Sri Ganesa Ashtottara Satanama stotram

0
220
sri ganesh stotras / Sri Ganesa Ashtottara Satanama stotram
sri ganesh stotras

sri ganesh stotras / Sri Ganesa Ashtottara Satanama stotram

vināyakō vighnarājō gaurīputrō gaṇēśvaraḥ |
skandāgrajō:’vyayaḥ pūtō dakṣō:’dhyakṣō dvijapriyaḥ || 1 ||

agnigarvacchidindraśrīpradō vāṇīpradō:’vyayaḥ
sarvasiddhipradaśśarvatanayaḥ śarvarīpriyaḥ || 2 ||

sarvātmakaḥ sr̥ṣṭikartā dēvō:’nēkārcitaśśivaḥ |
śuddhō buddhipriyaśśāntō brahmacārī gajānanaḥ || 3 ||

dvaimātrēyō munistutyō bhaktavighnavināśanaḥ |
ēkadantaścaturbāhuścaturaśśaktisamyutaḥ || 4 ||

lambōdaraśśūrpakarṇō harirbrahma viduttamaḥ |
kālō grahapatiḥ kāmī sōmasūryāgnilōcanaḥ || 5 ||

pāśāṅkuśadharaścaṇḍō guṇātītō nirañjanaḥ |
akalmaṣassvayaṁsiddhassiddhārcitapadāmbujaḥ || 6 ||

bījapūraphalāsaktō varadaśśāśvataḥ kr̥tī |
dvijapriyō vītabhayō gadī cakrīkṣucāpadhr̥t || 7 ||

śrīdōja utpalakaraḥ śrīpatiḥ stutiharṣitaḥ |
kulādribhēttā jaṭilaḥ kalikalmaṣanāśanaḥ || 8 ||

candracūḍāmaṇiḥ kāntaḥ pāpahārī samāhitaḥ |
aśritaśrīkarassaumyō bhaktavāñchitadāyakaḥ || 9 ||

śāntaḥ kaivalyasukhadaḥ saccidānandavigrahaḥ |
jñānī dayāyutō dāntō brahmadvēṣavivarjitaḥ || 10 ||

pramattadaityabhayadaḥ śrīkaṇṭhō vibudhēśvaraḥ |
rāmārcitōvidhirnāgarājayajñōpavītavān || 11 ||

sthūlakaṇṭhaḥ svayaṅkartā sāmaghōṣapriyaḥ paraḥ |
sthūlatuṇḍō:’graṇīrdhīrō vāgīśassiddhidāyakaḥ || 12 ||

dūrvābilvapriyō:’vyaktamūrtiradbhutamūrtimān |
śailēndratanujōtsaṅgakhēlanōtsukamānasaḥ || 13 ||

svalāvaṇyasudhāsārō jitamanmathavigrahaḥ |
samastajagadādhārō māyī mūṣakavāhanaḥ || 14 ||

hr̥ṣṭastuṣṭaḥ prasannātmā sarvasiddhipradāyakaḥ |
aṣṭōttaraśatēnaivaṁ nāmnāṁ vighnēśvaraṁ vibhum || 15 ||

tuṣṭāva śaṅkaraḥ putraṁ tripuraṁ hantumudyataḥ |
yaḥ pūjayēdanēnaiva bhaktyā siddhivināyakam || 16 ||

dūrvādalaiḥ bilvapatraiḥ puṣpairvā candanākṣataiḥ |
sarvānkāmānavāpnōti sarvavighnaiḥ pramucyatē ||

Download PDF here Sri Ganesa Ashtottara Satanama stotram

 

“మీ ఆధ్యాత్మిక సాధనకు సహాయం చేయటానికి మన హరి ఓం యాప్ ని అందిస్త్నుం.”

ఇకపై మీ వ్యక్తి గత సమస్యల పరిష్కారానికి, ముహూర్తాలకు, మంచిరోజుల నిర్ణయానికి మీ వ్యక్తిగత వివరాలను బట్టి మేము ప్రపంచ ప్రఖ్యాత గాంచిన జ్యోతిష్యులతో, మీ ప్రశ్నకు జవాబు సూచిస్తాము.

వీటితో పాటు ప్రతి రోజు పంచాంగం, రాశిఫలాలు, ఆధ్యాత్మిక సమాచారం, నీతి కథలు, మరెన్నో విషయాలను తెలుసుకోవటానికి మన Hari Om App ని డౌన్లోడ్ చేసుకోండి.

మీరు ఇప్పటికే అప్లికేషన్ డౌన్లోడ్ చేసి ఉంటే, లేటెస్ట్ వెర్షన్ కోసం ఖచితంగా అప్డేట్ చేసుకోండి

Android

iOS

For More Updates Please Visit www.Hariome.com

LEAVE A REPLY

Please enter your comment!
Please enter your name here