హనుమాన్ విజయోత్సవం
హనుమంతుడి సహాయంతో సీతాదేవి జాడను కనుగొనడం, రావణాసురునిపై యుద్ధానికి శ్రీరామచంద్రుని సేనకు మార్గం సుగమం చేయడం, రామసేతువును నిర్మించడం, లక్ష్మణుడు మూర్ఛపోయినప్పుడు సంజీవని తీసుకొచ్చి అతనిని ప్రాణాపాయం నుంచి రక్షించడం… ఇలా రామాయణ గాథలో ప్రతి కీలక ఘట్టంలో హనుమంతుని పాత్ర అపారమైనది.
రాముడు లంకను జయించి అయోధ్య చేరుకున్న అనంతరం, పట్టాభిషేక మహోత్సవం ముగిసినపుడు, తాను పొందిన ఈ విజయానికి అసలైన కారణం హనుమంతుడేనని, తనకు తిరిగి సీతామాతను సమీపించిన శ్రేయస్సు హనుమంతుడి అమోఘమైన సేవల వల్ల సాధ్యమైందని భావించాడు. ప్రజల ఆనందోత్సాహం, అయోధ్య పట్టణంలో జరిగే ఉత్సవమంతా హనుమంతుని కృషికే ఫలితమని మనసారా అంగీకరించాడు. హనుమంతుడిని ప్రేమగా ఆలింగనం చేసుకుని, తన హృదయపూర్వక కృతజ్ఞతలు తెలుపుకున్నాడు.
ఈ సంఘటనకు గుర్తుగా, అప్పటి నుండి శ్రీరామనవమి అనంతరం వచ్చే పౌర్ణిమను హనుమత్ విజయోత్సవంగా జరుపుకునే ఆనవాయితీ ఏర్పడింది.
“కలౌ కపి వినాయకౌ” – కలియుగంలో భక్తులకు త్వరగా ప్రత్యక్షమయ్యే దేవతలు వినాయకుడు, హనుమంతుడని పురాణోక్తి.
“యత్ర యత్ర రఘునాధ కీర్తనం – తత్ర తత్ర కృతమస్తకాంజిలమ్
బాష్పవారి పరిపూర్ణలోచనం – మారుతిం నమత రాక్షసాంతకమ్”
శ్రీరాముని కీర్తన ఎక్కడనైతే జరుగుతుందో, అక్కడ హనుమంతుడు భక్తిభావంతో పులకించిపోతూ, హృదయపూర్వకంగా అంజలి ఘటిస్తూ ప్రత్యక్షమవుతాడు.
ఆయన దివ్య క్షేత్రం ఎక్కడైతే ఉందో, అక్కడ భక్తులు శరణు తీసుకుంటే, రక్షణ పొందడం తథ్యం.
రాక్షస సంహారకుడైన ఆ అంజనీపుత్రుడికి శిరసా వందనం!
హనుమద్విజయోత్సవం విశిష్టత:
ఈ రోజున, భక్తులు శ్రీ ఆంజనేయ స్వామిని కీర్తిస్తూ, సుందరకాండ పారాయణం, హనుమాన్ చాలీసా పఠనం, భజనలు నిర్వహిస్తారు. ప్రధాన ఆలయాల్లో విశేషంగా అభిషేకాలు, ఆలంకారాలు, రథోత్సవాలు నిర్వహించబడతాయి.
పండుగ ప్రత్యేకతలు:
- సుందరకాండ పారాయణం: హనుమంతుని విశ్వాసాన్ని, ధైర్యాన్ని గౌరవిస్తూ ఈ పవిత్ర కాండను పఠిస్తారు.
- హనుమాన్ చాలీసా & భజనలు: భక్తులు గళమెత్తి భజనలు పాడుతూ స్వామిని స్మరిస్తారు.
- అభిషేకాలు, ప్రత్యేక అలంకారం: ఆలయాల్లో తైలాభిషేకం, పంచామృతాభిషేకం వంటి విశిష్ట పూజలు జరుగుతాయి.
- ప్రసాదం పంపిణీ: నైవేద్యంగా బూడిద గుమ్మడి ప్రసాదం, వడపప్పు, పంచామృతం సమర్పించి భక్తులకు అందజేస్తారు.
Related Posts:
Hanuman Jayanti 2025 | హనుమాన్ జన్మోత్సవం చరిత్ర, ప్రాముఖ్యత, శుభ ముహూర్తం మరియు పూజ విధి
కోరికలు తీర్చే కొండగట్టు హనుమాన్ ? | Hanuman Fillfulls Desire in Telugu.
హనుమంతుడి ఒంటి నిండా సింధూరం ఎందుకు ఉంటుంది? | Hanuman Sindhuram in Telugu
Hanuman Jayanti 2025 | Hanuman Jayanthi Celebrated by Telugu People
