Kevalaashtakam

0
288
Kevalaashtakam
vishnu stotras

Kevalaashtakam

madhuraṁ madhurēbhyō:’pi, maṅgalēbhyō:’pi maṅgalaṁ |
pāvanaṁ pāvanēbhyō:’pi, harērnāmaiva kēvalam || 1 ||

ābrahmastambhaparyantaṁ, sarvaṁ māyāmayaṁ jagat |
satyaṁ satyaṁ punaḥ satyaṁ, harērnāmaiva kēvalam || 2 ||

sa guruḥ sa pitā cāpi, sā mātā bāndhavō:’pi saḥ |
śikṣayēccēt sadā smartuṁ, harērnāmaiva kēvalam || 3 ||

niśśvāsē na hi viśvāsaḥ, kadā ruddhō bhaviṣyati |
kīrtanīyamatō bālyāt, harērnāmaiva kēvalam || 4 ||

hariḥ sadā vasēt tatra, yatra bhāgavatā janāḥ |
gāyanti bhaktibhāvēna, harērnāmaiva kēvalam || 5 ||

ahō duḥkhaṁ mahā duḥkhaṁ, duḥkhāt duḥkhataraṁ yataḥ |
kācārthaṁ vismr̥taṁ ratnaṁ, harērnāmaiva kēvalam || 6 ||

dīyatāṁ dīyatāṁ karṇē, nīyatāṁ nīyatāṁ vacaḥ |
gīyatāṁ gīyatāṁ nityaṁ, harērnāmaiva kēvalam || 7 ||

tr̥ṇīkr̥tya jagatsarvaṁ, rājatē sakalōpari |
cidānandamayaṁ śuddhaṁ, harērnāmaiva kēvalam || 8 ||

Download PDF here Kevalaashtakam

LEAVE A REPLY

Please enter your comment!
Please enter your name here