Sri Mahalakshmi Stava in Telugu
శ్రీ మహాలక్ష్మీ స్తవః
నారాయణ ఉవాచ |
దేవి త్వాం స్తోతుమిచ్ఛామి న క్షమాః స్తోతుమీశ్వరాః |
బుద్ధేరగోచరాం సూక్ష్మాం తేజోరూపాం సనాతనీమ్ |
అత్యనిర్వచనీయాం చ కో వా నిర్వక్తుమీశ్వరః || ౧ ||
స్వేచ్ఛామయీం నిరాకారాం భక్తానుగ్రహవిగ్రహామ్ |
స్తౌమి వాఙ్మనసోః పారాం కిం వాఽహం జగదంబికే || ౨ ||
పరాం చతుర్ణాం వేదానాం పారబీజం భవార్ణవే |
సర్వసస్యాఽధిదేవీం చ సర్వాసామపి సంపదామ్ || ౩ ||
యోగినాం చైవ యోగానాం జ్ఞానానాం జ్ఞానినాం తథా |
వేదానాం వై వేదవిదాం జననీం వర్ణయామి కిమ్ || ౪ ||
యయా వినా జగత్సర్వమబీజం నిష్ఫలం ధ్రువమ్ |
యథా స్తనంధయానాం చ వినా మాత్రా సుఖం భవేత్ || ౫ ||
ప్రసీద జగతాం మాతా రక్షాస్మానతికాతరాన్ |
వయం త్వచ్చరణాంభోజే ప్రపన్నాః శరణం గతాః || ౬ ||
నమః శక్తిస్వరూపాయై జగన్మాత్రే నమో నమః |
జ్ఞానదాయై బుద్ధిదాయై సర్వదాయై నమో నమః || ౭ ||
హరిభక్తిప్రదాయిన్యై ముక్తిదాయై నమో నమః |
సర్వజ్ఞాయై సర్వదాయై మహాలక్ష్మ్యై నమో నమః || ౮ ||
కుపుత్రాః కుత్రచిత్సంతి న కుత్రాఽపి కుమాతరః |
కుత్ర మాతా పుత్రదోషం తం విహాయ చ గచ్ఛతి || ౯ ||
స్తనంధయేభ్య ఇవ మే హే మాతర్దేహి దర్శనమ్ |
కృపాం కురు కృపాసింధో త్వమస్మాన్భక్తవత్సలే || ౧౦ ||
ఇత్యేవం కథితం వత్స పద్మాయాశ్చ శుభావహమ్ |
సుఖదం మోక్షదం సారం శుభదం సంపదః ప్రదమ్ || ౧౧ ||
ఇదం స్తోత్రం మహాపుణ్యం పూజాకాలే చ యః పఠేత్ |
మహాలక్ష్మీర్గృహం తస్య న జహాతి కదాచన || ౧౨ ||
Goddess Lakshmi Devi Related Stotras
శ్రీ మహాలక్ష్మీ అక్షరమాలిక నామావళిః | Sri Mahalakshmi Aksharamalika Namavali in Telugu
శ్రీ మహాలక్ష్మీ చతుర్వింశతినామ స్తోత్రం | Sri Mahalakshmi Chaturvimsati Nama Stotram in Telugu
శ్రీ మహాలక్ష్మీ కవచం – 2 | Sri Mahalakshmi Kavacham Type 2 in Telugu
శ్రీ మహాలక్ష్మీ కవచం 1 | Sri Mahalakshmi Kavacham Type 1 in Telugu
Sri Bhadra Lakshmi Stavam in Telugu | శ్రీ భద్రలక్ష్మీ స్తవం
శ్రీ లక్ష్మీ గాయత్రీ మంత్రస్తుతిః – Sri Lakshmi Gayatri Mantra Stuti in Telugu
శ్రీ వరలక్ష్మీ వ్రతకల్పం – Sri Varalakshmi Vrata Kalpam in Telugu
