Sharada prarthana

0
335
Sharada prarthana / sri saraswathi stotras
sri saraswathi stotras

Sharada prarthana / sri saraswathi stotras

namastē śāradē dēvi kāśmīrapuravāsini
tvāmahaṁ prārthayē nityaṁ vidyādānaṁ ca dēhi mē || 1 ||

yā śraddhā dhāraṇā mēdhā vagdēvī vidhivallabhā
bhaktajihvāgrasadanā śamādiguṇadāyinī || 2 ||

namāmi yāminīṁ nāthalēkhālaṅkr̥takuntalām
bhavānīṁ bhavasantāpanirvāpaṇasudhānadīm || 3 ||

bhadrakālyai namō nityaṁ sarasvatyai namō namaḥ
vēdavēdāṅgavēdāntavidyāsthānēbhya ēva ca || 4 ||

brahmasvarūpā paramā jyōtirūpā sanātanī
sarvavidyādhidēvī yā tasyai vāṇyai namō namaḥ || 5 ||

yayā vinā jagatsarvaṁ śaśvajjīvanmr̥taṁ bhavēt
jñānādhidēvī yā tasyai sarasvatyai namō namaḥ || 6 ||

yayā vinā jagatsarvaṁ mūkamunmattavatsadā
yā dēvī vāgadhiṣṭhātrī tasyai vāṇyai namō namaḥ || 7 ||

Download PDF here Sharada prarthana

LEAVE A REPLY

Please enter your comment!
Please enter your name here