Sri Shanmukha Stotram Lyrics In Telugu
శ్రీ షణ్ముఖ స్తోత్రం
నారదాదిదేవయోగిబృందహృన్నికేతనం
బర్హివర్యవాహమిందుశేఖరేష్టనందనమ్ |
భక్తలోకరోగదుఃఖపాపసంఘభంజనం
భావయామి సింధుతీరవాసినం షడాననమ్ || ౧ ||
తారకారీమింద్రముఖ్యదేవబృందవందితం
చంద్రచందనాది శీతలాంకమాత్మభావితమ్ |
యక్షసిద్ధకిన్నరాదిముఖ్యదివ్యపూజితం
భావయామి సింధుతీరవాసినం షడాననమ్ || ౨ ||
చంపకాబ్జమాలతీసుమాదిమాల్యభూషితం
దివ్యషట్కిరీటహారకుండలాద్యలంకృతమ్ |
కుంకుమాదియుక్తదివ్యగంధపంకలేపితం
భావయామి సింధుతీరవాసినం షడాననమ్ || ౩ ||
ఆశ్రితాఖిలేష్టలోకరక్షణామరాంఘ్రిపం
శక్తిపాణిమచ్యుతేంద్రపద్మసంభవాధిపమ్ |
శిష్టలోకచింతితార్థసిద్ధిదానలోలుపం
భావయామి సింధుతీరవాసినం షడాననమ్ || ౪ ||
వీరబాహు పూర్వకోటివీరసంఘసౌఖ్యదం
శూరపద్మముఖ్యలక్షకోటిశూరముక్తిదమ్ |
ఇంద్రపూర్వదేవసంఘసిద్ధనిత్యసౌఖ్యదం
భావయామి సింధుతీరవాసినం షడాననమ్ || ౫ ||
జంబవైరికామినీమనోరథాభిపూరకం
కుంభసంభవాయ సర్వధర్మసారదాయకమ్ |
తం భవాబ్ధిపోతమంబికేయమాశు సిద్ధిదం
భావయామి సింధుతీరవాసినం షడాననమ్ || ౬ ||
పూర్ణచంద్రబింబకోటితుల్యవక్త్రపంకజం
వర్ణనీయసచ్చరిత్రమిష్టసిద్ధిదాయకమ్ |
స్వర్ణవర్ణగాత్రముగ్రసిద్ధలోకశిక్షకం
భావయామి సింధుతీరవాసినం షడాననమ్ || ౭ ||
పూర్వజన్మసంచితాఘసంఘభంగతత్పరం
సర్వధర్మదానకర్మపూర్వపుణ్యసిద్ధిదమ్ |
సర్వశత్రుసంఘభంగదక్షమింద్రజాపతిం
భావయామి సింధుతీరవాసినం షడాననమ్ || ౮ ||
ఇతి శ్రీమచ్ఛంకరభగవతః కృతౌ తిరుచేందూర్ శ్రీ షణ్ముఖ స్తోత్రమ్ |
Sri Subrahmanya Swamy Related Stotras
Sri Subrahmanya Aparadha Kshamapana Stotram | శ్రీ సుబ్రహ్మణ్య అపరాధక్షమాపణ స్తోత్రం
Sri Shanmukha Shatpadi Stava In Telugu | శ్రీ షణ్ముఖ షట్పదీ స్తవః
Sri Shanmukha Bhujanga Stuti In Telugu | శ్రీ షణ్ముఖ భుజంగ స్తుతిః
Sri Shanmukha Pancharatna Stuti Lyrics | శ్రీ షణ్ముఖ పంచరత్న స్తుతిః
Shanmukha Dhyana Slokah Lyrics In Telugu | షణ్ముఖ ధ్యాన శ్లోకాః
Sri Karthikeya Ashtakam Lyrics In Telugu | శ్రీ కార్తికేయాష్టకం
Sri Subrahmanya Shatkam Lyrics in Telugu | శ్రీ సుబ్రహ్మణ్య షట్కం
Sri Karthikeya Panchakam Lyrics In Telugu | శ్రీ కార్తికేయ పంచకం
Saravanabhava Mantrakshara Shatkam In Telugu | శరవణభవ మంత్రాక్షర షట్కం
Sri Karthikeya Stotram Lyrics In Telugu | శ్రీ కార్తికేయ స్తోత్రం
