Sri Shiva Pancharatna Stuti (Krishna Kritam) in Telugu | శ్రీ శివ పంచరత్న స్తుతిః (కృష్ణ కృతం)

Sri Shiva Pancharatna Stuti (Krishna Kritam) Lyrics in Telugu

శ్రీ శివ పంచరత్న స్తుతిః (కృష్ణ కృతం)

శ్రీకృష్ణ ఉవాచ |
మత్తసింధురమస్తకోపరి నృత్యమానపదాంబుజం
భక్తచింతితసిద్ధిదానవిచక్షణం కమలేక్షణమ్ |
భుక్తిముక్తిఫలప్రదం భవపద్మజాచ్యుతపూజితం
కృత్తివాససమాశ్రయే మమ సర్వసిద్ధిదమీశ్వరమ్ || ౧ ||

విత్తదప్రియమర్చితం కృతకృచ్ఛ్రతీవ్రతపశ్చరైః
ముక్తికామిభిరాశ్రితైర్మునిభిర్దృఢామలభక్తిభిః |
ముక్తిదం నిజపాదపంకజసక్తమానసయోగినాం
కృత్తివాససమాశ్రయే మమ సర్వసిద్ధిదమీశ్వరమ్ || ౨ ||

కృత్తదక్షమఖాధిపం వరవీరభద్రగణేన వై
యక్షరాక్షసమర్త్యకిన్నరదేవపన్నగవందితమ్ |
రక్తభుగ్గణనాథహృద్భ్రమరాంచితాంఘ్రిసరోరుహం
కృత్తివాససమాశ్రయే మమ సర్వసిద్ధిదమీశ్వరమ్ || ౩ ||

నక్తనాథకళాధరం నగజాపయోధరనీరజా-
-లిప్తచందనపంకకుంకుమపంకిలామలవిగ్రహమ్ |
శక్తిమంతమశేషసృష్టివిధాయకం సకలప్రభుం
కృత్తివాససమాశ్రయే మమ సర్వసిద్ధిదమీశ్వరమ్ || ౪ ||

రక్తనీరజతుల్యపాదపయోజసన్మణినూపురం
పత్తనత్రయదేహపాటనపంకజాక్షశిలీముఖమ్ |
విత్తశైలశరాసనం పృథుశింజినీకృతతక్షకం
కృత్తివాససమాశ్రయే మమ సర్వసిద్ధిదమీశ్వరమ్ || ౫ ||

యః పఠేచ్చ దినే దినే స్తవపంచరత్నముమాపతేః
ప్రాతరేవ మయా కృతం నిఖిలాఘతూలమహానలమ్ |
తస్య పుత్రకళత్రమిత్రధనాని సంతు కృపాబలాత్
తే మహేశ్వర శంకరాఖిల విశ్వనాయక శాశ్వత || ౬ ||

ఇతి శ్రీశివమహాపురాణే శ్రీకృష్ణకృత శ్రీశివపంచరత్నస్తుతిః |

Lord Shiva Related Stotras

Sri Shiva Panchakshara Nakshatramala Stotram in Telugu | శ్రీ శివ పంచాక్షర నక్షత్రమాలా స్తోత్రం

Sri Halasyesha Ashtakam Lyrics in Telugu | శ్రీ హాలాస్యేశాష్టకం

Varuna Krita Shiva Stotram Lyrics in Telugu | శ్రీ శివ స్తోత్రమ్ (వరుణ కృతమ్)

Sri Shiva Stuti (Vande Shambhum Umapathim) in Telugu | శ్రీ శివ స్తుతిః (వందే శంభుం ఉమాపతిం)

Sri Krishna Krita Sri Shiva Stotram Lyrics in Telugu | శ్రీ శివ స్తోత్రమ్ (శ్రీకృష్ణ కృతమ్)

Kalki Krita Shiva Stotram Lyrics in Telugu | శ్రీ శివ స్తోత్రం (కల్కి కృతమ్)

Upamanyu Krutha Shiva Stotram Lyrics in Telugu | శ్రీ శివ స్తోత్రం (ఉపమన్యు కృతం)

Asitha Krutha Shiva Stotram Lyrics in Telugu | శ్రీ శివ స్తోత్రమ్ (అసిత కృతమ్)

Sri Mrityunjaya Aksharamala Stotram in Telugu | శ్రీ మృత్యుంజయ అక్షరమాలా స్తోత్రం

Brahmadi Deva Krita Mahadeva Stuti in Telugu | శ్రీ మహాదేవ స్తుతిః (బ్రహ్మాదిదేవ కృతమ్)

Sri Shiva Mangala Ashtakam Lyrics in Telugu | శ్రీ శివ మంగళాష్టకం