Sri Shanmukha Bhujanga Stuti Lyrics In Telugu
శ్రీ షణ్ముఖ భుజంగ స్తుతిః
హ్రియా లక్ష్మ్యా వల్ల్యా సురపృతనయాఽఽలింగితతనుః
మయూరారూఢోఽయం శివవదనపంకేరుహరవిః |
షడాస్యో భక్తానామచలహృదివాసం ప్రతనవై
ఇతీమం బుద్ధిం ద్రాగచలనిలయః సంజనయతి || ౧ ||
స్మితన్యక్కృతేందుప్రభాకుందపుష్పం
సితాభ్రాగరుప్రష్ఠగంధానులిప్తమ్ |
శ్రితాశేషలోకేష్టదానామరద్రుం
సదా షణ్ముఖం భావయే హృత్సరోజే || ౨ ||
శరీరేంద్రియాదావహంభావజాతాన్
షడూర్మీర్వికారాంశ్చ శత్రూన్నిహంతుమ్ |
నతానాం దధే యస్తమాస్యాబ్జషట్కం
సదా షణ్ముఖం భావయే హృత్సరోజే || ౩ ||
అపర్ణాఖ్యవల్లీసమాశ్లేషయోగాత్
పురా స్థాణుతో యోఽజనిష్టామరార్థమ్ |
విశాఖం నగే వల్లికాఽఽలింగితం తం
సదా షణ్ముఖం భావయే హృత్సరోజే || ౪ ||
గుకారేణ వాచ్యం తమో బాహ్యమంతః
స్వదేహాభయా జ్ఞానదానేన హంతి |
య ఏనం గుహం వేదశీర్షైకమేయం
సదా షణ్ముఖం భావయే హృత్సరోజే || ౫ ||
యతః కర్మమార్గో భువి ఖ్యాపితస్తం
స్వనృత్యే నిమిత్తస్య హేతుం విదిత్వా |
వహత్యాదరాన్మేఘనాదానులాసీ
సదా షణ్ముఖం భావయే హృత్సరోజే || ౬ ||
కృపావారిరాశిర్నృణామాస్తికత్వం
దృఢం కర్తుమద్యాపి యః కుక్కుటాదీన్ |
భృశం పాచితాన్ జీవయన్రాజతే తం
సదా షణ్ముఖం భావయే హృత్సరోజే || ౭ ||
భుజంగప్రయాతేన వృత్తేన క్లుప్తాం
స్తుతిం షణ్ముఖస్యాదరాద్యే పఠంతి |
సుపుత్రాయురారోగ్యసంపద్విశిష్టాన్
కరోత్యేవ తాన్ షణ్ముఖః సద్విదగ్ర్యాన్ || ౮ ||
ఇతి శ్రీశృంగేరి శారదాపీఠ జగద్గురు శ్రీచంద్రశేఖరభారతీ స్వామిభిః విరచితం శ్రీషణ్ముఖ భుజంగ స్తుతిః |
Sri Subrahmanya Swamy Related Stotras
Sri Shanmukha Shatpadi Stava In Telugu | శ్రీ షణ్ముఖ షట్పదీ స్తవః
Sri Shanmukha Pancharatna Stuti Lyrics | శ్రీ షణ్ముఖ పంచరత్న స్తుతిః
Shanmukha Dhyana Slokah Lyrics In Telugu | షణ్ముఖ ధ్యాన శ్లోకాః
Sri Karthikeya Ashtakam Lyrics In Telugu | శ్రీ కార్తికేయాష్టకం
Sri Subrahmanya Shatkam Lyrics in Telugu | శ్రీ సుబ్రహ్మణ్య షట్కం
Sri Karthikeya Panchakam Lyrics In Telugu | శ్రీ కార్తికేయ పంచకం
Saravanabhava Mantrakshara Shatkam In Telugu | శరవణభవ మంత్రాక్షర షట్కం
Sri Karthikeya Stotram Lyrics In Telugu | శ్రీ కార్తికేయ స్తోత్రం
Sri Karthikeya Karavalamba Stotram In Telugu | శ్రీ కార్తికేయ కరావలంబ స్తోత్రం
