Sri Rama Karnamrutham
mangalam bhagavanvishnur mangalam madhusudanah
mangalam pundarikaksho mangalam garudadhvajah || 1
mangalam kosalendraya mahanIyagunabdhaye
cakravartitanujaya sarvabhaumaya mangalam || 2
vedavedantavedyaya meghashyamalamurtaye
pumsam mohanarupaya punyashlokaya mangalam || 3
vishvamitrantarangaya mithilanagaripateh
bhagyanam paripakaya bhavyarupaya mangalam || 4
pitrbhaktaya satatam bhratrbhih saha sitaya
nanditakhilalokaya ramacandraya mangalam || 5
tyaktasaketavasaya citrakutaviharine
sevyaya sarvayaminam dhirudattaya mangalam || 6
saumitrina ca janakya capabanasidharina
samsevyaya sada bhaktya sanujayastu mangalam || 7
dandakaranyavasaya khanditamarashatrave
grdhrarajaya bhaktaya muktidayastu mangalam || 8
sadaram shabaridattaphalamulabhilashine
saulabhyaparipurnaya sattvodyuktaya mangalam || 9
hanumatsamavetaya harishabhishtadayine
valipramathanayastu mahadhiraya mangalam || 10
shrimate raghuviraya setulanghitasindhave
jitarakshasarajaya ranadhiraya mangalam || 11
asadya nagari divyamabhishiktaya sitaya
rajadhirajarajaya ramabhadraya mangalam || 12
vibhishanakrte pritya vishvabhishtapradayine
janakiprananathaya sada ramaya mangalam || 13
shriramam trijagadgurum suravaram sitamanonayakam
shyamanam shashikotipurnavadanam cancatkalakaustubham
saumyam satyagunottamam susarayutire vasantam prabhum
trataram sakalarthasiddhisahitam vande raghunam patim || 14
shriraghavam dasharathatmajamaprameyam
sitapatim raghuvaranvayaratnadipam
ajanubahumaravindadalayataksham
ramam nishacaravinashakaram namami || 15
shriramacandra karunakara raghavendra
rajendracandra raghuvamshasamudracandra
sugrivanetrayugalotpala-purnacandra
sitamanahkumudacandra namo namaste || 16
sitamanomanasarajahamsa
samsarasantapahara kshamavan
shrirama daityantaka shantarupa
shritarakabrahma namo namaste || 17
vishnor raghava vasudeva nrhare devaughacudamane
samsararnavakarnadharaka hare krshnaya tubhyam namah || 18
sugrivadIsamastavanaravaraissamsevyamanam sada
vishvamitraparasharadimunibhissamstuyamanam bhaje || 19
ramam candanashitalam kshitisutamohakaram shrikaram
vaidehinayanaravindamihiram sampurnacandrananam
rajanam karunasametanayanam sitamanonandanam
sitadarpanacarugandalalitam vande sada raghavam || 20
janati rama tava namarucim maheshah
janati gautamasati caranaprabhavam
janati dorbalaparakramamishacapo
janatyamoghapatuban gatim payodhih || 21
mata ramo matpita ramacandrah
bhrata ramo matsakha raghaveshah
sarvasvam me ramacandro dayalu-
rnanyam daivam naiva jane na jane || 22
vimalakamalanetram visphurannilagatram
tapanakulapavitram danavadhvantamitram
bhuvanashubhacaritram bhumiputrikalatram
dasharathavaraputram naumi ramakhyamitram || 23
marge marge shakhinam ratnavedi
vedyam vedyam kinnaribrndagitam
gite gite manjula alapagoshthi
goshthyam goshthyam tvatkatha ramacandra || 24
vrkshe vrkshe vikshitah pakshisanghah
sanghe sanghe manjulamodavakyam
vakye vakye manjula alapagoshthi
goshthyam goshthyam tvatkatha ramacandra || 25
duritatimiracandro dushtakanjatacandrah
surakuvalayacandrassuryavamshabdhicandrah
svajananivahacandrah shatrurajivacandrah
pranatakumudacandrah patu mam ramacandrah || 26
kalyAnadam kaushikayajnapalam
kalanidhim kancanashailadhiram
kanjatanetram karunasamudram
kakutstharamam kalayami citte || 27
rajivayatalocanam raghuvaram nilotpalashyamalam
mandarancitamandape sulalite sauvarnake pushpake
asthane navaratnarajikhacite simhasane samsthitam
sitalakshmanalokapalasahitam vande munindraspadam || 28
dhyaye ramam sudhamshum natasakalabhavaranyatapapraharam
shyamam shantam surendram suramunivinutam kotisuryaprakasham
