Himalaya Krita Shiva Stotram Lyrics in Telugu | శ్రీ శివ స్తోత్రం (హిమాలయ కృతం)

Himalaya Krit Shiv Stotram Lyrics in Telugu

శ్రీ శివ స్తోత్రం (హిమాలయ కృతం)

హిమాలయ ఉవాచ |
త్వం బ్రహ్మా సృష్టికర్తా చ త్వం విష్ణుః పరిపాలకః |
త్వం శివః శివదోఽనంతః సర్వసంహారకారకః || ౧ ||

త్వమీశ్వరో గుణాతీతో జ్యోతీరూపః సనాతనః |
ప్రకృతః ప్రకృతీశశ్చ ప్రాకృతః ప్రకృతేః పరః || ౨ ||

నానారూపవిధాతా త్వం భక్తానాం ధ్యానహేతవే |
యేషు రూపేషు యత్ప్రీతిస్తత్తద్రూపం బిభర్షి చ || ౩ ||

సూర్యస్త్వం సృష్టిజనక ఆధారః సర్వతేజసామ్ |
సోమస్త్వం సస్యపాతా చ సతతం శీతరశ్మినా || ౪ ||

వాయుస్త్వం వరుణస్త్వం చ త్వమగ్నిః సర్వదాహకః |
ఇంద్రస్త్వం దేవరాజశ్చ కాలే మృత్యుర్యమస్తథా || ౫ ||

మృత్యుంజయో మృత్యుమృత్యుః కాలకాలో యమాంతకః |
వేదస్త్వం వేదకర్తా చ వేదవేదాంగపారగః || ౬ ||

విదుషాం జనకస్త్వం చ విద్వాంశ్చ విదుషాం గురుః |
మంత్రస్త్వం హి జపస్త్వం హి తపస్త్వం తత్ఫలప్రదః || ౭ ||

వాక్త్వం వాగధిదేవస్త్వం తత్కర్తా తద్గురుః స్వయమ్ |
అహో సరస్వతీబీజం కస్త్వాం స్తోతుమిహేశ్వరః || ౮ ||

ఇత్యేవముక్త్వా శైలేంద్రస్తస్థౌ ధృత్వా పదాంబుజమ్ |
తదోవాచ తమాబోధ్య చావరుహ్య వృషాచ్ఛివః || ౯ ||

స్తోత్రమేతన్మహాపుణ్యం త్రిసంధ్యం యః పఠేన్నరః |
ముచ్యతే సర్వపాపేభ్యో భయేభ్యశ్చ భవార్ణవే || ౧౦ ||

అపుత్రో లభతే పుత్రం మాసమేకం పఠేద్యది |
భార్యాహీనో లభేద్భార్యాం సుశీలాం సుమనోహరామ్ || ౧౧ ||

చిరకాలగతం వస్తు లభతే సహసా ధ్రువమ్ |
రాజ్యభ్రష్టో లభేద్రాజ్యం శంకరస్య ప్రసాదతః || ౧౨ ||

కారాగారే శ్మశానే చ శత్రుగ్రస్తేఽతిసంకటే |
గభీరేఽతిజలాకీర్ణే భగ్నపోతే విషాదనే || ౧౩ ||

రణమధ్యే మహాభీతే హింస్రజంతుసమన్వితే |
సర్వతో ముచ్యతే స్తుత్వా శంకరస్య ప్రసాదతః || ౧౪ ||

ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే అష్టత్రింశోఽధ్యాయే హిమాలయకృత శివస్తోత్రమ్ |

Lord Shiva Related Stotras

Rati Devi Krita Shiva Stotram Lyrics in Telugu | శ్రీ శివ స్తోత్రమ్ (రతిదేవి కృతమ్)

Sri Chidambareswara Stotram in Telugu | శ్రీ చిదంబరేశ్వర స్తోత్రం

Sri Chidambara Ashtakam Lyrics in Telugu | శ్రీ చిదంబరాష్టకం

Sri Chidambara Panchachamara Stotram in Telugu | శ్రీ చిదంబర పంచచామర స్తోత్రం

Sri Nateshwara Bhujanga Stuti Lyrics in Telugu | శ్రీ నటేశ్వర భుజంగ స్తుతిః

Sri Natesha Stava Lyrics in Telugu | శ్రీ నటేశ స్తవః

Sri Nataraja Hrudaya Bhavana Saptakam in Telugu | శ్రీ నటరాజ హృదయభావనా సప్తకం

Sri Shiva Panchakshara Stotram in Telugu | శ్రీ శివ పంచాక్షర స్తోత్రం

Sri Shiva Panchakshara Nakshatramala Stotram in Telugu | శ్రీ శివ పంచాక్షర నక్షత్రమాలా స్తోత్రం

Sri Shiva Pancharatna Stuti (Krishna Kritam) in Telugu | శ్రీ శివ పంచరత్న స్తుతిః (కృష్ణ కృతం)

Sri Halasyesha Ashtakam Lyrics in Telugu | శ్రీ హాలాస్యేశాష్టకం