Ashtalakshmi stotram

0
342

|| ādilakṣmī ||
sumanasavandita sundari mādhavi candrasahōdari hēmamayē |
munigaṇamaṇḍita mōkṣapradāyini mañjulabhāṣiṇi vēdanutē ||
paṅkajavāsini dēvasupūjita sadguṇavarṣiṇi śāntiyutē |
jayajaya hē madhusūdanakāmini ādilakṣmī sadā pālaya mām || 1 ||

|| dhānyalakṣmī ||
ahikalikalmaṣanāśini kāmini vaidikarūpiṇi vēdamayē |
kṣīrasamudbhava maṅgalarūpiṇi mantranivāsini mantranutē ||
maṅgaladāyini ambujavāsini dēvagaṇāśrita pādayutē |
jayajaya hē madhusūdanakāmini dhānyalakṣmī sadā pālaya mām || 2 ||

|| dhairyalakṣmī ||
jayavaravarṇini vaiṣṇavi bhārgavi mantrasvarūpiṇi mantramayē |
suragaṇapūjita śīghraphalaprada jñānavikāsini śāstranutē ||
bhavabhayahāriṇi pāpavimōcani sādhujanāśrita pādayutē |
jayajaya hē madhusūdanakāmini dhairyalakṣmī sadā pālaya mām || 3 ||

|| gajalakṣmī ||
jaya jaya durgatināśini kāmini sarvaphalaprada śāstramayē |
rathagajaturagapadādisamāvr̥ta parijanamaṇḍita lōkanutē ||
hariharabrahmasupūjitasēvita tāpanivāriṇi pādayutē |
jayajaya hē madhusūdanakāmini gajalakṣmī rūpēṇa pālaya mām || 4 ||

|| santānalakṣmī ||
ahikhaga vāhini mōhini cakriṇi rāgavivardhini jñānamayē |
guṇagaṇavāridhi lōkahitaiṣiṇi svarasaptabhūṣita gānanutē ||
sakala surāsura dēvamunīśvara mānavavandita pādayutē |
jayajaya hē madhusūdanakāmini santānalakṣmī tu pālaya mām || 5 ||

|| vijayalakṣmī ||
jaya kamalāsani sadgatidāyini jñānavikāsini gānamayē |
anudinamarcita kuṅkumadhūsarabhūṣita vāsita vādyanutē ||
kanakadharāstuti vaibhava vandita śaṅkaradēśika mānya padē |
jayajaya hē madhusūdanakāmini vijayalakṣmī sadā pālaya mām || 6 ||

|| vidyālakṣmī ||
praṇata surēśvari bhārati bhārgavi śōkavināśini ratnamayē |
maṇimayabhūṣita karṇavibhūṣaṇa śāntisamāvr̥ta hāsyamukhē ||
navanidhidāyini kalimalahāriṇi kāmita phalaprada hastayutē |
jayajaya hē madhusūdanakāmini vidyālakṣmī sadā pālaya mām || 7 ||

|| dhanalakṣmī ||
dhimidhimi dhindhimi dhindhimi dhindhimi dundubhi nāda supūrṇamayē |
ghumaghuma ghuṅghuma ghuṅghuma ghuṅghuma śaṅkhanināda suvādyanutē ||
vēdapurāṇētihāsa supūjita vaidikamārgapradarśayutē |
jayajaya hē madhusūdanakāmini dhanalakṣmī rūpēṇa pālaya mām || 8 ||

Download PDF here Ashtalakshmi stotram

LEAVE A REPLY

Please enter your comment!
Please enter your name here