Sri Venugopala Ashtakam Lyrics in Telugu PDF
శ్రీ వేణుగోపాలాష్టకమ్
కలితకనకచేలం ఖండితాపత్కుచేలం
గళధృతవనమాలం గర్వితారాతికాలమ్ |
కలిమలహరశీలం కాంతిధూతేన్ద్రనీలం
వినమదవనశీలం వేణుగోపాలమీడే || ౧ ||
వ్రజయువతివిలోలం వందనానందలోలం
కరధృతగురుశైలం కంజగర్భాదిపాలమ్ |
అభిమతఫలదానం శ్రీజితామర్త్యసాలం
వినమదవనశీలం వేణుగోపాలమీడే || ౨ ||
ఘనతరకరుణాశ్రీకల్పవల్ల్యాలవాలం
కలశజలధికన్యామోదకశ్రీకపోలమ్ |
ప్లుషితవినతలోకానంతదుష్కర్మతూలం
వినమదవనశీలం వేణుగోపాలమీడే || ౩ ||
శుభదసుగుణజాలం సూరిలోకానుకూలం
దితిజతతికరాలం దివ్యదారాయితేలమ్ |
మృదుమధురవచఃశ్రీ దూరితశ్రీరసాలం
వినమదవనశీలం వేణుగోపాలమీడే || ౪ ||
మృగమదతిలకశ్రీమేదురస్వీయఫాలం
జగదుదయలయస్థిత్యాత్మకాత్మీయఖేలమ్ |
సకలమునిజనాళీమానసాంతర్మరాళం
వినమదవనశీలం వేణుగోపాలమీడే || ౫ ||
అసురహరణఖేలనం నందకోత్క్షేపలీలం
విలసితశరకాలం విశ్వపూర్ణాంతరాళమ్ |
శుచిరుచిరయశశ్శ్రీధిక్కృత శ్రీమృణాలం
వినమదవనశీలం వేణుగోపాలమీడే || ౬ ||
స్వపరిచరణలబ్ధ శ్రీధరాశాధిపాలం
స్వమహిమలవలీలాజాతవిధ్యండగోళమ్ |
గురుతరభవదుఃఖానీక వాఃపూరకూలం
వినమదవనశీలం వేణుగోపాలమీడే || ౭ ||
చరణకమలశోభాపాలిత శ్రీప్రవాళం
సకలసుకృతిరక్షాదక్షకారుణ్య హేలమ్ |
రుచివిజితతమాలం రుక్మిణీపుణ్యమూలం
వినమదవనశీలం వేణుగోపాలమీడే || ౮ ||
శ్రీవేణుగోపాల కృపాలవాలాం
శ్రీరుక్మిణీలోలసువర్ణచేలాం |
కృతిం మమ త్వం కృపయా గృహీత్వా
స్రజం యథా మాం కురు దుఃఖదూరమ్ || ౯ ||
ఇతి శ్రీ వేణుగోపాలాష్టకమ్ |
Lord Krishna Related Stotras
Sri Krishna Ashtottara Shatanama Stotram 2 in Telugu | శ్రీ కృష్ణాష్టోత్తరశతనామ స్తోత్రం 2
Vasudeva Stotram (Mahabharatam) Lyrics in Telugu | వాసుదేవ స్తోత్రం (మహాభారతే)
Sri Vallabha Bhava Ashtakam 2 Lyrics in Telugu | శ్రీ వల్లభభావాష్టకమ్ ౨
Sri Vallabha Bhava Ashtakam Lyrics in Telugu | శ్రీ వల్లభభావాష్టకమ్
Akrura Kruta Krishna Stuti Lyrics in Telugu | శ్రీ కృష్ణ స్తుతిః (అకౄర కృతం)
Sri Krishna Stotram (Viprapatni Krutam) in Telugu | శ్రీ కృష్ణ స్తోత్రం (విప్రపత్నీ కృతం)
Krishna Ashtakam (Adi Shankaracharya Kritam) in Telugu | కృష్ణాష్టకం (ఆదిశంకరాచార్య కృతం)
Sri Gokulesha Ashtakam Lyrics in Telugu | శ్రీ గోకులేశాష్టకం
Sri Giridhari Ashtakam Lyrics in Telugu | శ్రీ గిరిధార్యష్టకం
Sri Krishna Stotram (Mohini Kritam) Telugu Lyrics | శ్రీ కృష్ణ స్తోత్రం (మోహినీ కృతం)
Sri Krishna Stotram (Brahma Krutam) Telugu Lyrics | శ్రీ కృష్ణ స్తోత్రం (బ్రహ్మ కృతం)