sitasoumitrisevyam suranarasugamam divyasimhasanastham
sayahne ramacandram smitaruciramukham sarvada me prasannam || 29
indranilamanisannibhadeham
vandanIyamasakrnmunibrndaih
lambamanatulasivanamalam
cintayami satatam raghuviram || 30
sampurnacandravadanan sarasiruhaksham
manikyakundaladharam mukutabhiramam
campeyagauravasanan sharacapahastan
shriramacandramanisham manasa smarami || 31
matuh parshve carantan manimayashayane manjubhushancitangam
mandam mandam pibantan mukulitanayanam stanyamanyastanagram
angulyagraih sprshantan sukhaparavashaya sasmitalingitangam
gadham gadham jananya kalayatu hrdayam mamakam ramabalam || 32
ramabhiramam nayanabhiramam
vacabhiramam vadanabhiramam
sarvabhiramam ca sadabhiramam
vande sada dasharathim ca ramam || 33
rashabdoccaramatrena mukhanniryati patakah
punah praveshabhitya ca makarastu kavatavat || 34
anarghamanikyavirajamana-
shripadukalankrtashobhanabhyam
asheshabrndarakavanditabhyam
namo namo ramapadambujabhyam || 35
calatkanakakundalollasitadivyagandasthalam
caracarajaganmayam caranapadmagaṅgashrayam
caturvidhaphalapradam caramapithamadhyasthitam
cidamshamakhilaspadam dasharathatmajam cintaye || 36
sanandanamunipriyam sakalavarnavedatmakam
samastanigamagamasphuritattvasimhasanam
sahasranayanabjajadyamarabrndasamsevitam
samështipuravallabham dasharathatmajam cintaye || 37
jagratsvapnasushupti-kalavilasattattvatmacinmatrakam
caitanyatmakamadhipaparahitam bhumyaditanmatrakam
shambhavyadisamastayogakulam sankhyaditattvatparam
shabdavacyamaham namami satatam vyutpattinashatparam || 38
ikshvakuvamsharnavajataratnam
sitangayanavanabhagyaratnam
vaikuntharatnam mama bhagyaratnam
shriramaratnam shirasa namami || 39
ikshvakunandanam sugrivapujitam
trailokyarakshakam satyasandham sada
raghavam raghupatim rajivalocanam
ramacandram bhaje raghavesham bhaje || 40
bhaktapriyam bhaktasamadhigamyam
cintaharam cintitakamadhenum
suryendukotidyutibhasvaram tam
ramam bhaje raghavaramacandram || 41
shriramam janakakshitisvarasutavaktrambujaharInam
shrimadbhanukulabdhikaustubhmanim shrIratnavakshassthalam
shrikantadyamaraugharatnamakutalankarapadambujam
shrivatsojjvalamindranilasadrsham shrIramacandram bhaje || 42
ramacandra caritakathamrtam
lakshmanagrajagunanukIrtanam
raghavesha tava padasevanam
sambhavantu mama janmajanmani || 43
ajñanasambhava-bhavambudhibadabagni-
ravyaktatattvanikarapranavadhirudhah
sitasametamanujena hrdantarale
pranaprayanasamaye mama sannidhatte || 44
ramo matkuladaivatam sakarunam ramam bhaje sadaram
ramenakhilaghorapapanihatI ramaya tasmai namah
ramannasti jagatrayaikasulabho ramasya daso:’smyaham
rame prItirativa me kulaguro shrIrama rakshasva mam || 45
vaidehisahitam suradrumatale haime mahamantape
madhye pushpakamasane manimaye vIrasane samsthitam
agre vacayati prabhañjanasute tattvam munibhyah param
vyakhyantam bharatadibhih parivrtam ramam bhaje shyamalam || 46
vame bhumisuta purastu hanumanpashcatsumitrasuta-
shatrughno bharatashca parshvadalayor vayvadikoneshvapi
sugrIvashca vibhishanashca yuvarat tarasuto jambavan
madhye nIlasarojakomararucim ramam bhaje shyamalam || 47
keyurangadakankanairmaniganairvairocamanam sada
rakaparvanicandrakotisadrsham chatrene vairajitam
hemastambhasahasrashodashayute madhye mahamandape
devesham bharatadibhih parivrtam ramam bhaje shyamalam || 48
sakete sharadindukundadhavale saughe mahamantape
paryastagarudhupadhupapatal e karpuradipojjvale
sugrIvangadavayuputrasahitam saumitrina sevitam
lIlamanushavigraham raghupatim ramam bhaje shyamalam || 49
shantam sharadacandrakotisadrsham candrabhiramananam
candrarkagnivikasikundaladharam candravatamsastutam
vInapustakasakshasutravilasadvyakhyanamudrakaram
