Sri Subrahmanya Aksharamalika Stotram Lyrics In Telugu
శ్రీ సుబ్రహ్మణ్యాక్షరమాలికా స్తోత్రం
శరవణభవ గుహ శరవణభవ గుహ
శరవణభవ గుహ పాహి గురో గుహ ||
అఖిలజగజ్జనిపాలననిలయన
కారణ సత్సుఖచిద్ఘన భో గుహ || ౧ ||
ఆగమనిగదితమంగళగుణగణ
ఆదిపురుషపురుహూత సుపూజిత || ౨ ||
ఇభవదనానుజ శుభసముదయయుత
విభవకరంబిత విభుపదజృంభిత || ౩ ||
ఈతిభయాపహ నీతినయావహ
గీతికలాఖిలరీతివిశారద || ౪ ||
ఉపపతిరివకృతవల్లీసంగమ –
కుపిత వనేచరపతిహృదయంగమ || ౫ ||
ఊర్జితశాసనమార్జితభూషణ
స్ఫూర్జథుఘోషణ ధూర్జటితోషణ || ౬ ||
ఋషిగణవిగణితచరణకమలయుత
ఋజుసరణిచరిత మహదవనమహిత || ౭ ||
ౠకారాక్షరరూప పురాతన
రాకాచంద్రనికాశ షడానన || ౮ ||
ఌకారరూపోపకారసునిరత
వికారరహితాపకారసువిరత || ౯ ||
ౡకారాకృతి శోకాపోహన
కేకారవయుత కేకివినోదన || ౧౦ ||
ఏడకవాహన మూఢవిమోహన
ఊఢసమభువన సోఢసదకరణ || ౧౧ ||
ఐలబిలాదిదిగీశబలావృత
కైలాసాచలలీలాలాలస || ౧౨ ||
ఓజోరేజిత తేజోరాజిత
ఆజివిరాజదరాత్యపరాజిత || ౧౩ ||
ఔపనిషదపరమాత్మపదోదిత
ఔపాధికవిగ్రహతాముపగత || ౧౪ ||
అంహోనాశన రంహోగాహన
బ్రహ్మోద్బోధన సింహోన్మేషణ || ౧౫ ||
అస్తవిశస్తసమస్తమహాసుర
హస్తసతతధృతశక్తిభృతామర || ౧౬ ||
కరుణావిగ్రహ కలితానుగ్రహ
కటుసుతిదుర్గ్రహ పటుయతిసుగ్రహ || ౧౭ ||
ఖండితచండమహాసురమండల-
మండితనిబిడశ్యామళకుంతల || ౧౮ ||
గంగాసంభవ గిరిశతనూభవ
రంగపురోభవ తుంగకుచాధవ || ౧౯ ||
ఘనవాహనముఖ సురవరవందిత
ఘననాదోదిత శిఖినటనందిత || ౨౦ ||
ఙవమానధనుర్మౌర్వీరవరత
పవమానధృతవ్యజనకృతిముదిత || ౨౧ ||
చరణాయుధధర కరణావృతిహర
తరుణాకృతివర కరుణాసాగర || ౨౨ ||
ఛేదిత తారక భేదిత పాతక
ఖేదిత ఘాతక వాంఛితదాయక || ౨౩ ||
జలజనిభనయన ఖలమనుజమథన
బలిదనుజమదన కలికలుషశమన || ౨౪ ||
ఝషకేతనసమ వృషకేతనరమ
మిషచేతనయమ వృషకారిసుగమ || ౨౫ ||
జ్ఞాతాగమచయ ధూతాఘనిచయ
వీతషడరిరయ గీతగుణోదయ || ౨౬ ||
టంకారాగత కంకాత్తాహిత
ఝంకారాఢ్యాలంకారావృత || ౨౭ ||
ఠాకృతిరాజిత హాటకకుండల
స్వాకృతిరేజిత ఘోటకమండల || ౨౮ ||
డింభాకృతియుత రంభానటరత
జంభారివినుత కుంభోద్భవనుత || ౨౯ ||
ఢక్కారవకృత ధిక్కారాహిత
దిక్కాలామిత హిక్కాదిరహిత || ౩౦ ||
ణకారతరుసుమ నికారరతిదమ
ణకారయుతమనుజపవిహితాగమ || ౩౧ ||
తాపత్రయహర కాలత్రయచర
లోకత్రయధర వర్గత్రయకర || ౩౨ ||
