Sri Sita Rama Stotram Lyrics
అయోధ్యాపురనేతారం మిథిలాపురనాయికామ్ |
రాఘవాణామలంకారం వైదేహానామలంక్రియామ్ || ౧ ||
రఘూణాం కులదీపం చ నిమీనాం కులదీపికామ్ |
సూర్యవంశసముద్భూతం సోమవంశసముద్భవామ్ || ౨ ||
పుత్రం దశరథస్యాద్యం పుత్రీం జనకభూపతేః |
వశిష్ఠానుమతాచారం శతానందమతానుగామ్ || ౩ ||
కౌసల్యాగర్భసంభూతం వేదిగర్భోదితాం స్వయమ్ |
పుండరీకవిశాలాక్షం స్ఫురదిందీవరేక్షణామ్ || ౪ ||
చంద్రకాంతాననాంభోజం చంద్రబింబోపమాననామ్ |
మత్తమాతంగగమనం మత్తహంసవధూగతామ్ || ౫ ||
చందనార్ద్రభుజామధ్యం కుంకుమార్ద్రకుచస్థలీమ్ |
చాపాలంకృతహస్తాబ్జం పద్మాలంకృతపాణికామ్ || ౬ ||
శరణాగతగోప్తారం ప్రణిపాదప్రసాదికామ్ |
కాలమేఘనిభం రామం కార్తస్వరసమప్రభామ్ || ౭ ||
దివ్యసింహాసనాసీనం దివ్యస్రగ్వస్త్రభూషణామ్ |
అనుక్షణం కటాక్షాభ్యాం అన్యోన్యేక్షణకాంక్షిణౌ || ౮ ||
అన్యోన్యసదృశాకారౌ త్రైలోక్యగృహదమ్పతీ|
ఇమౌ యువాం ప్రణమ్యాహం భజామ్యద్య కృతార్థతామ్ || ౯ ||
అనేన స్తౌతి యః స్తుత్యం రామం సీతాం చ భక్తితః |
తస్య తౌ తనుతాం పుణ్యాః సంపదః సకలార్థదాః || ౧౦ ||
ఏవం శ్రీరామచంద్రస్య జానక్యాశ్చ విశేషతః |
కృతం హనూమతా పుణ్యం స్తోత్రం సద్యో విముక్తిదమ్ |
యః పఠేత్ప్రాతరుత్థాయ సర్వాన్ కామానవాప్నుయాత్ || ౧౧ ||
ఇతి హనూమత్కృత-సీతారామ స్తోత్రం సంపూర్ణమ్ ||
Download PDF here Sri Sita Rama Stotram – సీతారామస్తోత్రం
Related Posts
శ్రీ సీతా అష్టోత్తరశతనామ స్తోత్రం – Sri Sita Ashtottara Shatanama Stotram
శ్రీ సీతా అష్టోత్తరశతనామావళీ – Sri Sita Ashtottara Shatanamavali