devesham bharatadibhih parivrtam ramam bhaje shyamalam || 50
ramam rakshasamardanam raghupatim shakrarividhvamsinam
sugrIvepsitarajyadam surapateh putrantakam sharnginam
bhaktanamabhayapradam bhayaharam papaughavidhvamsinam
sitasevitapadapadmayugalam ramam bhaje shyamalam || 51
kandarpayutakotikotitulitam kalambudashyamalam
kambugrivamudarkaustubhadharam karnavatamsotpalam
kasturitilakojjvalam smitamukham cinmudrayalankrtam
sitalakshmanavayuputrasahitam simhasanastham bhaje || 52
sakete navaratnapanktikhaCite citradhvajalankrte
vase svarnamaye dalashtalalite padme vimanottame
asinam bharatadisodarajanaih shakhamrgaih kinnaraih
dikpalairmunipungavairnrpaganaisamsevyamanam bhaje || 53
kasturighanasarakunkumalasacchrIcandanalankrtam
kandarpadhikasundaram ghananibham kakutsthavamshadhvajam
kalyAnambharaveshtitam kamalaya yuktam kalavallabham
kalyAnacalakarmukapriyasakham kalyanaramam bhaje || 54
muktermulam munivarahrdayanandakandam mukundam
kutasthakhyam sakalavaradam sarvacaitanyarupam
nadatitam kamalanilayam nadanadantatattvam
nadatitam prkrtirahitam ramacandram bhaje:’ham || 55
tarakaram nikhilanilayam tattvamasyadilakshyam
shabdavacyam trigunarahitam vyomamangushthamatram
nirvanakhyam sagunamagunavyomarandhrantarastham
saushumnantah pranavasahitam ramacandram bhaje:’ham || 56
nijanandakaram nigamaturagaradhitapadam
parabrahmanandam paramapadagam papaharanam
krpapAravaram paramapurusham padmanilayam
bhaje ramam shyamam prkrtirahitam nirgunamaham || 57
sakete nagare samastamahimadhare jaganmohane
ratnastambhasahasramantapamahasimhasane sambuje
vishvamitravasishthagautamashukavyasadibhirmaunibhih
dhyeyam lakshmanalokapalasahitam sitasametam bhaje || 58
ramam shyamabhiramam ravishashinayanam kotisuryaprakasham
divyam divyastrapanim sharamukhasharadhim carukodandahastam
kalam kalagnirudram ripukuladahanam vighnavicchedadaksham
bhimam bhImattahasam sakalabhayaharam ramacandram bhaje:’ham || 59
shriramam bhuvanaikasundaratanum dharadharashyamalam
rajivayatalocanam raghuvaram rakendubimbananam
kodandadinijayudhashritabhujairbhrantam videhatmaja-
dhisham bhaktajanavanam raghuvaram shrIramacandram bhaje || 60
shrivatsankamudarkaustubhalasatpitambaralankrtam
nanaratnavirajamanamakutam nIlambudashyamalam
kasturighanasaracarcitatanum mandarAmaladharam
kandarpayutasundaram raghupatim sitasametam bhaje || 61
sadanandadeve sahasrarapadme
galaccandrapIyushadharamrtante
sthitam rammurtim nisheve nisheve-
:’nyadaivam na seve na seve na seve || 62
sudhabhasitadvipamadhyes vimane
suparvalivrkshojjvale sheshatalpe
nishannam ramankam nisheve nisheve-
:’nyadaivam na seve na seve na seve || 63
cidamsham samanandamanandakandam
sushumnakhyarandhrantarale ca hamsam
sacakram sashankham sapitambarankam
parancanyadaivam na jane na jane || 64
caturvedakutollasatkaranakhyam
sphuraddivyavaimanike bhogitalpe
parandhamamurtim nishannam nisheve
nisheve:’nyadaivam na seve na seve || 65
simhasanastham surasevitavyam
ratnankitalankrtapadapadmam
sitasametam shashisuryanetram
ramam bhaje raghava ramacandram || 66
ramam puranapurusham ramaniyavesham
rajadhirajamakutarcitapadapitham
sitapatim sunayanam jagadekavIram
shriramacandramanisham kalayami citte || 67
paranandavastusvarupadisakshim
parabrahmagamyam paranjyotimurtim
parashaktimitra:’priyaradhitanghrim
parandhamarupam bhaje ramacandram || 68
mandasmitam kundalagandabhagam
pitambaram bhushanabhushitangam
nIlotpalangam bhuvanaikamitram
ramam bhaje raghava ramacandram || 69
acintyamavyaktamanantarupa-
madvaitamanandamanadigamyam
punyasvarupam purushottamAkhyam
ramam bhaje raghava ramacandram || 70
padmasanastham surasevitavyam
