Sri Swaminatha Panchakam Lyrics in Telugu
శ్రీ స్వామినాథ పంచకం
హే స్వామినాథార్తబంధో |
భస్మలిప్తాంగ గాంగేయ కారుణ్యసింధో ||
రుద్రాక్షధారిన్నమస్తే
రౌద్రరోగం హర త్వం పురారేర్గురోర్మే |
రాకేందువక్త్రం భవంతం
మారరూపం కుమారం భజే కామపూరమ్ || ౧ ||
మాం పాహి రోగాదఘోరాత్
మంగళాపాంగపాతేన భంగాత్స్వరాణామ్ |
కాలాచ్చ దుష్పాకకూలాత్
కాలకాలస్యసూనుం భజే క్రాంతసానుమ్ || ౨ ||
బ్రహ్మాదయో యస్య శిష్యాః
బ్రహ్మపుత్రా గిరౌ యస్య సోపానభూతాః |
సైన్యం సురాశ్చాపి సర్వే
సామవేదాదిగేయం భజే కార్తికేయమ్ || ౩ ||
కాషాయ సంవీత గాత్రం
కామరోగాది సంహారి భిక్షాన్న పాత్రమ్ |
కారుణ్య సంపూర్ణ నేత్రం
శక్తిహస్తం పవిత్రం భజే శంభుపుత్రమ్ || ౪ ||
శ్రీస్వామి శైలే వసంతం
సాధుసంఘస్య రోగాన్ సదా సంహరంతమ్ |
ఓంకారతత్త్వం వదంతం
శంభుకర్ణే హసంతం భజేఽహం శిశుం తమ్ || ౫ ||
స్తోత్రం కృతం చిత్రచిత్రం
దీక్షితానంతరామేణ సర్వార్థసిద్ధ్యై |
భక్త్యా పఠేద్యః ప్రభాతే
దేవదేవప్రసాదాత్ లభేతాష్టసిద్ధిమ్ || ౬ ||
ఇతి శ్రీఅనంతరామదీక్షితర్ కృతం శ్రీ స్వామినాథ పంచకమ్ |
Sri Subrahmanya Swamy Related Stotras
Sri Skanda Stotram (Mahabharatam) Telugu | శ్రీ స్కంద స్తోత్రం (మహాభారతే)
Sri Dandayudhapani Ashtakam In Telugu | శ్రీ దండాయుధపాణ్యష్టకం
Sri Dandapani Pancharatnam In Telugu | శ్రీ దండపాణి పంచరత్నం
Saravana Bhava Devasenesha Shatkam In Telugu | శరవణభవ దేవసేనేశ షట్కం
Skandotpatti (Ramayana Bala Kanda) in Telugu | స్కందోత్పత్తి (రామాయణ బాలకాండే)
Sri Subrahmanya Hrudaya Stotram in Telugu | శ్రీ సుబ్రహ్మణ్య హృదయ స్తోత్రం
Sri Subrahmanya Sharanagati Gadyam in Telugu | శ్రీ సుబ్రహ్మణ్య శరణాగతి గద్యం
