Sri Janaki Jeevana Ashtakam Lyrics in Telugu
శ్రీ జానకీ జీవనాష్టకం
ఆలోక్య యస్యాతిలలామలీలాం
సద్భాగ్యభాజౌ పితరౌ కృతార్థౌ |
తమర్భకం దర్పణదర్పచౌరం
శ్రీజానకీజీవనమానతోఽస్మి || ౧ ||
శ్రుత్వైవ యో భూపతిమాత్తవాచం
వనం గతస్తేన న నోదితోఽపి |
తం లీలయాహ్లాదవిషాదశూన్యం
శ్రీజానకీజీవనమానతోఽస్మి || ౨ ||
జటాయుషో దీనదశాం విలోక్య
ప్రియావియోగప్రభవం చ శోకమ్ |
యో వై విసస్మార తమార్ద్రచిత్తం
శ్రీజానకీజీవనమానతోఽస్మి || ౩ ||
యో వాలినా ధ్వస్తబలం సుకంఠం
న్యయోజయద్రాజపదే కపీనామ్ |
తం స్వీయసంతాపసుతప్తచిత్తం
శ్రీజానకీజీవనమానతోఽస్మి || ౪ ||
యద్ధ్యాననిర్ధూత వియోగవహ్ని-
-ర్విదేహబాలా విబుధారివన్యామ్ |
ప్రాణాన్దధే ప్రాణమయం ప్రభుం తం
శ్రీజానకీజీవనమానతోఽస్మి || ౫ ||
యస్యాతివీర్యాంబుధివీచిరాజౌ
వంశ్యైరహో వైశ్రవణో విలీనః |
తం వైరివిధ్వంసనశీలలీలం
శ్రీజానకీజీవనమానతోఽస్మి || ౬ ||
యద్రూపరాకేశమయూఖమాలా-
-నురంజితా రాజరమాపి రేజే |
తం రాఘవేంద్రం విబుధేంద్రవంద్యం
శ్రీజానకీజీవనమానతోఽస్మి || ౭ ||
ఏవం కృతా యేన విచిత్రలీలా
మాయామనుష్యేణ నృపచ్ఛలేన |
తం వై మరాలం మునిమానసానాం
శ్రీజానకీజీవనమానతోఽస్మి || ౮ ||
ఇతి శ్రీ జానకీజీవనాష్టకమ్ |
Lord Sri Rama Related Stotras
Bhadragiri Pati Sri Rama Stuti Lyrics in Telugu | భద్రగిరిపతి శ్రీ రామచంద్ర సంస్తుతిః
Ashtakshara Sri Rama Mantra Stotram Lyrics in Telugu | అష్టాక్షర శ్రీరామ మంత్ర స్తోత్రం
శ్రీ సీతా అష్టోత్తరశతనామ స్తోత్రం – Sri Sita Ashtottara Shatanama Stotram
శ్రీ సీతా అష్టోత్తరశతనామావళీ – Sri Sita Ashtottara Shatanamavali
