Sri Manasa Devi Stotram (Mahendra Krutam) Lyrics in Telugu
శ్రీ మనసా దేవీ స్తోత్రం (మహేంద్ర కృతం)
దేవి త్వాం స్తోతుమిచ్ఛామి సాధ్వీనాం ప్రవరాం పరామ్ |
పరాత్పరాం చ పరమాం న హి స్తోతుం క్షమోఽధునా || ౧ ||
స్తోత్రాణాం లక్షణం వేదే స్వభావాఖ్యానతః పరమ్ |
న క్షమః ప్రకృతిం వక్తుం గుణానాం తవ సువ్రతే || ౨ ||
శుద్ధసత్త్వస్వరూపా త్వం కోపహింసావివర్జితా |
న చ శప్తో మునిస్తేన త్యక్తయా చ త్వయా యతః || ౩ ||
త్వం మయా పూజితా సాధ్వీ జననీ చ యథాఽదితిః |
దయారూపా చ భగినీ క్షమారూపా యథా ప్రసూః || ౪ ||
త్వయా మే రక్షితాః ప్రాణా పుత్రదారాః సురేశ్వరి |
అహం కరోమి త్వాం పూజ్యాం మమ ప్రీతిశ్చ వర్ధతే || ౫ ||
నిత్యం యద్యపి పూజ్యా త్వం భవేఽత్ర జగదంబికే |
తథాపి తవ పూజాం వై వర్ధయామి పునః పునః || ౬ ||
యే త్వామాషాఢసంక్రాంత్యాం పూజయిష్యంతి భక్తితః |
పంచమ్యాం మనసాఖ్యాయాం మాసాంతే వా దినే దినే || ౭ ||
పుత్రపౌత్రాదయస్తేషాం వర్ధంతే చ ధనాని చ |
యశస్వినః కీర్తిమంతో విద్యావంతో గుణాన్వితాః || ౮ ||
యే త్వాం న పూజయిష్యంతి నిందంత్యజ్ఞానతో జనాః |
లక్ష్మీహీనా భవిష్యంతి తేషాం నాగభయం సదా || ౯ ||
త్వం స్వర్గలక్ష్మీః స్వర్గే చ వైకుంఠే కమలాకలా |
నారాయణాంశో భగవాన్ జరత్కారుర్మునీశ్వరః || ౧౦ ||
తపసా తేజసా త్వాం చ మనసా ససృజే పితా |
అస్మాకం రక్షణాయైవ తేన త్వం మనసాభిధా || ౧౧ ||
మనసా దేవి తు శక్తా చాత్మనా సిద్ధయోగినీ |
తేన త్వం మనసాదేవీ పూజితా వందితా భవే || ౧౨ ||
యాం భక్త్యా మనసా దేవాః పూజయంత్యనిశం భృశమ్ |
తేన త్వాం మనసాదేవీం ప్రవదంతి పురావిదః || ౧౩ ||
సత్త్వరూపా చ దేవీ త్వం శశ్వత్సత్త్వనిషేవయా |
యో హి యద్భావయేన్నిత్యం శతం ప్రాప్నోతి తత్సమమ్ || ౧౪ ||
ఇదం స్తోత్రం పుణ్యబీజం తాం సంపూజ్య చ యః పఠేత్ |
తస్య నాగభయం నాస్తి తస్య వంశోద్భవస్య చ || ౧౫ ||
విషం భవేత్సుధాతుల్యం సిద్ధస్తోత్రం యదా పఠేత్ |
పంచలక్షజపేనైవ సిద్ధస్తోత్రో భవేన్నరః |
సర్పశాయీ భవేత్సోఽపి నిశ్చితం సర్పవాహనః || ౧౬ ||
ఇతి శ్రీబ్రహ్మవైవర్తే మహాపురాణే ప్రకృతిఖండే షట్చత్వారింశోఽధ్యాయే మహేంద్ర కృత శ్రీ మనసాదేవీ స్తోత్రమ్ ||
Sri Naga Devata Related Stotras
Naga Panchami Puja Vidhanam (Poorvangam) in Telugu | నాగ పంచమీ పూజా విధానం (పూర్వాంగం)
Sri Manasa Devi Stotram (Dhanvantari Krutam) in Telugu | శ్రీ మానసా దేవి స్తోత్రం (ధన్వంతరి కృతం)
Sri Manasa Devi Mula Mantram in Telugu | శ్రీ మనసా దేవీ మూలమంత్రం
Sri Nageshwara Stuti Lyrics in Telugu | శ్రీ నాగేశ్వర స్తుతిః
Sri Naga Stotram (Nava Naga) in Telugu | శ్రీ నాగ స్తోత్రం (నవనాగ స్తోత్రం)
 దేవి త్వాం స్తోతుమిచ్ఛామి సాధ్వీనాం ప్రవరాం పరామ్ |పరాత్పరాం చ పరమాం న హి స్తోతుం క్షమోఽధునా ||){kind=link}