Narayaneeyam Dasakam 28 Lyrics in Telugu | నారాయణీయం అష్టావింశదశకం

Narayaneeyam Dasakam 28 Lyrics in Telugu PDF

నారాయణీయం అష్టావింశదశకం

అష్టావింశదశకమ్ (౨౮) – లక్ష్మీస్వయంవరం తథా అమృతోత్పత్తిః

గరలం తరలానలం పురస్తా-
జ్జలధేరుద్విజగాల కాలకూటమ్ |
అమరస్తుతివాదమోదనిఘ్నో
గిరిశస్తన్నిపపౌ భవత్ప్రియార్థమ్ || ౨౮-౧ ||

విమథత్సు సురాసురేషు జాతా
సురభిస్తామృషిషు న్యధాస్త్రిధామన్ |
హయరత్నమభూదథేభరత్నం
ద్యుతరుశ్చాప్సరసః సురేషు తాని || ౨౮-౨ ||

జగదీశ భవత్పరా తదానీం
కమనీయా కమలా బభూవ దేవీ |
అమలామవలోక్య యాం విలోలః
సకలోఽపి స్పృహయాంబభూవ లోకః || ౨౮-౩ ||

త్వయి దత్తహృదే తదైవ దేవ్యై
త్రిదశేన్ద్రో మణిపీఠికాం వ్యతారీత్ |
సకలోపహృతాభిషేచనీయై
రృషయస్తాం శ్రుతిగీర్భిరభ్యషిఞ్చన్ || ౨౮-౪ ||

అభిషేకజలానుపాతిముగ్ధ
త్వదపాఙ్గైరవభూషితాఙ్గవల్లీమ్ |
మణికుణ్డలపీతచేలహార-
ప్రముఖైస్తామమరాదయోఽన్వభూషన్ || ౨౮-౫ ||

వరణస్రజమాత్తభృఙ్గనాదాం
దధతీ సా కుచకుంభమన్దయానా |
పదశిఞ్జితమఞ్జునూపురా త్వాం
కలితవ్రీలవిలాసమాససాద || ౨౮-౬ ||

గిరిశద్రుహిణాదిసర్వదేవాన్
గుణభాజోఽప్యవిముక్తదోషలేశాన్ |
అవమృశ్య సదైవ సర్వరమ్యే
నిహితా త్వయ్యనయాపి దివ్యమాలా || ౨౮-౭ ||

ఉరసా తరసా మమానిథైనాం
భువనానాం జననీమనన్యభావామ్ |
త్వదురోవిలసత్తదీక్షణశ్రీ
పరివృష్ట్యా పరిపుష్టమాస విశ్వమ్ || ౨౮-౮ ||

అతిమోహనవిభ్రమా తదానీం
మదయన్తీ ఖలు వారుణీ నిరాగాత్ |
తమసః పదవీమదాస్త్వమేనా
మతిసమ్మాననయా మహాసురేభ్యః || ౨౮-౯ ||

తరుణాంబుదసున్దరస్తదా త్వం
నను ధన్వన్తరిరుత్థితోఽంబురాశేః |
అమృతం కలశే వహన్కరాభ్యా-
మఖిలార్తిం హర మారుతాలయేశ || ౨౮-౧౦ ||

ఇతి అష్టావింశదశకం సమాప్తమ్ ||

Sri Narayaneeyam Dasakam Related Stotras

Narayaneeyam Dasakam 29 Lyrics in Telugu | నారాయణీయం ఏకోనత్రింశదశకం

Narayaneeyam Dasakam 27 Lyrics in Telugu | నారాయణీయం సప్తవింశదశకం

Narayaneeyam Dasakam 26 Lyrics in Telugu | నారాయణీయం షడ్వింశదశకం

Narayaneeyam Dasakam 25 Lyrics in Telugu | నారాయణీయం పంచవింశదశకం

Narayaneeyam Dasakam 24 Lyrics in Telugu | నారాయణీయం చతుర్వింశదశకం

Narayaneeyam Dasakam 23 Lyrics in Telugu | నారాయణీయం త్రయోవింశతిదశకం

Narayaneeyam Dasakam 22 Lyrics in Telugu | నారాయణీయం ద్వావింశతిదశకం

Narayaneeyam Dasakam 21 Lyrics in Telugu | నారాయణీయం ఏకవింశదశకం

Narayaneeyam Dasakam 20 Lyrics in Telugu | నారాయణీయం వింశదశకం

Narayaneeyam Dasakam 19 Lyrics in Telugu | నారాయణీయం ఏకోనవింశదశకం

Narayaneeyam Dasakam 18 Lyrics in Telugu | నారాయణీయం అష్టాదశదశకం