వివిధ ప్రాంతాల్లో దీపావళి వేడుకలు | Diwali Celebration in Different Region in Telugu

ఉత్తరభారతదేశంలోని అనేక ప్రాంతాల్లో దీపావళిని లక్ష్మీ పూజగా, బెంగాలులో కాళీపూజగా భావిస్తారు. వర్తకులు కొత్తగా ఖాతా పుస్తకాలు తెరుస్తారు. ధన, కనక, వస్తు వాహనా లను పూజిస్తారు.

రాజస్తాన్ లో స్త్రీలందరూ ఈ సందర్భంగా తమ బంగారు నగలకు ‘ఖర్’ అనే ఒక రకమైన పదార్థంతో మెరుగు పెట్టుకుని శుభ్రపరచుకుంటారు. ఈ పండుగను వారు రూప్ చౌదాస్ లేక రూపచతుర్దశి అని అంటూరు.

ఇక గుజరాత్లో కొన్ని బ్రాహ్మణ కుటుంబాలలో మొదటి సంతానం కలగాకనే దీపావళి జరుపుకుంటారు.

ఉత్తర భారతదేశంలో ఈ పండుగ ఐదు రోజులు జరుపబడుతుంది.

• ఆశ్వీయుజ బహుళ త్రయోదశి,
• నరక చతుర్దశి,
• బహుళ అమావాస్య (దీపావళి),
• బలిపాడ్యమి,
• యముద్వితీయ.

ఉత్తర భారతదేశంవారు మొదటిరోజు- బహుళ త్రయో దశి నాటి రాత్రి అపమృత్యు నివారణార్థం దీపం వెలిగించి ఇంటి ముంగిట పెడతారు. దీన్ని ‘నిధన’ లేక ‘యమదీపం అని’ అంటూరు.