padmalayanandakatakshavIkshyam
gandharvavidadharagiyamanam
ramam bhaje raghava ramacandram || 71
anantakIrtim varadam prasannam
padmasanam sevakaparijatam
rajadhirajam raghuvIraketum
ramam bhaje raghava ramacandram || 72
sugrIvamitram sujananurupam
lankaharam rakshasavamshanasham
vedashrayangam vipulayataksham
ramam bhaje raghava ramacandram || 73
sakrtpranatarakshayam sakshi yasya vibhishanah
saparadhapratIkarah sa shrIramo gatirmama || 74
phalamulashinau dantau tapasau dharmacarinau
rakshahkulavihantarau bhratarau ramalakshmanau || 75
tarunau rupasampannau sukumarau mahabalau
pundarika vishalakshau cIrakrshnajinambarau || 76
kausalyanayanendum dasharathamukharavindamartandam
sitamanasahamsam ramam rajivalocanam vande || 77
bharjanam bhavabijanam marjanam sukhasampadam
tarjanam yamadutanam ramarameti kIrtanam || 78
na jane janaki jane rama tvannamavaibhavam
sarvesho bhagavan shambhurvalmikirvetti va nava || 79
karataladhrTacapam kalameghasvarupam
sarasijadalanetram caruhasam sugatram
vicinutavanavasam vikramodagravesham
pranamata raghunatham janakiprananatham || 80
vidyutsphuranmakarakundaladiptacaru-
gandasthalam manikiritavirajamanam
pitambaram jaladanilamudarakantim
shriramacandramanisham kalayami citte || 81
ratnollasajjvalitakundalagandabhagam
kasturikatilakashobhitaphalabhagam
karnantadIrghanayanam karunakataksham
shriramacandra mukhamatmani sannidhattam || 82
vaidehisahitam ca lakshmanayutam kaikeyiputranvitam
sugrIvam ca vibhishanAnilasutau nIlam nalam sangadam
vishvamitravasishthagautamabharadvajadikAn manayan
ramo marutisevitah smaratu mam samrajyasimhasane || 83
sakalagunanidhanam yogibhisstuyamanam
bhajitasuravimanam rakshitendradimanam
mahitavrshabhayanam sitaya shobhamanam
smaratu hrdayabhanum brahmaramabhiramam || 84
tridashakumudacandro danavambhojacandro
duritatimiracandro yoginam jñanacandrah
pranatanayanacandro maithilInetracandro
dashamukharipucandrah patu mam ramacandrah || 85
yannamaiva sahasranamasadrsham yannama vedaissamam
yannamankitavakya-masurabalastrIgarbhavicchedanam
yannama shvapacaryabhedarahitam muktipradanojjvalam
tannama:’laghuramaramaramanam shrIramanamamrtam || 86
rajivanetra raghupungava ramabhadra
rakendubimbasadrshanana nIlagatra
rama:’bhirama raghuvamshasamudbhava tvam
shriramacandra mama dehi karavalambam || 87
manikyamanjIrapadaravindam
ramarkasamphullamukharavindam
bhaktabhayaprapikaraaravindam
devIm bhaje raghavavallabham tam || 88
jayatu vijayakari janakImodakari
tapanakulavihari dandakaranyacari
dashavadanakuthari daityavicchedakari
manimakutakadhari candakodandadhari || 89
ramah pita raghava eva mata
ramassubandhushca sakha hitashca
ramo gururme paramam ca daivam
ramam vina na:’nyamaham smarami || 90
shrirama me tvam hi pita ca mata
shrirama me tvam hi suhrcca bandhuh
shrirama me tvam hi gurushca goshthi
shrirama me tvam hi samastameva || 91
ramacandracaritamrtapanam
somapanashatakotisamanam
somapanashatakotibhirIya-
jjanma naiti raghunayakanamna || 92
rama rama dayasindho ravanaare jagatpate
tvatpadakamalasaktirbhavejjanmani janmani || 93
shriramacandreti dayapareti
bhaktapriyeti bhavabandhanamocaneti
natheti nagashayaneti sada stuvantam
mam pahi bhItamanisham krpanam krpalo || 94
ayodhyanatha rajendra sItakanta jagatpate
shrirama pundarIkaksha ramacandra namo:’stu te || 95
he rama he ramana he jagadekavIra
he natha he raghupate karunalavala
he janakIramana he jagadekabandho
mam pahi dInamanisham krpanam krtaghnam || 96
janati rama tava tattvagatim hanuman
janati rama tava sakhyagatim kapIshah
janati rama tava yuddhagatim dashasyo
janati rama dhanadanuja eva satyam || 97
sevyam shrIramamantram shravanashubhakaram shreshthasujñanamantram
