Sri Ganesha Bhujanga Stuti Lyrics in Telugu
శ్రీ గణేశ భుజంగ స్తుతిః
శ్రియః కార్యసిద్ధేర్ధియః సత్సుఖర్ధేః
పతిం సజ్జనానాం గతిం దేవతానామ్ |
నియంతారమంతః స్వయం భాసమానం
భజే విఘ్నరాజం భవానీతనూజమ్ || ౧ ||
గణానామధీశం గుణానాం సదీశం
కరీంద్రాననం కృత్తకందర్పమానమ్ |
చతుర్బాహుయుక్తం చిదానందసక్తం
భజే విఘ్నరాజం భవానీతనూజమ్ || ౨ ||
జగత్ప్రాణవీర్యం జనత్రాణశౌర్యం
సురాభీష్టకార్యం సదాఽక్షోభ్య ధైర్యమ్ |
గుణిశ్లాఘ్యచర్యం గణాధీశవర్యం
భజే విఘ్నరాజం భవానీతనూజమ్ || ౩ ||
చలద్వక్రతుండం చతుర్బాహుదండం
మదస్రావిగండం మిలచ్చంద్రఖండమ్ |
కనద్దంతకాండం మునిత్రాణశౌండం
భజే విఘ్నరాజం భవానీతనూజమ్ || ౪ ||
నిరస్తాంతరాయం పరిధ్వస్తమాయం
చిదానందకాయం సదా మత్సహాయమ్ |
అజస్రానపాయం త్వజం చాప్రమేయం
భజే విఘ్నరాజం భవానీతనూజమ్ || ౫ ||
వరం చాభయం పాశపుస్తాక్షసూత్రం
సృణిం బీజపూరం కరైః పంకజం చ |
దధానం సరోజాసనం శక్తియుక్తం
భజే విఘ్నరాజం భవానీతనూజమ్ || ౬ ||
మహామూషకారూఢమాధారశక్త్యా
సమారాధితాంఘ్రిం మహామాతృకాభిః |
సమావృత్య సంసేవితం దేవతాభిః
భజే విఘ్నరాజం భవానీతనూజమ్ || ౭ ||
శ్రుతీనాం శిరోభిః స్తుతం సర్వశక్తం
పతిం సిద్ధిబుద్ధ్యోర్గతిం భూసురాణామ్ |
సురాణాం వరిష్ఠం గణానామధీశం
భజే విఘ్నరాజం భవానీతనూజమ్ || ౮ ||
గణాధీశసామ్రాజ్యసింహాసనస్థం
సమారాధ్యమబ్జాసనాద్యైః సమస్తైః |
ఫణాభృత్సమాబద్ధతుండం ప్రసన్నం
భజే విఘ్నరాజం భవానీతనూజమ్ || ౯ ||
లసన్నాగకేయూరమంజీరహారం
భుజంగాధిరాజస్ఫురత్కర్ణపూరమ్ |
కనద్భూతిరుద్రాక్షరత్నాదిభూషం
భజే విఘ్నరాజం భవానీతనూజమ్ || ౧౦ ||
స్ఫురద్వ్యాఘ్రచర్మోత్తరీయోపధానం
తురీయాద్వయాత్మానుసంధాన ధుర్యమ్ |
తపోయోగివర్యం కృపోదారచర్యం
భజే విఘ్నరాజం భవానీతనూజమ్ || ౧౧ ||
నిజజ్యోతిషా ద్యోతయంతం సమస్తం
దివి జ్యోతిషాం మండలం చాత్మనా చ |
భజద్భక్తసౌభాగ్యసిద్ధ్యర్థబీజం
భజే విఘ్నరాజం భవానీతనూజమ్ || ౧౨ ||
సదావాసకల్యాణపుర్యాం నివాసం
గురోరాజ్ఞయా కుర్వతా భూసురేణ |
మహాయోగివేల్నాడుసిద్ధాంతినా య-
-త్కృతం స్తోత్రమిష్టార్థదం తత్పఠధ్వమ్ || ౧౩ ||
ఇతి శ్రీసుబ్రహ్మణ్యయోగి కృత శ్రీగణేశభుజంగ స్తుతిః |
Lord Ganesha Stotras
Sri Ganesha Mahimna Stotram in Telugu | శ్రీ గణేశ మహిమ్నః స్తోత్రం
Sri Ganesha Pratah Smarana Stotram in Telugu | శ్రీ గణేశ ప్రాతఃస్మరణ
Sri Ganesha Divya Durga Stotram in Telugu | శ్రీ గణేశ దివ్యదుర్గ స్తోత్రం
Sri Ganesha Kilaka Stotram in Telugu | శ్రీ గణేశ కీలక స్తోత్రం
Shiva Shakti Kruta Ganadhisha Stotram in Telugu | శ్రీ గణాధీశ స్తోత్రం (శివశక్తి కృతం)
Narada Kruta Ganapati Stotram in Telugu | శ్రీ గణపతి స్తోత్రం (నారద కృతం)
Runa Vimochana Ganapati Stotram | శ్రీ ఋణవిమోచన మహాగణపతి స్తోత్రం
Ucchista Ganapati Stotram in Telugu | ఉచ్ఛిష్ట గణపతి స్తోత్రం
