్ణు సహస్రనామ స్తోత్రం ఉత్తర పీఠిక – Sri Vishnu Sahasranama Stotram Uttara Peetika
విష్ణు సహస్రనామ స్తోత్రం పూర్వ పీఠిక – Sri Vishnu Sahasranama Stotram Poorva Peetika
శ్రీ విష్ణు అష్టోత్తర శతనామ స్తోత్రం – Sri Vishnu Ashtottara Shatanama Stotram