stavyam shrIramamantram narakaduritadurvAranirghatamantram
bhavyam shrIramamantram bhajatu bhajatu samsaranistAramantram
divyam shrIramamantram divi bhuvi vilasanmoksharakshaikamantram || 98
nikhilanilayamantram nityatattvakhyamantram
bhavakulaharamantram bhumijapranamantram
pavanajanutamantram parvatiImokshamantram
pashupatinijamantram patu mam ramamantram || 99
pranavanilayamantram pranAnirvanamantram
prkrtipurushamantram brahmarudrendramantram
prakataduritaragadveshanirnashamantram
raghupatinijamantram ramarametimantram || 100
dasharathasutamantram daityasamharamantram
vibudhavinutamantram vishvavikhyatamantram
munigananutamantram muktimargaikamantram
raghupatinijamantram ramarametimantram || 101
samsarasagarabhayapahavishvamantram
sakshanmumukshujanasEvitasiddhamantram
sarangahastamukhahastanivasamantram
kaivalyamantramanisham bhaja ramamantram || 102
jayatu jayatu mantram janmasaphalyamantram
jananamaranaBhedakleshavicchedamantram
sakalanigamamantram sarvashaistraikamantram
raghupatinijamantram ramarametimantram || 103
jagati vishadamantram janakipranamantram
vibudhavinutamantram vishvavikhyatamantram
dasharathasutamantram daityasamharamantram
raghupatinijamantram ramarametimantram || 104
brahmadiyogimunipujitasiddhamantram
daridryaduhkhabhavarogavinashamantram
samsarasagarasamuttaranaikamantram
vande mahabhayaharam raghuramamantram || 105
shatrucchedaikamantram sarasamupanishadvakyasampujyamantram
samsarottaramantram samucitasamaye sanganiryanamantram
sarvaishvaryaikamantram vyasanabhujagasandashtasantranamantram
jihve shrIramamantram japa japa saphalam janmasaphalyamantram || 106
nityam shrIramamantram nirupamadhikam nitisujñanamantram
satyam shrIramamantram sadamalahrdaye sarvadarogyamantram
stutyam shrIramamantram sulalitasumanassaukhyasaubhagyamantram
pathyam shrIramamantram pavanajavaradam patu mam ramamantram || 107
vyamohaprashamaushadham munimanovrttipravrttyaushadham
daityonmulakaraushadham bhavabhayapradhvamsanaikaushadham
bhaktanandakaraushadham tribhuvane sanjivanaikaushadham
shreyah praptikaraushadham piba manah shrIramanamaushadham || 108
sakalabhuvanaratnam sarvashastrartharatnam
samaravijayaratnam saccidanandaratnam
dashamukhaharatnam danavarAtiratnam
raghukulanrparatnam patu mam ramaratnam || 109
sakalabhuvanaratnam saccidanandaratnam
sakalahrdayaratnam suryabimbantaratnam
vimalasukrtaratnam vedavedantaratnam
puraharajaparatnam patu mam ramaratnam || 110
nigamashikhararatnam nirmalanandaratnam
nirupamagunaratnam nadanadantaratnam
dasharathakularatnam dvadashantasstharatnam
pashupatijaparatnam patu mam ramaratnam || 111
shatamakhasutaratnam shodashantasstharatnam
munijanajaparatnam mukhyavaikuntharatnam
nirupamagunaratnam nIrajantasstharatnam
paramapadaviratnam patu mam ramaratnam || 112
sakalasukrtaratnam satyavakyartharatnam
shamadamagunaratnam shashvatanandaratnam
pranayanilayaratnam prasphutadyotiratnam
paramapadaviratnam patu mam ramaratnam || 113
nigamashikhararatnam nityamashasyaratnam
jananutanrparatnam janakIruparatnam
bhuvanavalayaratnam bhubhujAmekaratnam
raghukulavaratnam patu mam ramaratnam || 114
vishalanetram paripurnagatram
sitakalatram suravairijaitram
karunyapatram jagatah pavitram
shriramaratnam pranato:’smi nityam || 115
he gopalaka he dayajalanidhe he sadgunambhonidhe
he daityantaka he vibhishanadayaparIna he bhupate
he vaidehasutamanojavIhrte he kotimarakrte
he navyambujanetra palaya param janami na tvam vina || 116
yasya kincidapi no haranIyam
karma kincidapi no caranIyam
ramanama ca sada smaranIyam
lIlaya bhavajalam taranIyam || 117
dasharathasutamIsham dandakaranyavasam
