Gananayaka Ashtakam

0
316

 

Sri Ganesh stotras

sri ganesh stotras / Gananayaka Ashtakam

ēkadantaṁ mahākāyaṁ taptakāñcanasannibham |
lambōdaraṁ viśālākṣaṁ vandē:’haṁ gaṇanāyakam || 1 ||

mauñjī kr̥ṣṇājinadharaṁ nāgayajñōpavītinam |
bālēnduśakalaṁ maulau vandē:’haṁ gaṇanāyakam || 2 ||

citraratnavicitrāṅgacitramālāvibhūṣitam |
kāmarūpadharaṁ dēvaṁ vandē:’haṁ gaṇanāyakam || 3 ||

gajavaktraṁ suraśrēṣṭhaṁ karṇacāmarabhūṣitam |
pāśāṅkuśadharaṁ dēvaṁ vandē:’haṁ gaṇanāyakam || 4 ||

mūṣakōttamamāruhya dēvāsuramahāhavē |
yōddhukāmaṁ mahāvīryaṁ vandē:’haṁ gaṇanāyakam || 5 ||

yakṣakinnaragandharvasiddhavidyādharaissadā |
stūyamānaṁ mahābāhuṁ vandē:’haṁ gaṇanāyakam || 6 ||

ambikāhr̥dayānandaṁ mātr̥bhiḥparivēṣṭitam |
bhaktapriyaṁ madōnmattaṁ vandē:’haṁ gaṇanāyakam || 7 ||

sarvavighnaharaṁ dēvaṁ sarvavighnavivarjitam |
sarvasiddhipradātāraṁ vandē:’haṁ gaṇanāyakam || 8 ||

gaṇāṣṭakamidaṁ puṇyaṁ yaḥ paṭhētsatataṁ naraḥ |
siddhyanti sarvakāryāṇi vidyāvān dhanavān bhavēt || 9 ||

Download PDF here Gananayaka Ashtakam

LEAVE A REPLY

Please enter your comment!
Please enter your name here