Rudra panchamukha dhyanam

0
360
Rudra panchamukha dhyanam
Rudra panchamukha dhyanam / siva stotras

Rudra panchamukha dhyanam / siva stotras

saṁvartāgnitaṭitpradīptakanaka praspardhitējōmayaṁ |
gambhīradhvanimiśritōgradahana prōdbhāsitāmrādharam ||
ardhēndudyutilōlapiṅgalajaṭābhāraprabaddhōragaṁ |
vandē siddhasurāsurēndranamitaṁ pūrvaṁ mukhaḥ śūlinaḥ || 1 ||

kālabhrabhramarāñjanadyutinibhaṁ vyāvr̥ttapiṅgēkṣaṇaṁ |
karṇōdbhāsitabhōgimastakamaṇi prōdbhinnadamṣṭrāṅkuram ||
sarpaprōtakapālaśuktiśakala vyākīrṇasañcāragaṁ |
vandē dakṣiṇamīśvarasya kuṭila bhrūbhaṅgaraudraṁ mukham || 2 ||

prālēyācalacandrakundadhavalaṁ gōkṣīraphēnaprabhaṁ |
bhasmābhyaktamanaṅgadēhadahana jvālāvalīlōcanam ||
brahmēndrādimarudgaṇaisstutiparairabhyarcitaṁ yōgibhiḥ |
vandē:’haṁ sakalaṁ kalaṅkarahitaṁ sthāṇōrmukhaṁ paścimam || 3 ||

gauraṁ kuṅkumapaṅkilaṁ sutilakaṁ vyāpāṇḍugaṇḍasthalaṁ |
bhrūvikṣēpakaṭākṣavīkṣaṇalasatsaṁsaktakarṇōtpalam ||
snigdhaṁ bimbaphalādharaprahasitaṁ nīlālakālaṅkr̥taṁ |
vandē pūrṇaśaśāṅkamaṇḍalanibhaṁ vaktraṁ harasyōttaram || 4 ||

vyaktāvyaktaguṇētaraṁ suvimalaṁ ṣaṭtrimśatatvātmakaṁ |
tasmāduttaratattvamakṣaramiti dhyēyaṁ sadā yōgibhiḥ ||
vandē tāmasavarjitaṁ triṇayanaṁ sūkṣmātisūkṣmātparaṁ |
śāntaṁ pañcamamīśvarasya vadanaṁ khavyāpitējōmayam || 5 ||

Download PDF here Rudra panchamukha dhyanam

LEAVE A REPLY

Please enter your comment!
Please enter your name here