Sri Bagalamukhi Stotram Lyrics in Telugu
॥ శ్రీబగలా(వగళా)ముఖీస్తోత్రమ్ ॥
శ్రీగణేశాయ నమః ।
చలత్కనకకుండ లోల్లసితచారుగండ స్థలీం
లసత్కనకచంపకద్యుతిమదిందుబింబాననామ్ ।
గదాహతవిపక్షకాం కలితలోలజిహ్వాంచలాం
స్మరామి బగలాముఖీం విముఖవాఙ్మనః స్తంభినీమ్ ॥ 1॥
పీయూషోదధిమధ్యచారువిలద్రక్తోత్పలే మండపే
సత్సింహాసనమౌలిపాతితరిపుం ప్రేతాసనాధ్యాసినీమ్ ।
స్వర్ణాభాం కరపీడితారిరసనాం భ్రామ్యద్గదాం విభ్రతీమిత్థం
ధ్యాయతి యాన్తి తస్య సహసా సద్యోఽథ సర్వాపదః ॥ 2॥
దేవి త్వచ్చరణాంబుజార్చనకృతే యః పీతపుష్పాంజలీన్ భక్త్యా
వామకరే నిధాయ చ మనుం మంత్రీ మనోజ్ఞాక్షరం ।
పీఠధ్యానపరోఽథ కుంభకవశాత్ బీజం స్మరేత్ పార్థివం
తస్యామిత్రముఖస్య వాచి హృదయే జాడ్యం భవేత్తత్క్షణాత్ ॥ 3॥
వాదీ మూకతి రంకతి క్షితిపతిర్ వైశ్వానరః శీతతి క్రోధీ
శామ్యతి దుర్జనః సుజనతి క్షిప్రానుగః ఖంజతి ।
గర్వీ ఖర్వతి సర్వవిచ్చ జడతి త్వన్ మంత్రిణా యాంత్రితః
శ్రీర్నిత్యే బగలాముఖి ప్రతిదినం కల్యాణి తుభ్యం నమః ॥ 4॥
మంత్రస్తావదలం విపక్షదలనే స్తోత్రం పవిత్రం చ తే
యంత్రం వాదినియంత్రణం త్రిజగతాం జైత్రం చ చిత్రం చ తే ।
మాతః శ్రీబగలేతి నామ లలితం యస్యాస్తి జన్తోర్ముఖే
త్వన్నామగ్రహణేన సంసది ముఖే స్తంభోభవేద్వాదినామ్ ॥ 5॥
దుష్టస్తంభనముగ్రవిఘ్నశమనం దారిద్ర్యవిద్రావణం
భూభృత్ సందమనం చలన్ మృగదృశాం చేతఃసమాకర్షణమ్ ।
సౌభాగ్యైకనికేతనం సమదృశః కారుణ్యపూర్ణేక్షణమ్
మృత్యోర్మారణమావిరస్తు పురతో మాతస్త్వదీయం వపుః ॥ 6॥
మాతర్ భంజయ మద్విపక్షవదనం జిహ్వాం చ సంకీలయ
బ్రాహ్మీం ముద్రయ దైత్యదేవధిషణాముగ్రాం గతిం స్తంభయ ।
శత్రూంశ్చూర్ణయ దేవి తీక్ష్ణగదయా గౌరాంగి పీతాంబరే
విఘ్నౌఘం బగలే హర ప్రణమతాం కారుణ్యపూర్ణేక్షణే ॥ 7॥
మాతర్భైరవి భద్రకాలి విజయే వారాహి విశ్వాశ్రయే
శ్రీవిద్యే సమయే మహేశి బగలే కామేశి వామే రమే ।
మాతఙ్గి త్రిపురే పరాత్పరతరే స్వర్గాపవర్గప్రదే
దాసోఽహం శరణాగతః కరుణయా విశ్వేశ్వరి త్రాహి మామ్ ॥ 8॥
సంరంభే చౌరసంఘే ప్రహరణసమయే బంధనే వ్యాధిమధ్యే
విద్యావాదే వివాదే ప్రకుపితనృపతౌ దివ్యకాలే నిశాయామ్ ।
వశ్యే వా స్తంభనే వా రిపువధసమయే నిర్జనే వా వనే వా
గచ్ఛంస్తిష్ఠంస్త్రికాలం యది పఠతి శివం ప్రాప్నుయాదాశు ధీరః ॥ 9॥
త్వం విద్యా పరమా త్రిలోకజననీ విఘ్నౌఘసంఛేదినీ
యోషిత్కర్షణకారిణీ జనమనఃసమ్మోహసన్దాయినీ ।
స్తంభో త్సారణకారిణీ పశుమనఃసమ్మోహసందాయినీ
జిహ్వాకీలనభైరవీ విజయతే బ్రహ్మాదిమంత్రో యథా ॥ 10॥
విద్యా లక్ష్మీర్నిత్యసౌభాగ్యమాయుః పుత్రైః పౌత్రైః సర్వసామ్రాజ్యసిద్ధిః ।
మానో భోగో వశ్యమారోగ్యసౌఖ్యం ప్రాప్తం తత్తద్భూతలేఽస్మిన్నరేణ ॥ 11॥
త్వత్కృతే జపసన్నాహం గదితం పరమేశ్వరి ।
దుష్టానాం నిగ్రహార్థాయ తద్గృహాణ నమోఽస్తు తే ॥ 12॥
పీతాంబరాం చ ద్విభుజాం త్రినేత్రాం గాత్రకోమలామ్ ।
శిలాముద్గరహస్తాం చ స్మరే తాం బగలాముఖీమ్ ॥ 13॥
బ్రహ్మాస్త్రమితి విఖ్యాతం త్రిషు లోకేషు విశ్రుతమ్ ।
గురుభక్తాయ దాతవ్యం న దేయం యస్య కస్యచిత్ ॥ 14॥
నిత్యం స్తోత్రమిదం పవిత్రమిహ యో దేవ్యాః పఠత్యాదరాద్ధృత్వా
యన్త్రమిదం తథైవ సమరే బాహౌ కరే వా గలే ।
రాజానోఽప్యరయో మదాంధకరిణః సర్పా మృగేంద్రా దికాస్తే
వై యాన్తి విమోహితా రిపుగణా లక్ష్మీః స్థిరా సిద్ధయః ॥ 15॥
॥ ఇతి శ్రీరుద్రయామలే తన్త్రే శ్రీబగలాముఖీస్తోత్రం సమాప్తమ్ ॥
Related Posts
శ్రీ బగళాముఖీ స్తోత్రం – 2 – Sri Bagalamukhi Stotram – 2 in Telugu
