శివుడి పంచబ్రహ్మ మూర్తులు
పంచబ్రహ్మలు మరియు వారి ప్రాముఖ్యత
లోక కల్యాణం కోసం పరమేశ్వరుడు ఎన్నో అవతారాలు ధరించాడు. వాటిలో ప్రధానమైనవి అయిదు అవతారాలు.
1. సద్యోజాతుడు (Sadyojatha Shiva)
- శ్వేతలోహిత కల్పంలో పరమేశ్వరుడు సద్యోజాతునిగా అవతరించాడు.
- శివుడి ఈ రూపం బ్రహ్మదేవుని ధ్యానంలో కనుపించింది.
- సనందుడు, నందనుడు, విశ్వనందుడు, ఉపనందుడు అనే నలుగురు కుమారులు ఆవిర్భవించారు.
- వీరంతా బ్రహ్మదేవుని శిష్యులుగా మారారు.
2. వామదేవుడు (Vamadeva Shiva )
- బ్రహ్మదేవుడు పుత్రుడి కోసం ధ్యానం చేయగా వామదేవుడు అవతరించాడు.
- ఎర్రటి రంగు వర్ణంతో ప్రకాశించే ఈ అవతారం బ్రహ్మదేవునికి జ్ఞానాన్ని ప్రసాదించింది.
- విరజసుడుడు, వివాహుడు, విశోకుడు, విశ్వభావనుడు అనే నలుగురు కుమారులు ఈ అవతారానికి చెందినవారు.
3. తత్పురుషుడు (Tatpurusha Shiva)
- పచ్చటి వస్త్రాలతో వెలిగే తత్పురుషుడు బ్రహ్మకు తపస్సు ద్వారా లభించాడు.
- తత్పురుషుడి శరీరం నుంచి యోగమార్గాన్ని అనుసరించే ఇద్దరు కుమారులు ఆవిర్భవించారు.
- తత్పురుష అవతారం యోగసాధనను, ఆధ్యాత్మికతను లోకానికి అందించింది.
4. అఘోరుడు (Aghora Shiva)
- నల్లటి వర్ణంతో ప్రకాశించే అఘోరుడు బ్రహ్మకు ప్రజాసృష్టికి మార్గం చూపాడు.
- అఘోరుడి శరీరం నుంచి కృష్ణుడు, కృష్ణశిఖుడు, కృష్ణాస్యుడు, కృష్ణకంఠుడు అనే నలుగురు కుమారులు జన్మించారు.
- వీరు అఘోర యోగాన్ని లోకంలో ప్రవేశపెట్టారు.
5. ఈశానుడు (Eshana Shiva)
- ఈశానుడు స్ఫటికంలా ప్రకాశిస్తూ బ్రహ్మకు కనిపించాడు.
- జటి, ముండి, శిఖండి, అర్ధముండి అనే నలుగురు కుమారులు ఈ అవతారంతో జన్మించారు.
- వీరు యోగమార్గాన్ని అనుసరించి సద్గతులను పొందారు.
పంచబ్రహ్మ శివమంత్రాలు
1. సద్యోజాత మంత్రం
ఓం సద్యోజాతం ప్రపద్యామి సద్యోజాతాయవై నమోనమః
భవే భవే నాతి భవే భవస్వమాం భవోద్భవాయ నమః
2. వామదేవ మంత్రం
వామదేవాయనమో జ్యేష్ఠాయ నమశ్రేష్ఠాయ నమో
రుద్రాయ నమః కాలాయ నమః కలవికరణాయనమో
బలవికరణాయ నమో బలాయ నమో బలప్రమథనాయ నమః
సర్వభూతదమనాయ మనోన్మనాయ నమః
3. అఘోర మంత్రం
అఘోరేభ్యో, థఘోరేభ్యో ఘోర ఘోర తరేభ్యః ।
సర్వేభ్య స్సర్వశర్వేభ్యో నమస్తే అస్తు రుద్ర రూపేభ్యః |
4. తత్పురుష మంత్రం
తత్పురుషాయ విద్మహే మహాదేవాయ ధీమహి తన్నో రుద్రః ప్రచోదయాత్ |
5. ఈశాన మంత్రం
ఈశాన స్సర్వవిద్యానాం ఈశ్వరస్సర్వ భూతానాం బ్రహ్మాధిపతి
రహ్మణో ధిపతి ర్బహ్మా శివోమే అస్తుసదాశివోమ్ ।
ఈ శివపంచబ్రహ్మ మూర్తులను అర్థం చేసుకోవడం మనం శివుని వివిధ రూపాలు మరియు ఆయా రూపాల అద్భుతాలు, కీర్తులను తెలుసుకోవడానికి తోడ్పడుతుంది. భక్తి, ధ్యానం, మరియు సేవ ద్వారా మోక్షాన్ని పొందడానికి వీరిని పూజించడం ద్వారా మనం సర్వవిధులా శ్రేయస్సును పొందవచ్చు.
Related Posts:
Afraid of Lord Shiva? | శివుడు అంటే భయపడుతున్నారా? ఈ రహస్యాన్ని తెలుసుకోండి!
Lord Shani Dev | చివరికి శివుడు, విష్ణువు కూడా శనిదేవుని ప్రభావం ముందు భయపడాలా?
Hatakeswaram | శ్రీశైలం హటకేశ్వర స్వామి దేవస్థానం & కుమ్మరికి ఉన్న సంభందం ఏంటి?
12 Jyothirlinga | మీ రాశితో ముడిపడిన జ్యోతిర్లింగం ఎమిటో తెలుసా?
Self-healing Shivalinga | విరిగినా అతుక్కునే శివలింగం గురించి మీకు తెలియని రహస్యం
