Sri Subrahmanya Shatkam Lyrics in Telugu
శ్రీ సుబ్రహ్మణ్య షట్కం
శరణాగతమాతురమాధిజితం
కరుణాకర కామద కామహతమ్ |
శరకాననసంభవ చారురుచే
పరిపాలయ తారకమారక మామ్ || ౧ ||
హరసారసముద్భవ హైమవతీ-
-కరపల్లవలాలిత కమ్రతనో |
మురవైరివిరించిముదంబునిధే
పరిపాలయ తారకమారక మామ్ || ౨ ||
శరదిందుసమానషడాననయా
సరసీరుహచారువిలోచనయా |
నిరుపాధికయా నిజబాలతయా
పరిపాలయ తారకమారక మామ్ || ౩ ||
గిరిజాసుత సాయకభిన్నగిరే
సురసింధుతనూజ సువర్ణరుచే |
శిఖితోకశిఖావలవాహన హే
పరిపాలయ తారకమారక మామ్ || ౪ ||
జయ విప్రజనప్రియ వీర నమో
జయ భక్తజనప్రియ భద్ర నమో |
జయ శాఖ విశాఖ కుమార నమః
పరిపాలయ తారకమారక మామ్ || ౫ ||
పరితో భవ మే పురతో భవ మే
పథి మే భగవన్ భవ రక్ష గతిమ్ |
వితరాశు జయం విజయం పరితః
పరిపాలయ తారకమారక మామ్ || ౬ ||
ఇతి కుక్కుటకేతుమనుస్మరతాం
పఠతామపి షణ్ముఖషట్కమిదమ్ |
భజతామపి నందనమిందుభృతో
న భయం క్వచిదస్తి శరీరభృతామ్ || ౭ ||
గాంగేయం వహ్నిగర్భం శరవణజనితం జ్ఞానశక్తిం కుమారం
బ్రహ్మణ్యం స్కందదేవం గుహమచలభిదం రుద్రతేజస్వరూపమ్ |
సేనాన్యం తారకఘ్నం గజముఖసహజం కార్తికేయం షడాస్యం
సుబ్రహ్మణ్యం మయూరధ్వజరథసహితం దేవదేవం నమామి || ౮ ||
ఇతి శ్రీసుబ్రహ్మణ్యషట్కమ్ ||
Sri Subrahmanya Swamy Related Stotras
Subramanya Shasti 2025 | సుబ్రహ్మణ్య షష్ఠి పూజ విధి, ఉపవాస నియమాలు, వ్రత కథ.
Sri Karthikeya Ashtakam Lyrics In Telugu | శ్రీ కార్తికేయాష్టకం
Sri Karthikeya Panchakam Lyrics In Telugu | శ్రీ కార్తికేయ పంచకం
Saravanabhava Mantrakshara Shatkam In Telugu | శరవణభవ మంత్రాక్షర షట్కం
Sri Karthikeya Stotram Lyrics In Telugu | శ్రీ కార్తికేయ స్తోత్రం
Sri Karthikeya Karavalamba Stotram In Telugu | శ్రీ కార్తికేయ కరావలంబ స్తోత్రం
Sri Subrahmanya Vajra Panjara Kavacham | శ్రీ సుబ్రహ్మణ్య వజ్రపంజర కవచం
Sri Subrahmanya Mangala Ashtakam in Telugu | శ్రీ సుబ్రహ్మణ్య మంగళాష్టకం
Sri Subramanya Moola Mantra Stava in Telugu | శ్రీ సుబ్రహ్మణ్య మూలమంత్ర స్తవః
Sri Subrahmanya Mala Mantra Lyrics in Telugu | శ్రీ సుబ్రహ్మణ్య మాలామంత్రః
