Sri Karthikeya Ashtakam Lyrics In Telugu
శ్రీ కార్తికేయాష్టకం
అగస్త్య ఉవాచ |
నమోఽస్తు బృందారకబృందవంద్య-
-పాదారవిందాయ సుధాకరాయ |
షడాననాయామితవిక్రమాయ
గౌరీహృదానందసముద్భవాయ || ౧ ||
నమోఽస్తు తుభ్యం ప్రణతార్తిహంత్రే
కర్త్రే సమస్తస్య మనోరథానామ్ |
దాత్రే రథానాం పరతారకస్య
హంత్రే ప్రచండాసురతారకస్య || ౨ ||
అమూర్తమూర్తాయ సహస్రమూర్తయే
గుణాయ గణ్యాయ పరాత్పరాయ |
అపారపారాయ పరాపరాయ
నమోఽస్తు తుభ్యం శిఖివాహనాయ || ౩ ||
నమోఽస్తు తే బ్రహ్మవిదాం వరాయ
దిగంబరాయాంబరసంస్థితాయ |
హిరణ్యవర్ణాయ హిరణ్యబాహవే
నమో హిరణ్యాయ హిరణ్యరేతసే || ౪ ||
తపః స్వరూపాయ తపోధనాయ
తపః ఫలానాం ప్రతిపాదకాయ |
సదా కుమారాయ హిమారమారిణే
తృణీకృతైశ్వర్య విరాగిణే నమః || ౫ ||
నమోఽస్తు తుభ్యం శరజన్మనే విభో
ప్రభాతసూర్యారుణదంతపంక్తయే |
బాలాయ చాబాలపరాక్రమాయ షా-
-ణ్మాతురాయాలమనాతురాయ || ౬ ||
మీఢుష్టమాయోత్తరమీఢుషే నమో
నమో గణానాం పతయే గణాయ |
నమోఽస్తు తే జన్మజరాతిగాయ
నమో విశాఖాయ సుశక్తిపాణయే || ౭ ||
సర్వస్య నాథస్య కుమారకాయ
క్రౌంచారయే తారకమారకాయ |
స్వాహేయ గాంగేయ చ కార్తికేయ
శైవేయ తుభ్యం సతతం నమోఽస్తు || ౮ ||
ఇతి శ్రీస్కాందే మహాపురాణే కాశీఖండే పంచవింశతితమోఽధ్యాయే శ్రీ కార్తికేయాష్టకమ్ |
Sri Subrahmanya Swamy Related Stotras
Shanmukha Dhyana Slokah Lyrics In Telugu | షణ్ముఖ ధ్యాన శ్లోకాః
Sri Subrahmanya Shatkam Lyrics in Telugu | శ్రీ సుబ్రహ్మణ్య షట్కం
Sri Karthikeya Panchakam Lyrics In Telugu | శ్రీ కార్తికేయ పంచకం
Saravanabhava Mantrakshara Shatkam In Telugu | శరవణభవ మంత్రాక్షర షట్కం
Sri Karthikeya Stotram Lyrics In Telugu | శ్రీ కార్తికేయ స్తోత్రం
Sri Karthikeya Karavalamba Stotram In Telugu | శ్రీ కార్తికేయ కరావలంబ స్తోత్రం
Sri Subrahmanya Vajra Panjara Kavacham | శ్రీ సుబ్రహ్మణ్య వజ్రపంజర కవచం
Sri Subrahmanya Mangala Ashtakam in Telugu | శ్రీ సుబ్రహ్మణ్య మంగళాష్టకం
Sri Subramanya Moola Mantra Stava in Telugu | శ్రీ సుబ్రహ్మణ్య మూలమంత్ర స్తవః
