Sri Pashupathi Ashtakam

0
285
Sri Pashupathi Ashtakam
siva stotras

siva stotras / Sri Pashupathi Ashtakam

dhyāyēnnityaṁ mahēśaṁ rajatagirinibhaṁ cārucandrāvataṁsaṁ
ratnākalpōjjvalāṅgaṁ paraśumr̥gavarābhītihastaṁ prasannam |
padmāsīnaṁ samantātstutamamaragaṇairvyāghrakr̥ttiṁ vasānaṁ
viśvādyaṁ viśvabījaṁ nikhilabhayaharaṁ pañcavaktraṁ trinētram ||

paśupatīndupatiṁ dharaṇīpatiṁ bhujagalōkapatiṁ ca satīpatim |
praṇata bhaktajanārtiharaṁ paraṁ bhajata rē manujā girijāpatim || 1 ||

na janakō jananī na ca sōdarō na tanayō na ca bhūribalaṁ kulam |
avati kō:’pi na kālavaśaṁ gataṁ bhajata rē manujā girijāpatim || 2 ||

murajaḍiṇḍimavādya vilakṣaṇaṁ madhura pañcama nāda viśāradam |
pramathabhūtagaṇairapi sēvitaṁ bhajata rē manujā girijāpatim || 3 ||

śaraṇadaṁ sukhadaṁ śaraṇānvitaṁ śivaśivēti śivēti nataṁ nr̥ṇām |
abhayadaṁ karuṇāvaruṇālayaṁ bhajatē rē manujā girijāpatim || 4 ||

naraśirōracitaṁ maṇikuṇḍalaṁ bhujagahāramudaṁ vr̥ṣabhadhvajam |
citirajōdhavalīkr̥tavigrahaṁ bhajatē rē manujā girijāpatim || 5 ||

madavināśakaraṁ śaśiśēkharaṁ satatamadhvarabhājiphalapradam |
pralayadagdhasurāsuramānavaṁ bhajata rē manujā girijāpatim || 6 ||

madamapāsya ciraṁ hr̥di saṁsthitaṁ maraṇajanmajarābhayapīḍitam |
jagadudīkṣya samīpabhayākulaṁ bhajata rē manujā girijāpatim || 7 ||

harivirañci surādhipapūjitaṁ yama janēśa dhanēśa namaskr̥tam |
trinayanaṁ bhūvanatritayādhipaṁ bhajata rē manujā girijāpatim || 8 ||

paśupatēridamaṣṭakamadbhutaṁ viracitaṁ pr̥thivīpatisūriṇā |
paṭhati samśr̥ṇutē manujassadā śivapuriṁ vasatē labhatē mudam || 9 ||

Download pdf here Sri Pashupathi Ashtakam

 

LEAVE A REPLY

Please enter your comment!
Please enter your name here