Sri Mangala Chandika Stotram Lyrics in Telugu
1శ్రీ మంగళ చండికా స్తోత్రం
శ్రీ మంగళ చండికా స్తోత్రం స్తుతిస్తే కుజ దోషం తొలగిపోయి మీరు అనుకున్నది సాధిస్తారు.
ధ్యానమ్ |
దేవీం షోడశవర్షీయాం రమ్యాం సుస్థిరయౌవనామ్ |
సర్వరూపగుణాఢ్యాం చ కోమలాంగీం మనోహరామ్ || ౧ ||
శ్వేతచంపకవర్ణాభాం చంద్రకోటిసమప్రభామ్ |
వహ్నిశుద్ధాంశుకాధానాం రత్నభూషణభూషితామ్ || ౨ ||
బిభ్రతీం కబరీభారం మల్లికామాల్యభూషితమ్ |
బింబోష్ఠీం సుదతీం శుద్ధాం శరత్పద్మనిభాననామ్ || ౩ ||
ఈషద్ధాస్యప్రసన్నాస్యాం సునీలోత్పలలోచనామ్ |
జగద్ధాత్రీం చ దాత్రీం చ సర్వేభ్యః సర్వసంపదామ్ || ౪ ||
సంసారసాగరే ఘోరే పోతరుపాం వరాం భజే || ౫ ||
దేవ్యాశ్చ ధ్యానమిత్యేవం స్తవనం శ్రూయతాం మునే |
ప్రయతః సంకటగ్రస్తో యేన తుష్టావ శంకరః || ౬ ||
శంకర ఉవాచ |
రక్ష రక్ష జగన్మాతర్దేవి మంగళచండికే |
సంహర్త్రి విపదాం రాశేర్హర్షమంగళకారికే || ౭ ||
హర్షమంగళదక్షే చ హర్షమంగళచండికే |
శుభే మంగళదక్షే చ శుభమంగళచండికే || ౮ ||
మంగళే మంగళార్హే చ సర్వమంగళమంగళే |
సతాం మంగళదే దేవి సర్వేషాం మంగళాలయే || ౯ ||
పూజ్యా మంగళవారే చ మంగళాభీష్టదైవతే |
పూజ్యే మంగళభూపస్య మనువంశస్య సంతతమ్ || ౧౦ ||
మంగళాధిష్ఠాతృదేవి మంగళానాం చ మంగళే |
సంసారమంగళాధారే మోక్షమంగళదాయిని || ౧౧ ||
సారే చ మంగళాధారే పారే త్వం సర్వకర్మణామ్ |
ప్రతిమంగళవారే చ పూజ్యే త్వం మంగళప్రదే || ౧౨ ||
స్తోత్రేణానేన శంభుశ్చ స్తుత్వా మంగళచండికామ్ |
ప్రతిమంగళవారే చ పూజాం కృత్వా గతః శివః || ౧౩ ||
దేవ్యాశ్చ మంగళస్తోత్రం యః శృణోతి సమాహితః |
తన్మంగళం భవేచ్ఛశ్వన్న భవేత్తదమంగళమ్ || ౧౪ ||
ప్రథమే పూజితా దేవీ శంభునా సర్వమంగళా |
ద్వితీయే పూజితా దేవీ మంగళేన గ్రహేణ చ || ౧౫ ||
తృతీయే పూజితా భద్రా మంగళేన నృపేణ చ |
చతుర్థే మంగళే వారే సుందరీభిశ్చ పూజితా |
పంచమే మంగళాకాంక్షైర్నరైర్మంగళచండికా || ౧౬ ||
పూజితా ప్రతివిశ్వేషు విశ్వేశైః పూజితా సదా |
తతః సర్వత్ర సంపూజ్య సా బభూవ సురేశ్వరీ || ౧౭ ||
దేవాదిభిశ్చ మునిభిర్మనుభిర్మానవైర్మునే |
దేవ్యాశ్చ మంగళస్తోత్రం యః శృణోతి సమాహితః || ౧౮ ||
తన్మంగళం భవేచ్ఛశ్వన్న భవేత్తదమంగళమ్ |
వర్ధంతే తత్పుత్రపౌత్రా మంగళం చ దినే దినే || ౧౯ ||
Mahakali Related Posts
శ్రీ చాముండేశ్వరీ అష్టోత్తరశతనామావళిః | Sri Chamundeshwari Ashtottara Shatanamavali in Telugu
శ్రీ కాళీ కర్పూర స్తోత్రం | Sri Kali Karpura Stotram in Telugu
శ్రీ కాళీ అష్టోత్తరశతనామావళిః స్తోత్రం | Sri Kali Ashtottara Shatanamavali in Telugu
శ్రీ భద్రకాళీ అష్టోత్తరశతనామ స్తోత్రం | Sri Bhadrakali Ashtottara Shatanama Stotram in Telugu
శ్రీ కాళీ అష్టోత్తర శతనామ స్తోత్రం | Sri Kali Ashtottara Shatanama Stotram in Telugu
Sri Maha Kali Stotram | శ్రీ మహాకాళీ స్తోత్రం – Sri Mahakali Stotram
కాల స్వరూపిణి కాళికా దేవి – దశమహా విద్యలు | Kali Swarupini Kalika Devi Dasa Mahavidyas
Kalikashtakam Lyrics in Telugu | కాళికాష్టకం, Kalika Ashtakam
