Devi Navaratna Mala Stotram Lyrics in Telugu
కాళిదాస విరచిత నవరత్నమాలా స్తోత్రం
ఓంకార పంజర శుకీముపనిషదుద్యానకేలి కలకణ్ఠీమ్ ।
ఆగమవిపినమయూరీమార్యామన్తర్విభావయే గౌరీమ్ ॥ ౧॥
దయమానదీర్ఘనయనాం దేసికరూపేణదర్శితాభ్యుదయామ్ ।
వామకుచనిహితవీణాం వరదాం సఙ్గీతమాతృకాం వన్దే ॥ ౨॥
శ్యామలిమసౌకుమార్యాం సౌన్దర్యానన్దసమ్పదున్మేషామ్ ।
తరుణిమకరుణాపూరాం మదజలకల్లోలలోచనాం వన్దే ॥ ౩॥
నఖముఖముఖరితవీణానాదసాస్వాదనవనవోల్లాసామ్ ।
ముఖమమ్బ మోదయతు మాం ముక్తాతాటఙ్కముగ్ధహసితం తే ॥ ౪॥
సరిగమపధనిరతాం తాం వీణాసఙ్క్రాన్తహస్తాం తామ్ ।
శాన్తాం మృదులస్వాన్తాం కుచభరతాన్తాం నమామి శివకాన్తామ్ ॥ ౫॥
అవటుతటఘటితచూలీతాడితతాలీపలాశతాటఙ్కామ్ ।
వీణావాదనవేలాకమ్పితశిరసం నమామి మాతఙ్గీమ్ ॥ ౬॥
వీణారవానుషఙ్గం వికచముఖామ్భోజమాధురీభృఙ్గమ్ ।
కరుణాపూరతరఙ్గం కలయే మాతఙ్గకన్యకాపాఙ్గమ్ ॥ ౭॥
మణిభఙ్గమేచకాఙ్గీం మాతఙ్గీం నౌమి సిద్ధమాతఙ్గీమ్ ।
యౌవనవనసారఙ్గీం సఙ్గీతామ్భోరుహానుభవభృఙ్గీమ్ ॥ ౮॥
మేచకమాసేచనకం మిథ్యాదృష్టాన్తమధ్యభాగం తే ।
మాతస్వరూపమనిశం మఙ్గలసఙ్గీతసౌరభం వన్దే ॥ ౯॥
Hymns and Stotrams
దేవీ చతుఃషష్ట్యుపచార పూజా స్తోత్రమ్ – Sri Devi Chatushasti Upachara Puja Stotram
దేవీ చతుఃషష్ట్యుపచార పూజా స్తోత్రమ్ – Sri Devi Chatushasti Upachara Puja Stotram
Sri Swarnakavacha Durgadevi (Shailaputri) – Day 1 Dasara Alankarana
Sri Varahidevi Anugrahashtakam | శ్రీ వారాహీదేవి అనుగ్రహాష్టకమ్
శ్రీ దుర్గ దేవి అలంకరణ | Sri Durga Devi Alankarana 8th Day of Navaratri 2024
