Sri Rudra Chandi Stotram Lyrics in Telugu
3శ్రీ రుద్ర చండీ స్తోత్రం – 3
చండీశ్రవణమాత్రేణ పఠనాద్బ్రాహ్మణోఽపి చ |
నిర్వాణమేతి దేవేశి మహాస్వస్త్యయనే హితః || ౪౧ ||
సర్వత్ర విజయం యాతి శ్రవణాద్గ్రహదోషతః |
ముచ్యతే చ జగద్ధాత్రి రాజరాజాధిపో భవేత్ || ౪౨ ||
మహాచండీ శివా ఘోరా మహాభీమా భయానకా |
కాంచనీ కమలా విద్యా మహారోగవిమర్దినీ || ౪౩ ||
గుహ్యచండీ ఘోరచండీ చండీ త్రైలోక్యదుర్లభా |
దేవానాం దుర్లభా చండీ రుద్రయామలసమ్మతా || ౪౪ ||
అప్రకాశ్యా మహాదేవీ ప్రియా రావణమర్దినీ |
మత్స్యప్రియా మాంసరతా మత్స్యమాంసబలిప్రియా || ౪౫ ||
మదమత్తా మహానిత్యా భూతప్రమథసంగతా |
మహాభాగా మహారామా ధాన్యదా ధనరత్నదా || ౪౬ ||
వస్త్రదా మణిరాజ్యాదిసదావిషయవర్ధినీ |
ముక్తిదా సర్వదా చండీ మహాపత్తివినాశినీ || ౪౭ ||
ఇమాం హి చండీం పఠతే మనుష్యః
శృణోతి భక్త్యా పరమాం శివస్య |
చండీం ధరణ్యామతిపుణ్యయుక్తాం
స వై న గచ్ఛేత్పరమందిరం కిల || ౪౮ ||
జప్యం మనోరథం దుర్గే తనోతి ధరణీతలే |
రుద్రచండీప్రసాదేన కిం న సిద్ధ్యతి భూతలే || ౪౯ ||
అన్యచ్చ –
రుద్రధ్యేయా రుద్రరూపా రుద్రాణీ రుద్రవల్లభా |
రుద్రశక్తీ రుద్రరూపా రుద్రాననసమన్వితా || ౫౦ ||
శివచండీ మహాచండీ శివప్రేతగణాన్వితా |
భైరవీ పరమా విద్యా మహావిద్యా చ షోడశీ || ౫౧ ||
సుందరీ పరమా పూజ్యా మహాత్రిపురసుందరీ |
గుహ్యకాళీ భద్రకాళీ మహాకాలవిమర్దినీ || ౫౨ ||
కృష్ణా తృష్ణా స్వరూపా సా జగన్మోహనకారిణీ |
అతిమాత్రా మహాలజ్జా సర్వమంగళదాయిని || ౫౩ ||
ఘోరతంద్రీ భీమరూపా భీమా దేవీ మనోహరా |
మంగళా బగలా సిద్ధిదాయినీ సర్వదా శివా || ౫౪ ||
స్మృతిరూపా కీర్తిరూపా యోగీంద్రైరపి సేవితా |
భయానకా మహాదేవీ భయదుఃఖవినాశినీ || ౫౫ ||
చండికా శక్తిహస్తా చ కౌమారీ సర్వకామదా |
వారాహీ చ వరాహాస్యా ఇంద్రాణీ శక్రపూజితా || ౫౬ ||
మాహేశ్వరీ మహేశస్య మహేశగణభూషితా |
చాముండా నారసింహీ చ నృసింహరిపుమర్దినీ || ౫౭ ||
సర్వశత్రుప్రశమనీ సర్వారోగ్యప్రదాయినీ |
ఇతి సత్యం మహాదేవి సత్యం సత్యం వదామ్యహమ్ || ౫౮ ||
నైవ శోకో నైవ రోగో నైవ దుఃఖం భయం తథా |
ఆరోగ్యం మంగళం నిత్యం కరోతి శుభమంగళమ్ || ౫౯ ||
మహేశాని వరారోహే బ్రవీమి సదిదం వచః |
అభక్తాయ న దాతవ్యం మమ ప్రాణాధికం శుభమ్ || ౬౦ ||
తవ భక్త్యా ప్రశాంతాయ శివవిష్ణుప్రియాయ చ |
దద్యాత్కదాచిద్దేవేశి సత్యం సత్యం మహేశ్వరి || ౬౧ ||
అనంతఫలమాప్నోతి శివచండీప్రసాదతః |
అశ్వమేధం వాజపేయం రాజసూయశతాని చ || ౬౨ ||
తుష్టాశ్చ పితరో దేవాస్తథా చ సర్వదేవతాః |
దుర్గేయం మృన్మయీ జ్ఞానం రుద్రయామలపుస్తకమ్ || ౬౩ ||
మంత్రమక్షరసంజ్ఞానం కరోత్యపి నరాధమః |
అత ఏవ మహేశాని కిం వక్ష్యే తవ సన్నిధౌ || ౬౪ ||
లంబోదరాధికశ్చండీపఠనాచ్ఛ్రవణాత్తు యః |
తత్త్వమస్యాదివాక్యేన ముక్తిమాప్నోతి దుర్లభామ్ || ౬౫ ||
Mahakali Related Posts
శ్రీ భద్రకాళీ అష్టోత్తరశతనామ స్తోత్రం | Sri Bhadrakali Ashtottara Shatanama Stotram in Telugu
శ్రీ కాళీ అష్టోత్తరశతనామావళిః స్తోత్రం | Sri Kali Ashtottara Shatanamavali in Telugu
శ్రీ కాళీ అష్టోత్తర శతనామ స్తోత్రం | Sri Kali Ashtottara Shatanama Stotram in Telugu
Sri Maha Kali Stotram | శ్రీ మహాకాళీ స్తోత్రం – Sri Mahakali Stotram
కాల స్వరూపిణి కాళికా దేవి – దశమహా విద్యలు | Kali Swarupini Kalika Devi Dasa Mahavidyas
Kalikashtakam Lyrics in Telugu | కాళికాష్టకం, Kalika Ashtakam
