Sri Lakshmi Stotram (Sarva deva kritam)

0
363

dēvā ūcuḥ-
kṣamasva bhagavatyamba kṣamāśīlē parātparē |
śuddhasattvasvarūpē ca kōpādiparivarjitē || 1 ||

upamē sarvasādhvīnāṁ dēvīnāṁ dēvapūjitē |
tvayā vinā jagatsarvaṁ mr̥tatulyaṁ ca niṣphalam || 2 ||

sarvasampatsvarūpā tvaṁ sarvēṣāṁ sarvarūpiṇī |
rāsēśvaryadhidēvī tvaṁ tvatkalāḥ sarvayōṣitaḥ || 3 ||

kailāsē pārvatī tvaṁ ca kṣīrōdē sindhukanyakā |
svargē ca svargalakṣmīstvaṁ martyalakṣmīśca bhūtalē || 4 ||

vaikuṇṭhē ca mahālakṣmīrdēvadēvī sarasvatī |
gaṅgā ca tulasī tvaṁ ca sāvitrī brahmalōkataḥ || 5 ||

kr̥ṣṇaprāṇādhidēvī tvaṁ gōlōkē rādhikā svayaṁ |
rāsē rāsēśvarī tvaṁ ca br̥ndāvana vanē vanē || 6 ||

kr̥ṣṇapriyā tvaṁ bhāṇḍīrē candrā candanakānanē |
virajā campakavanē śataśr̥ṅgē ca sundarī || 7 ||

padmāvatī padmavanē mālatī mālatīvanē |
kundadantī kundavanē suśīlā kētakīvanē || 8 ||

kadambamālā tvaṁ dēvī kadambakānanē:’pi ca |
rājalakṣmīḥ rājagēhē gr̥halakṣmīrgr̥hē gr̥hē || 9 ||

ityuktvā dēvatāssarvāḥ munayō manavastathā |
rurudurnamravadanāḥ śuṣkakaṇṭhōṣṭha tālukāḥ || 10 ||

iti lakṣmīstavaṁ puṇyaṁ sarvadēvaiḥ kr̥taṁ śubhaṁ |
yaḥ paṭhētprātarūtthāya sa vai sarvaṁ labhēddhruvam || 11 ||

abhāryō labhatē bhāryāṁ vinītāṁ susutāṁ satīṁ |
suśīlāṁ sundarīṁ ramyāmatisupriyavādinīm || 12 ||

putrapautravatīṁ śuddhāṁ kulajāṁ kōmalāṁ varāṁ |
aputrō labhatē putraṁ vaiṣṇavaṁ cirajīvinam || 13 ||

paramaiśvaryayuktaṁ ca vidyāvantaṁ yaśasvinaṁ |
bhraṣṭarājyō labhēdrājyaṁ bhraṣṭaśrīrlabhatē śriyam || 14 ||

hatabandhurlabhēdbandhuṁ dhanabhraṣṭō dhanaṁ labhēt |
kīrtihīnō labhētkīrtiṁ pratiṣṭhāṁ ca labhēddhruvam || 15 ||

sarvamaṅgaladaṁ stōtraṁ śōkasantāpanāśanaṁ |
harṣānandakaraṁ śaśvaddharma mōkṣasuhr̥tpradam || 16 ||

Download PDF here Sri Lakshmi Stotram (Sarva deva kritam)

LEAVE A REPLY

Please enter your comment!
Please enter your name here