Sri Chinnamasta Stotram Lyrics in Telugu
॥ శ్రీ ఛిన్నమస్తా స్తోత్రమ్ ॥
శ్రీ గణేశాయ నమః ।
ఆనందయిత్రి పరమేశ్వరి వేదగర్భే
మాతః పురందరపురాంతర లబ్ధనేత్రే ।
లక్ష్మీమశేషజగతాం పరిభావయంతః
సంతో భజంతి భవతీం ధనదేశలబ్ధ్యై ॥ 1॥
లజ్జానుగాం విమలవిద్రుమకాన్తికాన్తాం
కాన్తానురాగరసికాః పరమేశ్వరి త్వామ్ ।
యే భావయన్తి మనసా మనుజాస్త ఏతే
సీమన్తినీభిరనిశం పరిభావ్యమానాః ॥ 2॥
మాయామయీం నిఖిలపాతకకోటికూటవిద్రావిణీం
భృశమసంశయినో భజన్తి ।
త్వాం పద్మసుందరతనుం తరుణారుణాస్యాం
పాశాంకుశాభయవరాద్యకరాం వరాస్త్రైః ॥ 3 ॥
తే తర్కకర్కశధియః శ్రుతిశాస్త్రశిల్పైశ్ఛన్దోఽ-
భిశోభితముఖాః సకలాగమజ్ఞాః ।
సర్వజ్ఞలబ్ధవిభవాః కుముదెందువర్ణాం
యే వాగ్భవే చ భవతీం పరిభావయంతి ॥ 4॥
వజ్రపణున్నహృదయా సమయద్రుహస్తే
వైరోచనే మదన మందిరగాస్య మాతః ।
మాయాద్వయానుగతవిగ్రహభూషితాఽసి
దివ్యాస్త్రవహ్నివనితానుగతాఽసి ధన్యే ॥ 4॥
వృత్తత్రయాష్టదలవహ్నిపురఃసరస్య
మార్తాండ మండలగతాం పరిభావయన్తి ।
యే వహ్నికూటసదృశీం మణిపూరకాంతస్తే
కాలకంటక విడంబ నచంచివః స్యుః ॥ 5॥
కాలాగరుభ్రమరచందన కుండగోల-
ఖండైరనంగ మదనోద్భవమాదనీభిః ।
సిందూర కుంకుమపటీరహిమైర్విధాయ
సన్ మండలం తదుపరీహ యజేన్ మృడానీమ్ ॥ 6॥
చంచిత్తడిన్మిహిర కోటికరాం విచేలా-
ముద్యత్కబంధ రుధిరాం ద్విభుజాం త్రినేత్రామ్ ।
వామే వికీర్ణకచశీర్షకరే పరే తామీడే
పరం పరమకర్త్రికయా సమేతామ్ ॥ 7॥
కామేశ్వరాంగ నిలయాం కలయా
సుధాంశోర్విభ్రాజమానహృదయామపరే స్మరన్తి ।
సుప్తాహిరాజసదృశీం పరమేశ్వరస్థాం
త్వామాద్రిరాజతనయే చ సమానమానాః ॥ 8॥
లింగత్రయోపరిగతామపి వహ్నిచక్ర-
పీఠానుగాం సరసిజాసనసన్నివిష్టామ్ ।
సుప్తాం ప్రబోధ్య భవతీం మనుజా
గురూక్తహూఁకారవాయువశిభిర్మనసా భజంతి ॥ 9॥।
శుభ్రాసి శాన్తికకథాసు తథైవ పీతా
స్తంభే రిపోరథ చ శుభ్రతరాసి మాతః ।
ఉచ్చాటనేఽప్యసితకర్మసుకర్మణి త్వం
సంసేవ్యసే స్ఫటికకాన్తిరనంతచారే ॥ 10॥
త్వాముత్పలైర్ మధుయుతైర్ మధునోపనీతైర్ గవ్యైః
పయోవిలులితైః శతమేవ కుండే ।
సాజ్యైశ్చ తోషయతి యః పురుషః త్రి సంధ్యం
షణ్మాసతో భవతి శక్రసమో హి భూమౌ ॥ 11॥
జాగృత్ స్వపన్నపి శివే తవ మంత్రరాజమేవం
విచింతయతి యో మనసా విధిజ్ఞః ।
సంసారసాగరసమృద్ధరణే వహిత్రం చిత్రం
న భూతజననేఽపి జగత్సు పుంసః ॥ 12॥
ఇయం విద్యా వంద్యా హరిహరవిరించిప్రభృతిభిః
పురారాతేరన్తః పురమిదమగమ్యం పశుజనైః ।
సుధామన్దానన్దైః పశుపతిసమానవ్యసనిభిః
సుధాసేవ్యైః సద్భిర్గురుచరణసంసారచతురైః ॥ 13॥
కుణ్డే వా మణ్డలే వా శుచిరథ మనునా భావయత్యేవ మంత్రీ
సంస్థాప్యోచ్చైర్జుహోతి ప్రసవసుఫలదైః పద్మపాలాశకానామ్ ।
హైమం క్షీరైస్తిలైర్వాం సమధుకకుసుమైర్మాలతీబంధుజాతీశ్వేతైరబ్ధం
సకానామపి వరసమిధా సంపదే సర్వసిద్ధ్యై ॥ 14॥
అన్ధః సాజ్యం సమాంసం దధియుతమథవా యోఽన్వహం యామినీనాం
మధ్యే దేవ్యై దదాతి ప్రభవతి గృహగా శ్రీరముష్యావఖండా ।
ఆజ్యం మాంసం సరక్తం తిలయుతమథవా తండులం పాయసం వా హుత్వా
మాంసం త్రిసంధ్యం స భవతి మనుజో భూతిభిర్భూతనాథః ॥ 15॥
ఇదం దేవ్యాః స్తోత్రం పఠతి మనుజో యస్త్రిసమయం
శుచిర్భూత్వా విశ్వే భవతి ధనదో వాసవసమః ।
వశా భూపాః కాన్తా నిఖిలరిపుహన్తుః సురగణా
భవన్త్యుచ్చైర్వాచో యదిహ నను మాసైస్త్రిభిరపి ॥ 16॥
ఇతి శ్రీశంకరాచార్యవిరచితః ప్రచండ చండికాస్తవరాజః సమాప్తః ॥…
Related Posts
What are 10 greatest Talents of Goddess chinnamasta devi | story.
3. ఛిన్నమస్తా దేవి – దశమహావిద్యలు | Chinnamasta Devi Dasamahavidya in Telugu
