Vakratunda Ganesha Kavacham Lyrics in Telugu
వక్రతుండ గణేశ కవచం
మౌలిం మహేశపుత్రోఽవ్యాద్భాలం పాతు వినాయకః |
త్రినేత్రః పాతు మే నేత్రే శూర్పకర్ణోఽవతు శ్రుతీ || ౧ ||
హేరంబో రక్షతు ఘ్రాణం ముఖం పాతు గజాననః |
జిహ్వాం పాతు గణేశో మే కంఠం శ్రీకంఠవల్లభః || ౨ ||
స్కంధౌ మహాబలః పాతు విఘ్నహా పాతు మే భుజౌ |
కరౌ పరశుభృత్పాతు హృదయం స్కందపూర్వజః || ౩ ||
మధ్యం లంబోదరః పాతు నాభిం సిందూరభూషితః |
జఘనం పార్వతీపుత్రః సక్థినీ పాతు పాశభృత్ || ౪ ||
జానునీ జగతాం నాథో జంఘే మూషకవాహనః |
పాదౌ పద్మాసనః పాతు పాదాధో దైత్యదర్పహా || ౫ ||
ఏకదంతోఽగ్రతః పాతు పృష్ఠే పాతు గణాధిపః |
పార్శ్వయోర్మోదకాహారో దిగ్విదిక్షు చ సిద్ధిదః || ౬ ||
వ్రజతస్తిష్ఠతో వాపి జాగ్రతః స్వపతోఽశ్నతః |
చతుర్థీవల్లభో దేవః పాతు మే భుక్తిముక్తిదః || ౭ ||
ఇదం పవిత్రం స్తోత్రం చ చతుర్థ్యాం నియతః పఠేత్ |
సిందూరరక్తః కుసుమైర్దూర్వయా పూజ్య విఘ్నపమ్ || ౮ ||
రాజా రాజసుతో రాజపత్నీ మంత్రీ కులం చలమ్ |
తస్యావశ్యం భవేద్వశ్యం విఘ్నరాజప్రసాదతః || ౯ ||
సమంత్రయంత్రం యః స్తోత్రం కరే సంలిఖ్య ధారయేత్ |
ధనధాన్యసమృద్ధిః స్యాత్తస్య నాస్త్యత్ర సంశయః || ౧౦ ||
అస్య మంత్రః |
ఐం క్లీం హ్రీం వక్రతుండాయ హుమ్ |
రసలక్షం సదైకాగ్ర్యః షడంగన్యాసపూర్వకమ్ |
హుత్వా తదంతే విధివదష్టద్రవ్యం పయో ఘృతమ్ || ౧౧ ||
యం యం కామమభిధ్యాయన్ కురుతే కర్మ కించన |
తం తం సర్వమవాప్నోతి వక్రతుండప్రసాదతః || ౧౨ ||
భృగుప్రణీతం యః స్తోత్రం పఠతే భువి మానవః |
భవేదవ్యాహతైశ్వర్యః స గణేశప్రసాదతః || ౧౩ ||
ఇతి గణేశరక్షాకరం స్తోత్రం సంపూర్ణమ్ |
Lord Ganesha Stotras
Vakratunda Ganesha Stavaraja in Telugu | వక్రతుండ గణేశ స్తవరాజః
Sri Lambodara Stotram (Krodhasura Krutam) in Telugu | శ్రీ లంబోదర స్తోత్రం (క్రోధాసుర కృతం)
Yogaprada Ganesha Stotram in Telugu | యోగప్రద గణేశ స్తోత్రం (ముద్గల పురాణే)
Sri Maha Ganapati Mantra Vigraha Kavacham in Telugu | శ్రీ మహాగణపతి మంత్రవిగ్రహ కవచం
Sri Maha Ganapathi Moola Mantra in Telugu | శ్రీ మహాగణపతి మూలమంత్రః
Manoratha Siddhiprada Ganesha Stotram in Telugu | మనోరథసిద్ధిప్రద గణేశ స్తోత్రం
Panchashloki Ganesha Puranam in Telugu | పంచశ్లోకి గణేశ పురాణం
Pushtipati Stotram (Devarshi Krutam) in Telugu | పుష్టిపతి స్తోత్రం (దేవర్షి కృతం)
Dvatrimsat Ganapathi Dhyana Slokah in Telugu | ద్వాత్రింశద్గణపతి ధ్యాన శ్లోకాః
Trailokya Mohana Ganapati Kavacham in Telugu | త్రైలోక్యమోహన గణపతి కవచం
