Sri Halasyesha Ashtakam Lyrics in Telugu
శ్రీ హాలాస్యేశాష్టకం
కుండోదర ఉవాచ |
శైలాధీశసుతాసహాయ సకలామ్నాయాంతవేద్య ప్రభో
శూలోగ్రాగ్రవిదారితాంధకసురారాతీంద్రవక్షస్థల |
కాలాతీత కలావిలాస కుశల త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౧ ||
కోలాచ్ఛచ్ఛదరూపమాధవ సురజ్యైష్ఠ్యాతిదూరాంఘ్రిక
నీలార్ధాంగ నివేశనిర్జరధునీభాస్వజ్జటామండల |
కైలాసాచలవాస కార్ముకహర త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౨ ||
ఫాలాక్షప్రభవప్రభంజనసఖ ప్రోద్యత్స్ఫులింగచ్ఛటా-
-తూలానంగకచారుసంహనన సన్మీనేక్షణావల్లభ |
శైలాదిప్రముఖైర్గణైః స్తుతగణ త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౩ ||
మాలాకల్పితమాలుధానఫణసన్మాణిక్యభాస్వత్తనో
మూలాధార జగత్త్రయస్య మురజిన్నేత్రారవిందార్చిత |
సారాకారభుజాసహస్ర గిరిశ త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౪ ||
బాలాదిత్యసహస్రకోటిసదృశోద్యద్వేగవత్యాపగా-
-వేలాభూమివిహారనిష్ఠ విబుధస్రోతస్వినీశేఖర |
బాలావర్ణ్యకవిత్వభూమిసుఖద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౫ ||
కీలాలావనిపావకానిలనభశ్చంద్రార్కయజ్వాకృతే
కీలానేకసహస్రసంకులశిఖస్తంభస్వరూపామిత |
చోళాదీష్టగృహాంగనావిభవద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౬ ||
లీలార్థాంజలిమేకమేవ చరతాం సామ్రాజ్యలక్ష్మీప్రద
స్థూలాశేషచరాచరాత్మక జగత్ స్థూణాష్టమూర్తే గురో |
తాలాంకానుజ ఫల్గునప్రియకర త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౭ ||
హాలాస్యాగతదేవదైత్యమునిసంగీతాపదానక్వణ-
-త్తూలాకోటిమనోహరాంఘ్రికమలానందాపవర్గప్రద |
శ్రీలీలాకర పద్మనాభవరద త్రాయేత తే సంతతం
హాలాస్యేశ కృపాకటాక్షలహరీ మామాపదామాస్పదమ్ || ౮ ||
లీలానాదరమోహతః కపటతో యద్వా కదంబాటవీ-
-హాలాస్యాధిపతీష్టమష్టకమిదం సర్వేష్టసందోహనమ్ |
హాలాపానఫలాన్విహాయ సంతతం సంకీర్తయంతీహ యే
తే లాక్షార్ద్రపదాబలాభిరఖిలాన్ భోగాన్ లభంతే సదా || ౯ ||
ఇతి శ్రీహాలాస్యమహాత్మ్యే కుండోదరకృతం శ్రీహాలాస్యేశాష్టకమ్ |
Lord Shiva Related Stotras
Sri Shiva Pancharatna Stuti (Krishna Kritam) in Telugu | శ్రీ శివ పంచరత్న స్తుతిః (కృష్ణ కృతం)
Varuna Krita Shiva Stotram Lyrics in Telugu | శ్రీ శివ స్తోత్రమ్ (వరుణ కృతమ్)
Sri Shiva Stuti (Vande Shambhum Umapathim) in Telugu | శ్రీ శివ స్తుతిః (వందే శంభుం ఉమాపతిం)
Sri Krishna Krita Sri Shiva Stotram Lyrics in Telugu | శ్రీ శివ స్తోత్రమ్ (శ్రీకృష్ణ కృతమ్)
Kalki Krita Shiva Stotram Lyrics in Telugu | శ్రీ శివ స్తోత్రం (కల్కి కృతమ్)
Upamanyu Krutha Shiva Stotram Lyrics in Telugu | శ్రీ శివ స్తోత్రం (ఉపమన్యు కృతం)
Asitha Krutha Shiva Stotram Lyrics in Telugu | శ్రీ శివ స్తోత్రమ్ (అసిత కృతమ్)
Sri Mrityunjaya Aksharamala Stotram in Telugu | శ్రీ మృత్యుంజయ అక్షరమాలా స్తోత్రం
Brahmadi Deva Krita Mahadeva Stuti in Telugu | శ్రీ మహాదేవ స్తుతిః (బ్రహ్మాదిదేవ కృతమ్)
Sri Shiva Mangala Ashtakam Lyrics in Telugu | శ్రీ శివ మంగళాష్టకం
Shiva Namavali Ashtakam Lyrics in Telugu | శ్రీ శివనామావళ్యష్టకం
