Vyasa Krita Dakshinamurthy Ashtakam Lyrics in Telugu
శ్రీ దక్షిణామూర్త్యష్టకమ్ (వ్యాస కృతం)
శ్రీవ్యాస ఉవాచ –
శ్రీమద్గురో నిఖిలవేదశిరోనిగూఢ
బ్రహ్మాత్మబోధ సుఖసాంద్రతనో మహాత్మన్ |
శ్రీకాంతవాక్పతి ముఖాఖిలదేవసంఘ
స్వాత్మావబోధక పరేశ నమో నమస్తే || ౧ ||
సాన్నిధ్యమాత్రముపలభ్యసమస్తమేత-
దాభాతి యస్య జగదత్ర చరాచరం చ |
చిన్మాత్రతాం నిజ కరాంగుళి ముద్రయా య-
స్స్వస్యానిశం వదతి నాథ నమో నమస్తే || ౨ ||
జీవేశ్వరాద్యఖిలమత్ర వికారజాతం
జాతం యతస్స్థితమనంతసుఖే చ యస్మిన్ |
యేనోపసంహృతమఖండచిదేకశక్త్యా
స్వాభిన్నయైవ జగదీశ నమో నమస్తే || ౩ ||
యస్స్వాంశజీవసుఖ దుఃఖ ఫలోపభోగ-
హేతోర్వపూంషి వివిధాని చ భౌతికాని |
నిర్మాయ తత్ర విశతా కరణైస్సహాన్తే
జీవేన సాక్ష్యమత ఏవ నమో నమస్తే || ౪ ||
హృత్పుండరీకగతచిన్మణిమాత్మరూపం
యస్మిన్ సమర్పయతి యోగబలేన విద్వాన్ |
యః పూర్ణబోధసుఖలక్షణ ఏకరూప
ఆకాశవద్విభురుమేశ నమో నమస్తే || ౫ ||
యన్మాయయా హరిహర ద్రుహిణా బభూవు-
స్సృష్ట్యాదికారిణ ఇమే జగతామధీశాః |
యద్విద్యయైవ పరయాత్రహి వశ్యమాయా
స్థైర్యం గతా గురువరేశ నమో నమస్తే || ౬ ||
స్త్రీపుంనపుంసకసమాహ్వయ లింగహీనో-
ఽప్యాస్తేత్రిలింగక ఉమేశతయా య ఏవ |
సత్యప్రబోధ సుఖరూపతయా త్వరూప-
వత్త్వే న చ త్రిజగతీశ నమో నమస్తే || ౭ ||
జీవత్రయం భ్రమతి వై యదవిద్యయైవ
సంసారచక్ర ఇహ దుస్తరదుఃఖ హేతౌ |
యద్విద్యయైవ నిజబోధరతం స్వవశ్యా
విద్యం చ తద్భవతి సాంబ నమో నమస్తే || ౭ ||
ఇతి శ్రీగురుజ్ఞానవాసిష్ఠజ్ఞానకాండస్య ద్వితీయపాదే ప్రథమాధ్యాయే శ్రీవ్యాసకృత దక్షిణామూర్త్యష్టకమ్ |
Sri Dakshinamurthy Related Stotras
Sri Dakshinamurthy Ashtottara Shatanamavali in Telugu | శ్రీ దక్షిణామూర్త్యష్టోత్తరశతనామావళీ
Sri Dakshinamurthy Pancharatna Stotram in Telugu | శ్రీ దక్షిణామూర్తి పంచరత్న స్తోత్రం
Sri Dakshinamurthy Navaratna Mala Stotram in Telugu | శ్రీ దక్షిణామూర్తి నవరత్నమాలా స్తోత్రమ్
Sri Medha Dakshinamurthy Mantra in Telugu | శ్రీ మేధా దక్షిణామూర్తి మంత్రః
Sri Medha Dakshinamurthy Stotram in Telugu | శ్రీ మేధా దక్షిణామూర్తి మంత్రవర్ణపద స్తుతిః
Dakshinamurthy Stotram | Sri Dakshinamurthy Stotram With Lyrics
Sri Dakshinamurthy Stotram 2 | శ్రీ దక్షిణామూర్తి స్తోత్రం 2
Sri Dakshinamurthy Stotram in Telugu | శ్రీ దక్షిణామూర్తి స్తోత్రాలు
. Hymn Vyasa Krita Dakshinamurthy Ashtakam lyrics in telugu. Download Vyasa Krita Dakshinamurthy Ashtakam with meaning in pdf file. Know the benefits & significances of chanting Vyasa Krita Dakshinamurthy Ashtakam.){kind=link}