shatamakhamaninIlam janakIpranalolam
sakalabhuvanamoham sannutambhodadeham
bahulanutasamudram bhavaye ramabhadram || 118
vishalanetram paripurnagatram
sitakalatram suravairijaitram
jagatpavitram paramatmatantram
shriramacandram pranamami citte || 119
jaya jaya raghurama shrImukhabhojabhano
jaya jaya raghuvIra shrImadambhojanetra
jaya jaya raghunatha shrIkarabhyarcitanghri
jaya jaya raghuvarya shrIsha karunyasindho || 120
mandaramule manipIthasamstham
sudhaplutam divyaviratsvarupam
sabindunadantakalantaturya-
murtim bhaje:’ham raghuvamsharatnam || 121
nadam nadavinIlacittapavanam nadantattvapriyam
namakaravivarjitam navaghanashyamanganadapriyam
nadambhojamarandamattavilasadbhrngam madantassthitam
nadantadhruvamandalabjaruciram ramam bhaje tarakam || 122
nanabhutahrdbjapadmanilayam namojjvalabhushanam
namastotrapavitritatribhuvanam narayanAshtaksharam
nadantendugalatsudhaplutatanum nanatmacinmatrakam
nanakotiyugantabhanusadrsham ramam bhaje tarakam || 123
vedyam vedagurum virincijanakam vedantamurtim sphura-
dvedam vedakalapamulamahimadharantakandankuram
vedashrngasamanasheshashayanam vedantavedyatmakam
vedaradhitapadapankajamaham ramam bhaje tarakam || 124
majjIvam madanugraham madadhipam madbhavanam matsukham
mattAtam mama sadgurum mama varam mohandhavicchedanam
matpunyam madanekabandhavajanam majjIvanam mannidhim
matsiddhim mama sarvakarmasukrtam ramam bhaje tarakam || 125
nityam nIrajalocanam nirupamam nIvarashukopamam
nirBhedanubhavam nirantaragunam nIlangaragobjvalam
nishpapam nigamagamarcitapadam nityatmakam nirmalam
nishpunyam nikhilam nirañjanapadam ramam bhaje tarakam || 126
dhyaye tvam hrdayambuje raghupatim vijñanadIpankuram
hamsohamsaparamparadimahimadharam jaganmohanam
hastambhojagadabjacakramatulam pitambaram kaustubham
shrIvatsam purushottamam maninibham ramam bhaje tarakam || 127
satyajñanamanantamacyutamajam cavyakrtam tatparam
kutasthadisamastasakshimanagham sakshadvirattattvadam
vedyam vishvamayam svalInabhuvanasvarajyasaukhyapradam
purnam purnataram puranapurusham ramam bhaje tarakam || 128
ramam rakshasavamshanashanakaram rakendubimbananam
rakshorIm raghuvamshavardhanakaram raktadharam raghavam
radhayatmanivasinam ravinibham ramyam ramanayakam
randhrantargatasheshashayinamaham ramam bhaje tarakam || 129
otaprotasamastavastunicayam onkarabIjaksharam
onkaraprakrtim shadaksharahitam onkarakandankuram
onkarasphutabhurbhuvassuparitam oghatrayaradhitam
onkarojjvalasimhapIthanilayam ramam bhaje tarakam || 130
sakete nagare samastasukhade harmye:’bjakotidyute
nakshatragrahapanktilagnashikhare cantaryapankeruhe
valmikatriparasharadimunibhissamsevyamanam sthitam
sitalankrtavamabhagamanisham ramam bhaje tarakam || 131
vaikunthe nagare suradrumatale canandavaprantare
nanaratnavinirmitasphutapatuprakarasamveshtite
saudhenduplasheshatalpalalite nIlotpalacchadite
paryanke shayanam ramadisahitam ramam bhaje tarakam || 132
vande ramamanadipurushamajam vande ramanayakam
vande harikirItakundaladharam vande sunIladyutim
vande capakalambakojjvalakaram vande jaganmangalam
vande panktirathatmajam mama gurum vande sada raghavam || 133
vande shaunakagautamadyabhinutam vande ghanashyamalam
vande tarakapIthamadhyanilayam vande jagannayakam
vande bhaktajanaughadevivatapam vande dhanurvallabham
vande tattvamasItivakyajanakam vande sada raghavam || 134
vande suryashashankalocanayugam vande jagatpavanam
vande patrasahasrapadmanilayam vande puraripriyam
vande rakshasavamshanashanakaram vande sudhashItalam
vande devakapIndrakotivinutam vande sada raghavam || 135
vande sagaragarvabhangavishikham vande jagajjIvanam
vande kaushikayagarakshanakaram vande gurunam gurum
