Sivashtakam

0
353
Sivashtakam
siva stotras,

siva stotras / Sivashtakam

prabhuṁ prāṇanāthaṁ vibhuṁ viśvanāthaṁ
jagannāthanāthaṁ sadānandabhājām |
bhavadbhavyabhūtēśvaraṁ bhūtanāthaṁ
śivaṁ śaṅkaraṁ śambhumīśānamīḍē || 1 ||

galē ruṇḍamālaṁ tanau sarpajālaṁ
mahākālakālaṁ gaṇēśādhipālam |
jaṭājūṭabhaṅgōttaraṅgairviśālaṁ
śivaṁ śaṅkaraṁ śambhumīśānamīḍē || 2 ||

mudāmākaraṁ maṇḍanaṁ maṇḍayantaṁ
mahāmaṇḍalaṁ bhasmabhūṣadharantam |
anādiṁhyapāraṁ mahāmōhahāraṁ
śivaṁ śaṅkaraṁ śambhumīśānamīḍē || 3 ||

vaṭādhōnivāsaṁ mahāṭṭāṭṭahāsaṁ
mahāpāpanāśaṁ sadāsuprakāśam |
girīśaṁ gaṇēśaṁ mahēśaṁ surēśaṁ
śivaṁ śaṅkaraṁ śambhumīśānamīḍē || 4 ||

girindrātmajāsaṅgr̥hītārdhadēhaṁ
girausaṁsthitaṁ sarvadā sannagēham |
parabrahmabrahmādibhirvandyamānaṁ
śivaṁ śaṅkaraṁ śambhumīśānamīḍē || 5 ||

kapālaṁ triśūlaṁ karābhyāṁ dadhānaṁ
padāmbhōjanamrāya kāmaṁ dadānam |
balīvardayānaṁ surāṇāmpradhānaṁ
śivaṁ śaṅkaraṁ śambhumīśānamīḍē || 6 ||

śaraccandragātraṁ guṇānandapātraṁ
trinētraṁ pavitraṁ dhanēśasya mitram |
aparṇākalatraṁ sadāsaccaritraṁ
śivaṁ śaṅkaraṁ śambhumīśānamīḍē || 7 ||

haraṁ sarpahāraṁ citābhūvihāraṁ
bhavaṁ vēdasāraṁ sadā nirvikāram |
śmaśānēvasaṁ taṁ manōjandahaṁ taṁ
śivaṁ śaṅkaraṁ śambhumīśānamīḍē || 8 ||

stavaṁ yaḥ prabhātē naraḥ śūlapāṇēḥ
paṭhēt sarvadā bhargabhāvānuraktaḥ |
suputraṁ subhāgyaṁ sumitraṁ kalatraṁ
vicitraissamārādhya mōkṣaṁ prayāti || 9 ||

Download PDF here Sivashtakam

LEAVE A REPLY

Please enter your comment!
Please enter your name here