Sri Sudarshana Vimsathi Lyrics in Telugu PDF
శ్రీ సుదర్శన వింశతి
షట్కోణాంతరమధ్యపద్మనిలయం తత్సంధిదిష్ఠాననం
చక్రాద్యాయుధచారుభూషణభుజం సజ్వాలకేశోదయమ్ |
వస్త్రాలేపనమాల్యవిగ్రహతనుం తం ఫాలనేత్రం గుణైః
ప్రత్యాలీఢపదాంబుజం త్రినయనం చక్రాధిరాజం భజే || ౧ ||
శంఖం శార్ఙ్గం సఖేటం హలపరశు గదా కుంత పాశాన్ దధానం
అన్యైర్వామైశ్చ చక్రేష్వసి ముసలలసద్వజ్రశూలాం కుశాగ్నీన్ |
జ్వాలాకేశం త్రినేత్రం జ్వలదనలనిభం హారకేయూరభూషం
ధ్యాయే షట్కోణ సంస్థం సకల రిపుజన ప్రాణసంహార చక్రమ్ || ౨ ||
వ్యాప్తి వ్యాప్తాంతరిక్షం క్షరదరుణ నిభా వాసితా శాంతరాళం
దంష్ట్రా నిష్ఠ్యూత వహ్ని ప్రవిరళ శబలాదభ్రశుభ్రాట్టహాసమ్ |
శంఖారి శ్రీ గదాంభోరుహ ముసల ధనుః పాశ దీప్తాంకుశాడ్యైః
దోర్భిః పింగాక్షవేషం ప్రణమత శిరసా విష్ణు చక్రాభిదానమ్ || ౩ ||
ధ్యాయే చతుర్భుజం దేవం శఙ్ఖ చక్ర వరాభయమ్ |
ధ్యాయే సుదర్శనం వీరం సర్వకార్యార్థ సిద్ధయే || ౪ ||
సుదర్శన నమస్తేఽస్తు నమస్తే శత్రుసంహర |
అర్చయామ్యుపచారేణ విష్ణురూపాయ తే నమః || ౫ ||
చక్రద్వయం చాంకుశపాశయుక్తం
చతుర్భుజం భీకర సింహవక్త్రమ్ |
నేత్రత్రయాలంకృత నిర్మలాంగం
నమామి సౌదర్శన నారసింహమ్ || ౬ ||
శఙ్ఖ చక్ర ధరం దేవం జ్వాలాచక్రమయం హరిమ్ |
రోగఘ్నం పరమానందం చింతితార్థ ప్రదాయకమ్ || ౭ ||
హృత్పంకజే సమాసీనం జ్వాలామయ సుదర్శనమ్ |
శంఖ చక్రాంబుజ గదా భూషితం రోహనాశనమ్ || ౮ ||
ధ్యాయేత్సౌదర్శనం దేవం ఆత్మరక్షాకరం ప్రభుమ్ |
జ్వాలామాలా పరీతం చ ధ్యాయే హృదయపఙ్కజే || ౯ ||
ధ్యాయే సుదర్శనం దేవం ఖేదనం పరవిద్యయోః |
సూర్యకోటిప్రతీకాశం ధ్యాయే హృదయ పంకజే || ౧౦ ||
శంఖ చక్ర ధరం దేవం కోటిసూర్య సమప్రభమ్ |
శత్రూణాం మారణార్థం చ అస్త్రచక్రం నమామ్యహమ్ || ౧౧ ||
పాశాంకుశధరం దేవం పరిపూర్ణ కృపాకరమ్ |
వశీకరణబాణాయ సమ్యక్సౌదర్శనాయ చ || ౧౨ ||
రక్తవస్త్రధరం దేవం రక్తమాల్యానులేపనమ్ |
వందేఽహం వశ్య బాణాయ చక్రరాజాయ తే నమః || ౧౩ ||
పాశాంకుశం శక్తి శూలం చతుర్బాహుం త్రిలోచనమ్ |
సమ్మోహనకరం వీరం ధ్యాయే సౌదర్శనేశ్వరమ్ || ౧౪ ||
సమ్మోహనాస్త్రరాజాయ నమః సౌదర్శనాయ చ |
మోహనార్థం భజామ్యాశు సమ్మోహయ జగత్రయమ్ || ౧౫ ||
జ్వాలామాలానిభం దేవం సహస్రకరసంయుతమ్ |
శత్రు మారణ కార్యేషు భజే హృచ్చక్రనాయకమ్ || ౧౬ ||
ఆకర్షణకరం దేవం పాశాంకుశధరం హరిమ్ |
సమ్మోహాకర్షణాస్త్రం చ ధృత నారాయణం ప్రభుమ్ || ౧౭ ||
చక్రరాజ నమస్తేస్తు సర్వాకర్షణ సాయక |
ఆకర్షయ జగన్నాథ శరణం త్వాం గతోస్మ్యహమ్ || ౧౮ ||
చక్రాద్యాయుధ చారు షోడశభుజం స జ్వాల కేశోజ్జ్వలం
చక్రం శంఖ గదాబ్జ శూల శరధీంశ్చాపం చ పాశాంకుశౌ |
కున్తం చర్మహలం భుశుణ్డి పరశూ వజ్రం తథా తర్జనీం
హేతిం షోడశధారిణం రిపుహరం శ్రీచక్రరాజం భజే || ౧౯ ||
సింహాసన సమాసీనం దేవం చక్రం సురేశ్వరం
శ్రోతుం చక్రేశ కవచమబ్రువన్ సురసత్తమాః |
దేవ దేవ సహస్రాక్ష దైత్యాంతక శచీపతే
త్వయా సౌదర్శినీం రక్షాం శ్రోతుమిచ్ఛామహే వయమ్ || ౨౦ ||
Sri Vishnu Related Stotras
Narayaneeyam Dasakam 1 Lyrics in Telugu | నారాయణీయం ప్రథమదశకం
Sri Sudarshana Chakra Stotram in Telugu | శ్రీ సుదర్శన చక్ర స్తోత్రం (గరుడపురాణే)
Sri Sudarshana Chakra Stava (Bali Krutam) in Telugu | శ్రీ సుదర్శన చక్ర స్తవః (బలి కృతం)
Sudarshana Ashtakam In Telugu | ఆపదలనుంచి గట్టెక్కించే సుదర్శనాష్టకం
Shri Jagannatha Sahasranama Stotram Lyrics in Telugu | శ్రీజగన్నాథసహస్రనామస్తోత్రమ్
Sri Anantha Padmanabha Mangala Stotram in Telugu | శ్రీ అనంతపద్మనాభ మంగళ స్తోత్రం
Sri Satyanarayana Ashtottara Shatanamavali 2 in Telugu | శ్రీ సత్యనారాయణ అష్టోత్తర శతనామావళిః
Sri Sudarshana Kavacham 3 Lyrics in Telugu | శ్రీ సుదర్శన కవచం – 3
Sri Sudarshana Kavacham 2 Lyrics in Telugu | శ్రీ సుదర్శన కవచం – 2