vande banasharasanojjvalakaram vande jatavalkalam
vande lakshmanabhumijanvitamaham vande sada raghavam || 136
vande pandarapundarIkanayanam vande:’bjabimbananam
vande kambugalam karabjayugalam vande lalatobjvalam
vande pItadukulamambudanibham vande jaganmohanam
vande karanamAnushojjvalatanum vande sada raghavam || 137
vande nIlasarojakomararucim vande jagadvanditam
vande suryakulabdhikaustubhmanim vande suraradhitam
vande patakapancakapraharanam vande jagatkaranam
vande vimshatipancatattvarahitam vande sada raghavam || 138
vande sadhakavargakalpakatarum vande trimurtyatmakam
vande nadalayantarasthalagatam vande trivargatmakam
vande ragavihInacittasulabham vande sabhanayakam
vande purnadayamrtarnavamaham vande sada raghavam || 139
vande sattvikatattvamudritatanum vande sudhadayakam
vande carucaturbhujam maninibham vande shadabjasthitam
vande brahmapipIlikadinilayam vande viratvigraham
vande pannagatalpashayinamaham vande sada raghavam || 140
simhasanastham munisiddhasevyam
raktotpalalankrtapadapadmam
sitasametam shashisuryanetram
ramam bhaje raghavaramacandram || 141
shrIramabhadhrashritasadhgurunam
padaravindam bhajatam naranam
arogyamaishvaryamanantakIrti-
rante ca vishnoh padamasti satyam || 142
dasharathavaraputram janakIsatkalatram
dashamukhaharadaksham padmapatrayataksham
karadhrTasharacapam carumuktakalapam
raghukulanrvarenyam ramamIde sharanyam || 143
dashamukhagajasimham daityagarvatiramham
kadanabhayadahastam tarakabrahma shastam
manikhacitakirItam manjula alapavatam
dasharathakulacandram ramacandram bhaje:’ham || 144
ramam raktasaroruhakshamamalam lankadhinathantakam
kausalyanayanotsukam raghuvaram nagendratulpasthitam
vaidehIkucakumbhakunkumarajolankaraharam harim
mayamanushavigraham raghupatim sitasametam bhaje || 145
ramam rakshasamardanam raghuvaram daiteyabhidhvamsinam
sugrIvepsitarajyadam surapaterbhItyantakam sharnginam
bhaktanamabhayapradam bhayaharam papaughavidhvamsinam
samIristutapadapadmayugalam sitasametam bhaje || 146
yatpadambujarenuna munisati muktingata yanmahah
punyam patakanashanam trijagatam bhati smrtam pavanam
smrtva raghavamaprameyamamalam purnendumandasmitam
tam ramam sarasiruhakshamamalam sitasametam bhaje || 147
vaidehIkucamandalagra-vilasanmanikyahastambujam
cancatkankanaharanupura-lasatkeyuraharanvitam
divyashrImanikundalojjvala-mahabhushasahasranvitam
vIrashrIraghupungavam gunanidhim sitasametam bhaje || 148
vaidehIkucamandalopari-lasanmanikyaharavalI-
madhyastham navanItakomararucim nIlotpalashyamalam
kandarpayutakotisundaratanum purnendubimbananam
kausalyakulabhushanam raghupatim sitasametam bhaje || 149
divyaranyayatIndranamanagare madhye mahamantape
svarnastambhasahasrashodashayute mandarAmulashrite
nanaratnavicitranirmalamahasimhasane samsthitam
sitalakshmanasevitam raghupatim sitasametam bhaje || 150
kasturItilakam kapIndraharanam karunyavaramnidhim
kshIrambhodhisutamukhabjamadhupam kalyanasampannidhim
kausalyanayanotsukam kapivaratrAnam mahapaurusham
kaumarapriyamarkakotisadrsham sitasametam bhaje || 151
vidyutkotidivakaradyutinibham shrIkaustubhalankrtam
yogIndraissanakadibhih parivrtam kailasanathapriyam
muktaratnakirItakundaladharam graiveyaharanvitam
vaidehIkucasannivashamanisham sitasametam bhaje || 152
meghashyamalamambujatanayanam vistIrnavakshassthalam
bahudvandvavirajitam suvadanam shonanghripankeruham
nanaratnavicitrabhushanaYutam kodandabanankitam
trailokya:’pratimasundaratanum sitasametam bhaje || 153
vaidehIyutavamabhagamatulam vandarumandarakam
vande prastutakIrtivasitatarucchayanukariprabham
vaidehIkucakunkumankitamahoraskam mahabhushanam
vedantairupagiyamanamasakrtsitasametam bhaje || 154
