Sri Kamakshi Stotram Lyrics in Telugu PDF
శ్రీ కామాక్షీ స్తోత్రం
కల్పానోకహపుష్పజాలవిలసన్నీలాలకాం మాతృకాం
కాంతాం కంజదళేక్షణాం కలిమలప్రధ్వంసినీం కాళికామ్ |
కాంచీనూపురహారదామసుభగాం కాంచీపురీనాయికాం
కామాక్షీం కరికుంభసన్నిభకుచాం వందే మహేశప్రియామ్ || ౧ ||
కాశాభాం శుకభాసురాం ప్రవిలసత్కోశాతకీ సన్నిభాం
చంద్రార్కానలలోచనాం సురుచిరాలంకారభూషోజ్జ్వలామ్ |
బ్రహ్మశ్రీపతివాసవాదిమునిభిః సంసేవితాంఘ్రిద్వయాం
కామాక్షీం గజరాజమందగమనాం వందే మహేశప్రియామ్ || ౨ ||
ఐం క్లీం సౌరితి యాం వదంతి మునయస్తత్త్వార్థరూపాం పరాం
వాచామాదిమకారణం హృది సదా ధ్యాయంతి యాం యోగినః |
బాలాం ఫాలవిలోచనాం నవజపావర్ణాం సుషుమ్నాశ్రితాం
కామాక్షీం కలితావతంససుభగాం వందే మహేశప్రియామ్ || ౩ ||
యత్పాదాంబుజరేణులేశమనిశం లబ్ధ్వా విధత్తే విధి-
-ర్విశ్వం తత్పరిపాతి విష్ణురఖిలం యస్యాః ప్రసాదాచ్చిరమ్ |
రుద్రః సంహరతి క్షణాత్తదఖిలం యన్మాయయా మోహితః
కామాక్షీమతిచిత్రచారుచరితాం వందే మహేశప్రియామ్ || ౪ ||
సూక్ష్మాత్సూక్ష్మతరాం సులక్షితతనుం క్షాంతాక్షరైర్లక్షితాం
వీక్షాశిక్షితరాక్షసాం త్రిభువనక్షేమంకరీమక్షయామ్ |
సాక్షాల్లక్షణలక్షితాక్షరమయీం దాక్షాయణీం సాక్షిణీం
కామాక్షీం శుభలక్షణైః సులలితాం వందే మహేశప్రియామ్ || ౫ ||
ఓంకారాంగణదీపికాముపనిషత్ప్రాసాదపారావతీం
ఆమ్నాయాంబుధిచంద్రికామఘతమఃప్రధ్వంసహంసప్రభామ్ |
కాంచీపట్టణపంజరాంతరశుకీం కారుణ్యకల్లోలినీం
కామాక్షీం శివకామరాజమహిషీం వందే మహేశప్రియామ్ || ౬ ||
హ్రీంకారాత్మకవర్ణమాత్రపఠనాదైంద్రీం శ్రియం తన్వతీం
చిన్మాత్రాం భువనేశ్వరీమనుదినం భిక్షాప్రదానక్షమామ్ |
విశ్వాఘౌఘనివారిణీం విమలినీం విశ్వంభరాం మాతృకాం
కామాక్షీం పరిపూర్ణచంద్రవదనాం వందే మహేశప్రియామ్ || ౭ ||
వాగ్దేవీతి చ యాం వదంతి మునయః క్షీరాబ్ధికన్యేతి చ
క్షోణీభృత్తనయేతి చ శ్రుతిగిరో యాం ఆమనంతి స్ఫుటమ్ |
ఏకానేకఫలప్రదాం బహువిధాఽఽకారాస్తనూస్తన్వతీం
కామాక్షీం సకలార్తిభంజనపరాం వందే మహేశప్రియామ్ || ౮ ||
మాయామాదిమకారణం త్రిజగతామారాధితాంఘ్రిద్వయాం
ఆనందామృతవారిరాశినిలయాం విద్యాం విపశ్చిద్ధియామ్ |
మాయామానుషరూపిణీం మణిలసన్మధ్యాం మహామాతృకాం
కామాక్షీం కరిరాజమందగమనాం వందే మహేశప్రియామ్ || ౯ ||
కాంతా కామదుఘా కరీంద్రగమనా కామారివామాంకగా
కల్యాణీ కలితావతారసుభగా కస్తూరికాచర్చితా
కంపాతీరరసాలమూలనిలయా కారుణ్యకల్లోలినీ
కల్యాణాని కరోతు మే భగవతీ కాంచీపురీదేవతా || ౧౦ ||
ఇతి శ్రీ కామాక్షీ స్తోత్రమ్ |
Related Stotras
Sri Kamakshi Stotram 2 Lyrics in Telugu | శ్రీ కామాక్షీ స్తోత్రం ౨
Kamakshi Stotram in Telugu | సర్వ క్లేశ నివారణం కామాక్షి స్తోత్రం
కామాక్షీ దీపం గురించి తెలుసా? | Significance of Kamakshi Deepam In Telugu
Sri Varahi Sahasranama Stotram Lyrics In Telugu | శ్రీ వారాహీ సహస్రనామ స్తోత్రం
Sri Gayatri Kavacham 1 Lyrics in Telugu | శ్రీ గాయత్రీ కవచం 1
Sri Varahi Sahasranama Stotram Lyrics In Telugu | శ్రీ వారాహీ సహస్రనామ స్తోత్రం
