Sri Kalika Stotram 2 lyrics
dadhannairantaryādapi malinacaryāṁ sapadi yat
saparyāṁ paśyan san viśatu surapuryāṁ narapaśuḥ |
bhaṭānvaryān vīryāsamaharadasūryān samiti yā
jagaddhuryā kālī mama manasi kuryānnivasatim || 1 ||
lasannāsāmuktā nijacaraṇabhaktāvanavidhau
samudyuktā raktāmburuhadr̥galaktādharapuṭā |
api vyaktā:’vyaktāyamaniyamasaktāśayaśayā
jagaddhuryā kālī mama manasi kuryānnivasatim || 2 ||
raṇatsanmañjīrā khaladamanadhīrā:’tirucira-
-sphuradvidyuccīrā sujanajhaṣanīrāyitatanuḥ |
virājatkōṭīrā vimalatarahīrā bharaṇabhr̥t
jagaddhuryā kālī mama manasi kuryānnivasatim || 3 ||
vasānā kauśēyaṁ kamalanayanā candravadanā
dadhānā kāruṇyaṁ vipulajaghanā kundaradanā |
punānā pāpādyā sapadi vidhunānā bhavabhayaṁ
jagaddhuryā kālī mama manasi kuryānnivasatim || 4 ||
radhūttaṁsaprēkṣāraṇaraṇikayā mēruśikharāt
samāgādyā rāgājjhaṭiti yamunāgādhipamasau |
nagādīśaprēṣṭhā nagapatisutā nirjaranutā
jagaddhuryā kālī mama manasi kuryānnivasatim || 5 ||
vilasannavaratnamālikā
kuṭilaśyāmalakuntalālikā |
navakuṅkumabhavyabhālikā-
-:’vatu sā māṁ sukhakr̥ddhi kālikā || 6 ||
yamunācaladdamunā duḥkhadavasya dēhinām |
amunā yadi vīkṣitā sakr̥cchamu nānāvidhamātanōtyahō || 7 ||
anubhūti satīprāṇaparitrāṇaparāyaṇā |
dēvaiḥ kr̥tasaparyā sā kālī kuryācchubhāni naḥ || 8 ||
ya idaṁ kālikāstōtraṁ paṭhēttu prayataḥ śuciḥ |
dēvīsāyujyabhuk cēha sarvān kāmānavāpnuyāt || 9 ||
iti śrī kālikā stōtram ||
Related posts