devanam hitakaranena bhuvane dhrtva:’vatAram dhruvam
ramam kaushikayajnavighnadalanam tattatakAsamharam
nityam gautamapatnishapadalanashrIpAdarenum shubham
shambhorutkataCapakhandanamahasatvam bhaje raghavam || 155
shrIramam navaratnakundaladharam shrIramarakshamanim
shrIramam ca sahasrabhanusadrsham shrIramacandrodayam
shrIramam shrutakIrtimAkaramaham shrIramamuktipradam
shrIramam raghunandanam bhayahaharam shrIramacandram bhaje || 156
ramamindIvarashyamam rajivayatalocanam
jyaghosha nirjitArAtim janakIramanam bhaje || 157
dIrghabahumaravindalocanam
dInavatsalamanatharakshakam
dIkshitam sakalalokarakshane
daivatam dasharathatmajam bhaje || 158
prAtassmarami raghunathamukharavindam
mandasmitam madhurabhashi vishalaphAlam
karnavalambicalakundalagandabhAgam
karnantadIrghanayanam nayanabhirAmam || 159
prAtarbhajami raghunathakararavindam
rakshoganaya bhayadam varadam nijebhyah
yadrajasamsadi vibhidya maheshacApam
sItakaragrahanamangalamapa sadyah || 160
prAtarnamami raghunathapadaravindam
padmankushadishubharekhashubhavaham ca
yogIndramAnasamadhuvratasevyamanam
shapapaham sapadi gautamadharmapatnyah || 161
prAtarvadami vacasa raghunathanama
vagdoshahAri sakalam kalusham nihantr
yatparvati svapatina saha bhoktukama
prItya sahasraharinamasamam jajapa || 162
prAtah shraye shrutinutam raghunathamurtim
nIlambudotpalasitetararatnanIlam
amuktamauktikavisheshavibhushanaDhyam
dhyeyam samastamunibhirnijabhrtyamukhyaih || 163
raghukulavaranatho janakIprananathah
pitrvcana vidhAtA kIsharajyapradAtA
pratinishicarAnashah praptarajyapravesho
vihitabhuvanarakshah patu padmayatakshah || 164
kuvalayadalanIlah pItavasAh smitAsyo
vividharucirabhushAbhushito divyamurtih
dasharathakulanatho janakIprananatho
nivasatu mama citte sarvada ramacandrah || 165
jayatu jayatu ramo janakIvallabho:’yam
jayatu jayatu ramashcandracudarcitanghrih
jayatu jayatu vanInathanathah paratma
jayatu jayatu ramo:’nathanathah krpaluh || 166
vadatu vadatu vani ramarameti nityam
jayatu jayatu cittam ramapadaravindam
namatu namatu deham santatam ramacandram
na bhavatu mama papam janmajanmantarshu || 167
anandarupam varadam prasannam
simhekshanam sevakaparijatam
nIlotpalangam bhuvanaikamitram
ramam bhaje raghavaramacandram || 168
lankaviramam ranarangabhimam
rajivanetram raghuvamshamitram
karunyamurtim karunaprapurtim
shriramacandram sharanam prapadye || 169
sugrIvamitram paramam pavitram
sItakalatram navahEmasutram
karunyapatram shatapatranetram
shriramacandram shirasa namami || 170
shrIraghaveti ramaneti raghadvaheti
rameti ravanahareti ramadhaveti
saketanathasumukheti ca suvrateti
vani sada vadatu rama hare hareti || 171
shrIramanamamrtamantrabIjam
sanjIvanam cEnmanasi pratishtham
halAhalam va pralayanAlam va
mrtyormukham va vitathIkaroti || 172
kim yogashAstraih kimashesavidya
kim yagagangadivishesatIrthaih
kim brahmacaryashramasancarena
bhaktirnacette raghuvamshakIrtyam || 173
idam sharIram shlathasandhijarjharam
patatyavashyam parInamapeshalam
kimaushadham prcchasi mudha durmate
niramayam ramakathamrtam piba || 174
he ramabhadhrashraya he krpalo
he bhaktalokaikasharanyamurte
punIhi mam tvaccaranaravindam
jagatpavitram sharanam mama:’stu || 175
nIlabhradeha nikhilesha jagannivasa
rajivanetra ramaniyagunabhirama
shrIdama daityakulamardana ramacandra
tvatpadapadmanisham kalayami citte || 176
shriramacandra karunakara dInabandho
sItasameta bharatagraja raghavesha
papartibhañjana bhayaturadInabandho
papambudhau patitamuddhara mamanatham || 177
indIvaradalashyama-mindukotinibhananam
kandarpakotilavanyam vande:’ham raghunandanam || 178
iti shrIbodhendrasarasvati krta shrIramakarnamrtam ||
Related Posts
