Sri Shodashi Ashtottara Shatanama Stotram Lyrics in Telugu
శ్రీ షోడశీ అష్టోత్తరశతనామ స్తోత్రం
భృగురువాచ |
చతుర్వక్త్ర జగన్నాథ స్తోత్రం వద మయి ప్రభో |
యస్యానుష్ఠానమాత్రేణ నరో భక్తిమవాప్నుయాత్ || ౧ ||
బ్రహ్మోవాచ |
సహస్రనామ్నామాకృష్య నామ్నామష్టోత్తరం శతమ్ |
గుహ్యాద్గుహ్యతరం గుహ్యం సుందర్యాః పరికీర్తితమ్ || ౨ ||
అస్య శ్రీషోడశ్యష్టోత్తరశతనామస్తోత్రస్య శంభురృషిః అనుష్టుప్ ఛందః శ్రీషోడశీ దేవతా ధర్మార్థకామమోక్షసిద్ధ్యర్థే జపే వినియోగః |
త్రిపురా షోడశీ మాతా త్ర్యక్షరా త్రితయా త్రయీ |
సుందరీ సుముఖీ సేవ్యా సామవేదపరాయణా || ౩ ||
శారదా శబ్దనిలయా సాగరా సరిదంబరా |
శుద్ధా శుద్ధతనుః సాధ్వీ శివధ్యానపరాయణా || ౪ ||
స్వామినీ శంభువనితా శాంభవీ చ సరస్వతీ |
సముద్రమథినీ శీఘ్రగామినీ శీఘ్రసిద్ధిదా || ౫ ||
సాధుసేవ్యా సాధుగమ్యా సాధుసంతుష్టమానసా |
ఖట్వాంగధారిణీ ఖర్వా ఖడ్గఖర్పరధారిణీ || ౬ ||
షడ్వర్గభావరహితా షడ్వర్గపరిచారికా |
షడ్వర్గా చ షడంగా చ షోఢా షోడశవార్షికీ || ౭ ||
క్రతురూపా క్రతుమతీ ఋభుక్షక్రతుమండితా |
కవర్గాదిపవర్గాంతా అంతస్థాఽనంతరూపిణీ || ౮ ||
అకారాకారరహితా కాలమృత్యుజరాపహా |
తన్వీ తత్త్వేశ్వరీ తారా త్రివర్షా జ్ఞానరూపిణీ || ౯ ||
కాలీ కరాలీ కామేశీ ఛాయా సంజ్ఞాప్యరుంధతీ |
నిర్వికల్పా మహావేగా మహోత్సాహా మహోదరీ || ౧౦ ||
మేఘా బలాకా విమలా విమలజ్ఞానదాయినీ |
గౌరీ వసుంధరా గోప్త్రీ గవాం పతినిషేవితా || ౧౧ ||
భగాంగా భగరూపా చ భక్తిభావపరాయణా |
ఛిన్నమస్తా మహాధూమా తథా ధూమ్రవిభూషణా || ౧౨ ||
ధర్మకర్మాదిరహితా ధర్మకర్మపరాయణా |
సీతా మాతంగినీ మేధా మధుదైత్యవినాశినీ || ౧౩ ||
భైరవీ భువనా మాతాఽభయదా భవసుందరీ |
భావుకా బగలా కృత్యా బాలా త్రిపురసుందరీ || ౧౪ ||
రోహిణీ రేవతీ రమ్యా రంభా రావణవందితా |
శతయజ్ఞమయీ సత్త్వా శతక్రతువరప్రదా || ౧౫ ||
శతచంద్రాననా దేవీ సహస్రాదిత్యసన్నిభా |
సోమసూర్యాగ్నినయనా వ్యాఘ్రచర్మాంబరావృతా || ౧౬ ||
అర్ధేందుధారిణీ మత్తా మదిరా మదిరేక్షణా |
ఇతి తే కథితం గోప్యం నామ్నామష్టోత్తరం శతమ్ || ౧౭ ||
సుందర్యాః సర్వదం సేవ్యం మహాపాతకనాశనమ్ |
గోపనీయం గోపనీయం గోపనీయం కలౌ యుగే || ౧౮ ||
సహస్రనామపాఠస్య ఫలం యద్వై ప్రకీర్తితమ్ |
తస్మాత్కోటిగుణం పుణ్యం స్తవస్యాస్య ప్రకీర్తనాత్ || ౧౯ ||
పఠేత్సదా భక్తియుతో నరో యో
నిశీథకాలేఽప్యరుణోదయే వా |
ప్రదోషకాలే నవమీదినేఽథవా
లభేత భోగాన్పరమాద్భుతాన్ప్రియాన్ || ౨౦ ||
ఇతి బ్రహ్మయామలే పూర్వఖండే షోడశ్యష్టోత్తరశతనామ స్తోత్రమ్ |
Goddess Sri Kamakshi Related Stotras
Sri Shodashi Ashtottara Shatanamavali in Telugu | శ్రీ షోడశీ అష్టోత్తరశతనామావళిః
Shri Santoshi Mata Chalisa Lyrics in Telugu | శ్రీ శంతోషి మాత చాలిశా
Sri Santoshi Mata Ashtottaram Lyrics In Telugu – శ్రీ సంతోషీమాత అష్టోత్తరం
Sri Kamakshi Ashtottara Shatanamavali Lyrics in Telugu | శ్రీ కామాక్ష్యష్టోత్తరశతనామావళీ
Mooka Panchasati – Arya Satakam (1)| మూకపంచశతి – ఆర్యాశతకం (1)
Mooka Panchasati Padaaravinda Satakam (2) in Telugu | మూకపంచశతి పాదారవిందశతకం (౨)
Mooka Panchasati Stuthi Satakam (3) in Telugu | మూకపంచశతి స్తుతిశతకం (3)
Mooka Panchasati Kataksha satakam (4) in Telugu | మూకపంచశతి కటాక్షశతకం (4)
Sri Kamakshi Stotram (Paramacharya Krutam) in Telugu | శ్రీ కామాక్షీ స్తోత్రం (పరమాచార్య కృతం)
Sri Kamakshi Stotram 3 (Brahma Krutam) Lyrics in Telugu | శ్రీ కామాక్షీ స్తోత్రం – ౩ (బ్రహ్మ కృతం)
Sri Kamakshi Stotram 2 Lyrics in Telugu | శ్రీ కామాక్షీ స్తోత్రం ౨
