Narayaneeyam Dasakam 47 Lyrics in Telugu PDF
నారాయణీయం సప్తచత్వారింశదశకం
సప్తచత్వారింశదశకమ్ (౪౭) – ఉలూఖలబన్ధనమ్
ఏకదా దధివిమాథకారిణీం మాతరం సముపసేదివాన్ భవాన్ |
స్తన్యలోలుపతయా నివారయన్నఙ్కమేత్య పపివాన్పయోధరౌ || ౪౭-౧ ||
అర్ధపీతకుచకుడ్మలే త్వయి స్నిగ్ధహాసమధురాననాంబుజే |
దుగ్ధమీశ దహనే పరిస్రుతం ధర్తుమాశు జననీ జగామ తే || ౪౭-౨ ||
సామిపీతరసభఙ్గసఙ్గత-క్రోధభారపరిభూతచేతసా |
మన్థదణ్డముపగృహ్య పాటితం హన్త దేవ దధిభాజనం త్వయా || ౪౭-౩ ||
ఉచ్చలద్ధ్వనితముచ్చకైస్తదా సన్నిశమ్య జననీ సమాదృతా |
త్వద్యశోవిసరవద్దదర్శ సా సద్య ఏవ దధి విస్తృతం క్షితౌ || ౪౭-౪ ||
వేదమార్గపరిమార్గితం రుషా త్వామవీక్ష్య పరిమార్గయన్త్యసౌ |
సన్దదర్శ సుకృతిన్యులూఖలే దీయమాననవనీతమోతవే || ౪౭-౫ ||
త్వాం ప్రగృహ్య బత భీతిభావనాభాసురాననసరోజమాశు సా |
రోషరూషితముఖీ సఖీపురో బన్ధనాయ రశనాముపాదదే || ౪౭-౬ ||
బన్ధుమిచ్ఛతి యమేవ సజ్జనస్తం భవన్తమయి బన్ధుమిచ్ఛతి |
సా నియుజ్య రశనాగుణాన్బహూన్ ద్వ్యఙ్గులోనమఖిలం కిలైక్షత || ౪౭-౭ ||
విస్మితోత్స్మితసఖీజనేక్షితాం స్విన్నసన్నవపుషం నిరీక్ష్య తామ్ |
నిత్యముక్తవపురప్యహో హరే బన్ధమేవ కృపయాన్వమన్యథాః || ౪౭-౮ ||
స్థీయతాం చిరములూఖలే ఖలేత్యాగతా భవనమేవ సా యదా |
ప్రాగులూఖలబిలాన్తరే తదా సర్పిరర్పితమదన్నవాస్థితాః || ౪౭-౯ ||
యద్యపాశసుగమో విభో భవాన్ సంయతః కిము సపాశయాఽనయా |
ఏవమాది దివిజైరభిష్టుతో వాతనాథ పరిపాహి మాం గదాత్ || ౪౭-౧౦ ||
ఇతి సప్తచత్వారింశదశకం సమాప్తమ్ |
Sri Narayaneeyam Dasakam Related Stotras
Narayaneeyam Dasakam 48 Lyrics in Telugu | నారాయణీయం అష్టచత్వారింశదశకం
Narayaneeyam Dasakam 46 Lyrics in Telugu | నారాయణీయం షట్చత్వారింశదశకం
Narayaneeyam Dasakam 45 Lyrics in Telugu | నారాయణీయం పంచత్వారింశదశకం
Narayaneeyam Dasakam 44 Lyrics in Telugu | నారాయణీయం చతుశ్చత్వారింశదశకం
Narayaneeyam Dasakam 43 Lyrics in Telugu | నారాయణీయం త్రిచత్వారింశదశకం
Narayaneeyam Dasakam 42 Lyrics in Telugu | నారాయణీయం ద్విచత్వారింశదశకం
Narayaneeyam Dasakam 41 Lyrics in Telugu | నారాయణీయం ఏకచత్వారింశదశకం
Narayaneeyam Dasakam 40 Lyrics in Telugu | నారాయణీయం చత్వారింశదశకం
Narayaneeyam Dasakam 39 Lyrics in Telugu | నారాయణీయం ఏకోనచత్వారింశదశకం
Narayaneeyam Dasakam 38 Lyrics in Telugu | నారాయణీయం అష్టాత్రింశదశకం
Narayaneeyam Dasakam 37 Lyrics in Telugu | నారాయణీయం సప్తత్రింశదశకం
