Sri Chandramoulishwara Varnamala Stotram Lyrics in Telugu
శ్రీ చంద్రమౌళీశ్వర వర్ణమాలా స్తోత్రం
శ్రీశాత్మభూముఖ్యసురార్చితాంఘ్రిం
శ్రీకంఠశర్వాదిపదాభిధేయమ్ |
శ్రీశంకరాచార్యహృదబ్జవాసం
శ్రీచంద్రమౌలీశమహం నమామి || ౧
చండాంశుశీతాంశుకృశానునేత్రం
చండీశముఖ్యప్రమథేడ్యపాదమ్ |
షడాస్యనాగాస్యసుశోభిపార్శ్వం
శ్రీచంద్రమౌలీశమహం నమామి || ౨
ద్రవ్యాదిసృష్టిస్థితినాశహేతుం
రవ్యాదితేజాంస్యపి భాసయంతమ్ |
పవ్యాయుధాదిస్తుతవైభవం తం
శ్రీచంద్రమౌలీశమహం నమామి || ౩
మౌలిస్ఫురజ్జహ్నుసుతాసితాంశుం
వ్యాలేశసంవేష్టితపాణిపాదమ్ |
శూలాదినానాయుధశోభమానం
శ్రీచంద్రమౌలీశమహం నమామి || ౪
లీలావినిర్ధూతకృతాంతదర్పం
శైలాత్మజాసంశ్రితవామభాగమ్ |
శూలాగ్రనిర్భిన్నసురారిసంఘం
శ్రీచంద్రమౌలీశమహం నమామి || ౫
శతైః శ్రుతీనాం పరిగీయమానం
యతైర్మునీంద్రైః పరిసేవ్యమానమ్ |
నతైః సురేంద్రైరభిపూజ్యమానం
శ్రీచంద్రమౌలీశమహం నమామి || ౬
మత్తేభకృత్యా పరిశోభితాంగం
చిత్తే యతీనాం సతతం వసంతమ్ |
విత్తేశముఖ్యైః పరివేష్టితం తం
శ్రీచంద్రమౌలీశమహం నమామి || ౭
హంసోత్తమైశ్చేతసి చింత్యమానం
సంసారపాథోనిధికర్ణధారమ్ |
తం సామగానప్రియమష్టమూర్తిం
శ్రీచంద్రమౌలీశమహం నమామి || ౮
నతాఘహం నిత్యచిదేకరూపం
సతాం గతిం సత్యసుఖస్వరూపమ్ |
హతాంధకం హృద్యపరాక్రమం తం
శ్రీచంద్రమౌలీశమహం నమామి || ౯
మాయాతిగం వీతభయం వినిద్రం
మోహాంతకం మృత్యుహరం మహేశమ్ |
ఫాలానలం నీలగలం కృపాలుం
శ్రీచంద్రమౌలీశమహం నమామి || ౧౦
మిత్రం హి యస్యాఖిలశేవధీశః
పుత్రశ్చ విఘ్నౌఘవిభేదదక్షః |
పాత్రం కృపాయాశ్చ సమస్తలోకః
శ్రీచంద్రమౌలీశమహం నమామి || ౧౧
ఇతి శ్రీ చంద్రమౌళీశ్వర వర్ణమాలా స్తోత్రమ్ ||
Lord Shiva Related Stotras
Sri Chandramouleshwara Stotram Lyrics in Telugu | శ్రీ చంద్రమౌళీశ స్తోత్రం
Sri Veerabhadra Dandakam Lyrics in Telugu | శ్రీ వీరభద్ర దండకం
Sri Gangadhara Stotram Lyrics in Telugu | శ్రీ గంగాధర స్తోత్రం
Uma Maheshwara Stotram Lyrics in Telugu – ఉమామహేశ్వర స్తోత్రం
Ardhanarishvara Ashtottara Shatanamavali Lyrics in Telugu | అర్ధనారీశ్వరాష్టోత్తరశతనామావళిః
Attala Sundara Ashtakam Lyrics in Telugu | అట్టాలసుందరాష్టకమ్
