Narayaneeyam Dasakam 78 Lyrics in Telugu | నారాయణీయం అష్టసప్తతితమదశకం

Narayaneeyam Dasakam 78 Lyrics in Telugu PDF

నారాయణీయం అష్టసప్తతితమమదశకం

అష్టసప్తతితమదశకమ్ (౭౮) – ద్వారకావాసః తథా రుక్మణీసన్దేశప్రాప్తిః |

త్రిదశవర్ధకివర్ధితకౌశలం
త్రిదశదత్తసమస్తవిభూతిమత్ |
జలధిమధ్యగతం త్వమభూషయో
నవపురం వపురఞ్చితరోచిషా || ౭౮-౧ ||

దదుషి రేవతభూభృతి రేవతీం
హలభృతే తనయాం విధిశాసనాత్ |
మహితముత్సవఘోషమపూపుషః
సముదితైర్ముదితైః సహ యాదవైః || ౭౮-౨ ||

అథ విదర్భసుతాం ఖలు రుక్మిణీం
ప్రణయినీం త్వయి దేవ సహోదరః |
స్వయమదిత్సత చేదిమహీభుజే
స్వతమసా తమసాధుముపాశ్రయన్ || ౭౮-౩ ||

చిరధృతప్రణయా త్వయి బాలికా
సపది కాఙ్క్షితభఙ్గసమాకులా |
తవ నివేదయితుం ద్విజమాదిశ-
త్స్వకదనం కదనఙ్గవినిర్మితమ్ || ౭౮-౪ ||

ద్విజసుతోఽపి చ తూర్ణముపాయయౌ
తవ పురం హి దురాశదురాసదమ్ |
ముదమవాప చ సాదరపూజితః
స భవతా భవతాపహృతా స్వయమ్ || ౭౮-౫ ||

స చ భవన్తమవోచత కుణ్డినే
నృపసుతా ఖలు రాజతి రుక్మిణీ |
త్వయి సముత్సుకయా నిజధీరతా-
రహితయా హి తయా ప్రహితోఽస్మ్యహమ్ || ౭౮-౬ ||

తవ హృతాస్మి పురైవ గుణైరహం
హరతి మాం కిల చేదినృపోఽధునా |
అయి కృపాలయ పాలయ మామితి
ప్రజగదే జగదేకపతే తయా || ౭౮-౭ ||

అశరణాం యది మాం త్వముపేక్షసే
సపది జీవితమేవ జహామ్యహమ్ |
ఇతి గిరా సుతనోరతనోద్భృశం
సుహృదయం హృదయం తవ కాతరమ్ || ౭౮-౮ ||

అకథయస్త్వమథైనమయే సఖే
తదధికా మమ మన్మథవేదనా |
నృపసమక్షముపేత్య హరామ్యహం
తదయి తాం దయితామసితేక్షణామ్ || ౭౮-౯ ||

ప్రముదితేన చ తేన సమం తదా
రథగతో లఘు కుణ్డినమేయివాన్ |
గురుమరుత్పురనాయక మే భవా-
న్వితనుతాం తనుతాం నిఖిలాపదామ్ || ౭౮-౧౦ ||

ఇతి అష్టసప్తతితమదశకం సమాప్తమ్ |

Sri Narayaneeyam Dasakam Related Stotras

Narayaneeyam Dasakam 79 Lyrics in Telugu | నారాయణీయం ఏకోనాశీతితమదశకం

Narayaneeyam Dasakam 77 Lyrics in Telugu | నారాయణీయం సప్తసప్తతితమదశకం

Narayaneeyam Dasakam 76 Lyrics in Telugu | నారాయణీయం షట్సప్తతితమదశకం

Narayaneeyam Dasakam 75 Lyrics in Telugu | నారాయణీయం పంచసప్తతితమదశకం

Narayaneeyam Dasakam 74 Lyrics in Telugu | నారాయణీయం చతుఃసప్తతితమదశకం

Narayaneeyam Dasakam 73 Lyrics in Telugu | నారాయణీయం త్రిసప్తతితమదశకం

Narayaneeyam Dasakam 72 Lyrics in Telugu | నారాయణీయం ద్విసప్తతితమదశకం

Narayaneeyam Dasakam 71 Lyrics in Telugu | నారాయణీయం ఏకసప్తతితమదశకం

Narayaneeyam Dasakam 70 Lyrics in Telugu | నారాయణీయం సప్తతితమదశకం

Narayaneeyam Dasakam 69 Lyrics in Telugu | నారాయణీయం ఏకోనసప్తతితమదశకం

Narayaneeyam Dasakam 68 Lyrics in Telugu | నారాయణీయం అష్టషష్టితమదశకం