Margashira Masam
1పోలి పాడ్యమితో మార్గశిర మాసం ప్రారంభం.. గీతా జయంతి సహా విశిష్ట పండగలు.
ఇంగ్లీషు నెలలు జనవరితో ప్రారంభం అవుతాయి, కానీ తెలుగు నెలలు చైత్ర మాసంతో మొదలవుతాయి. అయితే ఋగ్వేద కాలంలో మార్గశిర మాసంతోనే తెలుగు నెలలు ప్రారంభమైనట్లు తెలుస్తోంది. హేమంత రుతువుల్లో మృగశిరా నక్షత్రంతో ఉన్న పౌర్ణమి గల మాసం మార్గశిరం. అందుకే ఈ మాసం పవిత్రంగా భావించబడుతోంది. భగవద్గీతలో శ్రీకృష్ణుడు “మాసానాం మార్గశీర్షోహం” అని, మాసాల్లో మార్గశిర మాసానికి ప్రాధాన్యతను తెలుపారు.
ఈ నెలలో దివ్యమైన అనేక పండగలు, వ్రతాలు ఉంటాయి. ఈ మాసంలో విష్ణుప్రీతిగా చేసే ఏ చిన్న పుణ్యకార్యమైనా శుభ ఫలితాలు ఇస్తుంది. ముఖ్యంగా మోక్షద ఏకాదశి అనే రోజు భక్తితో ఉపవాసం, జాగరణ చేసిన వారికి శ్రేయస్కరంగా ఉంటుంది. మార్గశిర మాసాన్ని మోక్ష మాసం అని కూడా అంటారు.
మార్గశిర మాసానికి ప్రాధాన్యత ( significance of Margashira Masam)
- భగవద్గీత అవతరణ: కురుక్షేత్రంలో భగవద్గీత జన్మించింది ఈ మాసంలోనే.
- మోక్ష సాధన మాసం: ఈ మాసంలో చేసే పూజలు, జపాలు మోక్షాన్ని కలిగిస్తాయని నమ్మకం.
- విష్ణు పూజ: ప్రతి గురువారం లక్ష్మీనారాయణుడిని పూజిస్తారు.
- ధనుర్మాసం: ఈ మాసం చివరలో ధనుర్మాసం ప్రారంభమవుతుంది, ఇది వైష్ణవుల పర్వమాసం.
మార్గశిర మాసపు ముఖ్యమైన పండగలు - మార్గశిర శుద్ధ షష్ఠి: సుబ్రహ్మణ్య స్వామి జన్మదినం. ఈ రోజు సంతానం కోరుకునే వారు కార్తికేయుడిని పూజిస్తారు.
- కాలభైరవాష్టమి: కాలభైరవుడు జన్మించిన రోజు. ఈ రోజున నల్ల కుక్కను పూజించడం విశేషం.
- మోక్షద ఏకాదశి: భగవద్గీత వెలుగులోకి వచ్చిన రోజు. గీతాపారాయణం చేయడం శుభప్రదం.
- మత్స్య ద్వాదశి: శ్రీ మహావిష్ణువు తొలి అవతారమైన మత్స్యావతారం పూజించే రోజు.
- శ్రీ దత్త జయంతి: త్రిమూర్తుల కలయికగా పుట్టిన దత్తాత్రేయుని పూజించే పండగ.
మార్గశిర మాసం ప్రత్యేకత ( Specialty of Margashira Masam)
ఈ మాసంలో ప్రతి రోజూ బ్రాహ్మీ ముహూర్తంలో స్నానం చేయడం, విష్ణు పూజ చేయడం అత్యంత శ్రేయస్కరంగా భావించబడుతుంది. లక్ష్మీదేవిని పూజించడం ద్వారా ఇంట్లో ఐశ్వర్యం వృద్ధి అవుతుందని నమ్మకం.
మార్గశిర మాసం లోక రక్షకుడైన శ్రీ మహావిష్ణువుకి ఇష్టమైన మాసం. ఈ మాసంలో చేసే ప్రతి పూజకు, వ్రతాలకు విశిష్టత ఉంటుంది.
ఇలాంటి మరెన్నో విషయాలు వ్యక్తిగతంగా పొందటానికి మరియు మన సంస్కృతి సంప్రదాయాలు తెలుసుకోవటానికి ఇప్పుడే 9059 7777 89 కి “హరిఓం” అని మెసేజ్ చేయండి.
Related Posts
Margashira Pournami | మార్గశీర్ష పూర్ణిమ 2024 పూజ విధానం, ప్రాముఖ్యత, వ్రత కథ, ప్రయోజనాలు
Mysteries Temple | నీళ్లతోనే దీపం వెలిగించే ఆలయం, అద్భుతం చూసేందుకు పోటెత్తే భక్తులు
Vivah Panchami 2025 | వివాహ పంచమి రోజున ఈ పనులు తప్పక చేయండి, దాంపత్య జీవితం ఆనందంగా ఉంటుంది.
https://hariome.com/margashirsha-naga-panchami-in-telugu/