స్థిరపదదాయక సురవరనాయక
నిరసితసాయక నిరుపమగాయక || ౩౩ ||
దాంతదయాపర కాంతకళేబర
భ్రాంతం మాం తర శాంతహృదయవర || ౩౪ ||
ధీరోదాత్త గుణోత్తర జిత్వర |
ధీరోపాసిత విత్తమహత్తర || ౩౫ ||
నవవీరాహిత సవయోవిహసిత
భవరోగావృతమనుజజిహాసిత || ౩౬ ||
పుష్కరమాలావాసితవిగ్రహ
పుణ్యపరాయణ విహితపరిగ్రహ || ౩౭ ||
ఫాలలసన్మృగమదతిలకోజ్జ్వల
కలిమలతూల సువాతూలాతుల || ౩౮ ||
బందీకృతసురబృందానందన
వందారు మనుజ మందారద్రుమ || ౩౯ ||
భవతాగమితః కారాగారం
ప్రణవావిదితశ్చతురాస్యోరమ్ || ౪౦ ||
మహనీయమహావాక్యోద్ఘోషిత
కమనీయమహామకుటోద్భూషిత || ౪౧ ||
యోగిహృదయసరసీరుహభాస్వర
యోగాధీశ్వర భోగవికస్వర || ౪౨ ||
రక్షోశిక్షణకృత్యవిచక్షణ
రక్షణదక్షకటాక్షనిరీక్షణ || ౪౩ ||
లోలదుకూలాంచలవాదాంచల
బాలకుతూహల లీలాపేశల || ౪౪ ||
వలవైరిసుతాచరితాపహసిత
లవలీతిమతా భవతో వనితా || ౪౫ ||
శూలాయుధధర కాలాయుతహర
మాలాయుతభర హేలాయుతకర || ౪౬ ||
షట్కోణస్థిత షట్తారకసుత
షడ్భావరహిత షడూర్మిఘాతక || ౪౭ ||
సుబ్రహ్మణ్యోమితి నిగమాంతో
వదతి భవంతం ప్రణవపదార్థమ్ || ౪౮ ||
హారావళియుతకారాహృతసుర
ధారారతహయ నియుత నియుతరథ || ౪౯ ||
లళితకరకమల లుళితవరవలయ
దళితాసురచయ మిళితామరచయ || ౫౦ ||
క్షణభంగురజగదుపపాదనచణ
వేదవినిశ్చిత తత్త్వజనావన || ౫౧ ||
నీలకంఠకృత వర్ణమాలికా
ప్రీతయే భవతు పార్వతీభువః ||
Sri Subrahmanya Swamy Related Stotras
Sri Subrahmanya Kavacham Stotram In Telugu | శ్రీ సుబ్రహ్మణ్య కవచ స్తోత్రం
Sri Subrahmanya Aparadha Kshamapana Stotram | శ్రీ సుబ్రహ్మణ్య అపరాధక్షమాపణ స్తోత్రం
Sri Shanmukha Stotram Lyrics In Telugu | శ్రీ షణ్ముఖ స్తోత్రం
Sri Shanmukha Shatpadi Stava In Telugu | శ్రీ షణ్ముఖ షట్పదీ స్తవః
Sri Shanmukha Bhujanga Stuti In Telugu | శ్రీ షణ్ముఖ భుజంగ స్తుతిః
Sri Shanmukha Pancharatna Stuti Lyrics | శ్రీ షణ్ముఖ పంచరత్న స్తుతిః
Shanmukha Dhyana Slokah Lyrics In Telugu | షణ్ముఖ ధ్యాన శ్లోకాః
Sri Karthikeya Ashtakam Lyrics In Telugu | శ్రీ కార్తికేయాష్టకం
Sri Subrahmanya Shatkam Lyrics in Telugu | శ్రీ సుబ్రహ్మణ్య షట్కం
Sri Karthikeya Panchakam Lyrics In Telugu | శ్రీ కార్తికేయ పంచకం
